ཟླ6པའི་ཚེས16ཉིན། མཚོ་ལྷོ་བོད་རིགས་རང་སྐྱོང་ཁུལ་གུང་ཧོ་རྫོང་ཆབ་ཆ་གྲོང་རྡལ་ཅིན་ཨན་གཞིས་ཁུལ་གྱི་ཚེ་རིང་སྒྲོལ་མའི་ལག་པར་རྨས་སྐྱོན་ཕོག་པའི་རྐྱེན་གྱིས་མཚོ་ལྷོ་ཁུལ་མི་དམངས་སྨན་ཁང་ལ་བསྐྱར་དུ་བརྟག་དཔྱད་བྱེད་དུ་སོང་། སྨན་བཅོས་གོ་རིམ་བདེ་ལེགས་ཡིན་ཞིང་དུས་ཚོད་དང་སྨན་རིན་གྲོན་ཆུང་བྱས།
རྒྱུས་ལོན་པ་ལྟར་ན། ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་སློབ་སྦྱོང་སློབ་གསོ་སྤེལ་བ་ནས་བཟུང་། མཚོ་ལྷོ་ཁུལ་འཕྲོད་བསྟེན་ཨུ་ཡོན་ལྷན་ཁང་གི་ལས་རིགས་ཁྱབ་ཁོངས་ཀྱི་མངོན་གསལ་གནད་དོན་ལ་དམིགས་ནས། སྨན་བཅོས་ཞིབ་བཤེར་བསྐྱར་ཟློས་དང་ཞིབ་བཤེར་བཅོས་སྒྲིག ཞིབ་བཤེར་འབྲས་བུ་ཕན་ཚུན་ཁས་ལེན་བྱེད་པའི་ལས་དོན་ཕྱོགས་སུ་ཤུགས་རྒྱག་རྒྱུར་སྐུལ་འདེད་གཏོང་བ་དང་། དོན་དངོས་ཐོག་ནད་པས་སྨན་པར་སྟོན་པའི་འཁུར་བོ་དང་འགན་འཁྲི་ཇེ་ཡང་དུ་བཏང་ནས། མང་ཚོགས་ཀྱིས་རང་གི་སྒོ་ཁ་ནས་སྤུས་ལེགས་དང་སྟབས་བདེའི་སྨན་བཅོས་ཞབས་ཞུ་ལོངས་སྤྱོད་བྱེད་ཐུབ་པ་དང་། མུ་མཐུད་དུ་མང་ཚོགས་ཀྱིས་སྨན་པར་སྟོན་པའི་ཐོབ་ཚོར་མཐོར་འདེགས་སུ་བཏང་།
ཁྱབ་ཚུལ་རང་བཞིན་གྱི་ཞིབ་བཤེར་དང་གཅིག་བསྡུས་རང་བཞིན་གྱི་བྱ་བའི་མ་ལག་འཐུས་ཚང་དུ་བཏང་བ་བརྒྱུད་ནས། ལས་རིགས་ཀྱི་ལྟ་སྐུལ་དོ་དམ་འགན་ནུས་འདོན་སྤེལ་བྱེད་པ་དང་། མངའ་ཁོངས་ཀྱི་རྫོང་ལྔ་དང་སྨན་བཅོས་ལས་ཁུངས་ཀྱིས་ཁྱོན་ཡོངས་ནས་ཐོག་མའི་བརྟག་དཔྱད་ཀྱི་འགན་འཁྲིའི་ལམ་ལུགས་དང་། ཚོགས་དཔྱད་ལམ་ལུགས་ཁྱོན་ཡོངས་ནས་དོན་འཁྱོལ་བྱས་ཏེ་ནད་ཐོག་ཐབས་ལམ་དོ་དམ་དང་། སྨན་བཅོས་བྱ་སྤྱོད་ཚད་ལྡན་དུ་གཏོང་བ། བརྟག་དཔྱད་ཀྱི་ཡང་དག་པའི་རང་བཞིན་མཐོར་འདེགས་སུ་གཏོང་བ་དང་། བརྟག་དཔྱད་ཡང་དག་མིན་པའི་དབང་གིས་བསྐྱར་ཟློས་བརྟག་དཔྱད་མི་འབྱུང་བ། སྨན་བཅོས་ཞབས་ཞུའི་ལས་ཆོད་དང་སྤུས་ཚད་མཐོར་འདེགས་སུ་བཏང་། དེ་དང་ཆབས་ཅིག་ཐོག་མར་སྨན་བཅོས་བྱེད་པའི་སྨན་པ་དང་ནད་ཐོག་ཚོད་ལྟ་ཁང་གི་ཆེད་ལས་ལག་རྩལ་མི་སྣར་གསོ་སྦྱོང་བྱེད་ཤུགས་ཆེ་རུ་གཏོང་བ་དང་། བསྐྱར་ཟློས་ཞིབ་བཤེར་དང་ཞིབ་བཤེར་བྱས་ཚུལ་དཔྱད་ཞིབ་དམིགས་ཚད་ནང་བཅུག་ནས་དུས་བཀག་ལྟར་ཞིབ་བཤེར་དང་དཔྱད་དཔོག་བྱས་ཏེ། བཀོལ་སྤྱོད་བརྒྱུད་རིམ་ཚད་ལྡན་དུ་གཏོང་བ་དང་སྒྲིག་ཆས་ དོ་དམ་བྱེད་ཤུགས་ཆེ་རུ་གཏོང་བར་ཤུགས་བསྣན།
ཏིང་འཛིན་མཚོ་མོས་བསྒྱུར།
