ད་ལོའི་ཟླ12ཚེས2ཉིན་ནི“རྒྱལ་ཡོངས་ཀྱི་འགྲིམ་འགྲུལ་བདེ་འཇགས་ཉིན་མོ”ཐེངས་བཅུ་གསུ་པ་ཡིན།  ཉེ་ལམ་སྤྱི་བདེ་པུའུ་དང་། ཀྲུང་དབྱང་དྲ་རྒྱ་བདེ་འཇགས་དང་ཆ་འཕྲིན་ཅན་ཨུ་ཡོན་ལྷན་ཁང་གཞུང་སྒྲུབ་ཁང་། ཀྲུང་དབྱང་བསམ་པའི་དཔལ་ཡོན་འཛུགས་སྐྲུན་གཞུང་སྒྲུབ་ཁང་། སློབ་གསོ་པུའུ། ཁྲིམས་འཛིན་པུའུ། འགྲིམ་འགྲུལ་སྐྱེལ་འདྲེན་པུའུ། འཕྲལ་སྡོམ་དོ་དམ་པུའུ། གུང་གཞོན་སྡེ་ཚོགས་ཀྲུང་དབྱང་ཨུ་ཡོན་ལྷན་ཁང་བཅས་ཀྱིས་མཉམ་འབྲེལ་སྒོས་བརྡ་ཐོ་བཏང་ནས།   ཉིན་དེ་ནས2024ལོའི་ལོ་མཇུག་བར“ དཔལ་ཡོན་འགྲིམ་འགྲུལ་ལག་གདང་སྦྲེལ་ནས་མཉམ་སྐྲུན་བྱེད”ཅེས་པ་བརྗོད་དོན་གཙོ་བོར་བྱས་ཏེ། “རྒྱལ་ཡོངས་ཀྱི་འགྲིམ་འགྲུལ་བདེ་འཇགས་ཉིན་མོ”ཐེངས་བཅུ་གསུམ་པའི་བརྗོད་དོན་གཙོ་བོའི་བྱ་འགུལ་མཉམ་དུ་རྩ་འཛུགས་བྱས་ནས་སྤེལ་རྒྱུའི་ཐག་བཅད།

བརྡ་ཐོའི་ནང་ནན་གྱིས་བསྟན་དོན། ས་ཁུལ་སོ་སོ་དང་སྡེ་ཚན་སོ་སོས་བྱ་འགུལ་གྱི་བརྗོད་དོན་གཙོ་བོར་དམ་པོར་དམིགས་ནས་ཕྱོགས་བསྡུས་བཅོས་སྐྱོང་དང་།  དཔལ་ཡོན་མཉམ་སྐྲུན།  དྲིལ་བསྒྲགས་སློབ་གསོ་སོགས་ཀྱི་ལས་དོན་སྣ་ཚོགས་སྤེལ་ཏེ་དེང་རབས་ དཔལ་ཡོན་འགྲིམ་འགྲུལ་གྱི་འདུ་ཤེས་མི་སེམས་སུ་ཟུག་པར་རྒྱུན་ཆད་མེད་པར་སྐུལ་འདེད་གཏོང་བ་དང་། འགྲོ་ལམ་འགྲིམ་འགྲུལ་བདེ་འཇགས་ལ་དམ་པོར་དམིགས་པ། འབྱུང་རྩ་ནས་བདེ་འཇགས་ཀྱི་མངོན་མེད་རྐྱེན་ངན་གྲལ་བཤེར་བཅོས་སྒྲིག་དང་། གྲོང་ཁྱེར་འགྲིམ་འགྲུལ་ཕྱིར་སྐྱོད་ཕྱོགས་བསྡུས་བཅོས་སྐྱོང་། མྱུར་བགྲོད་གཞུང་ལམ་གྱི་འགྲིམ་འགྲུལ་བདེ་འཇགས་དོ་དམ་ནན་མོ་དང་བཅོས་སྐྱོང་། གྲོང་གསེབ་ས་ཁུལ་གྱི་འགྲིམ་འགྲུལ་བདེ་འཇགས་ཀྱི་རྨང་གཞི་ཇེ་དྲག་དང་བཅོས་སྐྱོང་བཅས་ལ་གཏིང་ཟབ་ཏུ་སྐུལ་འདེད་གཏོང་བ།  རྒྱ་ཆེའི་འགྲིམ་འགྲུལ་ཁྲོད་ཞུགས་མཁན་གྱིས་རང་འགུལ་ངང་འགྲིམ་འགྲུལ་ཁྲིམས་འགལ་བྱ་སྤྱོད་བཀག་འགོག་བྱེད་པ་དར་སྤེལ་བྱེད་པ།  དྲ་རྒྱའི་བར་སྟོང་གི་འགྲིམ་འགྲུལ་དཔལ་ཡོན་གསོ་སྐྱོང་བྱེད་ཤུགས་ཆེ་རུ་གཏོང་བ།  དཔལ་ཡོན་འགྲིམ་འགྲུལ་གྱི་དྲང་ནུས་བརྒྱུད་སྤེལ་བྱེད་ཤུགས་ཆེ་རུ་གཏོང་བ། ཁྲིམས་བཀུར་ཁྲིམས་སྲུང་དང་ཡར་ཐོན་དགེ་སྒྲུབ་སྟོབས་ཤུགས་རྒྱ་ཁྱབ་ཏུ་གཅིག་སྡུད་བྱེད་པ། དཔལ་ཡོན་འགྲིམ་འགྲུལ་གྱི་འདུ་ཤེས་དེ་དཔལ་ཡོན་གསོ་སྐྱོང་དང་།  དཔལ་ཡོན་ལག་ལེན།  དཔལ་ཡོན་གསར་སྐྲུན་བཅས་ཀྱི་བྱེད་སྒོའི་ནང་མཉམ་འདྲེས་བྱེད་པར་སྤྱི་འདོམས་སྐུལ་འདེད་གཏོང་བ་བཅས་བྱས་ཏེ།  སྤྱི་ཚོགས་ཀྱི་འགྲིམ་འགྲུལ་དཔལ་ཡོན་གྱི་ཆུ་ཚད་དངོས་གནས་ཇེ་མཐོར་གཏོང་དགོས།

སྒྲོལ་མ་སྐྱིད་ཀྱིས་བསྒྱུར།