ཚེས26ཉིན། གསར་འགོད་པས་མཚོ་སྔོན་ཞིང་ཆེན་སྨན་བཅོས་འགན་སྲུང་ཅུའུ་ནས་རྒྱུས་ལོན་པ་ལྟར་ན། སྨན་བཅོས་འགན་སྲུང་ཞབས་ཞུའི་སྟབས་བདེ་རང་བཞིན་དང་ཁྱབ་ནུས་རང་བཞིན་སྔར་ལས་མཐོར་འདེགས་གཏོང་ཆེད། ཞིང་ཆེན་སྨན་བཅོས་འགན་སྲུང་ཅུའུ་ཡིས་མང་ཚོགས་ཀྱི་བྲེལ་དཀའ་ཁྲལ་སྒུག་གི་གནད་དོན་ལ་དམིགས་ནས། ལས་བཟོ་པའི་མི་སྒེར་གྱི་སྨན་བཅོས་འགན་བཅོལ་མི་སྒེར་རྩིས་ཐོའི་ཐུན་མོང་རོགས་སྐྱོར་ཁྱབ་ཁོངས་དེ་ཐད་ཀའི་གཉེན་ཉེ་ནས་ཉེ་རྒྱུད་གཉེན་ཚན་བར་རྒྱ་བསྐྱེད་པའི་རྨང་གཞིའི་སྟེང་། རྒྱུན་མཐུད་ངང་སྨན་བཅོས་འགན་བཅོལ་གྱི་ཐུན་མོང་རོགས་སྐྱོར་རྩིས་ཁྲ་ཇེ་ལེགས་སུ་བཏང་ནས། མུ་མཐུད་དུ་མི་དམངས་མང་ཚོགས་ཀྱི་ཐོབ་ཚོར་དང་། སྐྱིད་ཚོར། བདེ་ཚོར་བཅས་ཇེ་མཐོར་བཏང་།
ཐུན་མོང་རོགས་སྐྱོར་རྩིས་ཁྲའི་དངུལ་གྲངས་གཏོང་སྤྲོད་ཐད། ཆེས་དམའ་བའི་སྒོར500ཡི་ཚད་བཀག་དེ་མེད་པར་བཟོས་པ་དང་། འགན་བཅོལ་བྱེད་མཁན་གྱིས་རང་བདག་ངང་ཐུན་མོང་རོགས་སྐྱོར་རྩིས་ཁྲའི་དངུལ་གྲངས་ཐག་གཅོད་བྱ་ཆོག་པ་དང་། དངུལ་གྲངས་ཉུང་ངུ་ཐེངས་མང་བར་གཏོང་བ་དང་། ཡང་ན་ཐེངས་གཅིག་ལ་དངུལ་གྲངས་ཅུང་མང་པོ་གཏོང་བ་གང་ཡིན་རུང་། ཁྱིམ་ཚང་གི་བེད་སྤྱོད་དགོས་མཁོར་གནད་ལ་འཁེལ་བའི་སྒོ་ནས་བསྟུན་ཏེ། སྨན་བཅོས་འགན་བཅོལ་ཐེབས་རྩ་སྤྱོད་པའི་ལས་ཆོད་རྒྱུན་ཆད་མེད་པར་མཐོ་རུ་གཏོང་རྒྱུ་རེད།
ཐུན་མོང་རོགས་སྐྱོར་རྩིས་ཁྲའི་གསར་འཛུགས་ཐད། ས་གནས་གཞན་དུ་བཀོད་སྒྲིག་ཐོ་འགོད་མི་སྣར་ཐུན་མོང་རོགས་སྐྱོར་རྩིས་ཐོའི་གསར་འཛུགས་ཐད་དུ་བཏང་ནས། ཡུན་རིང་ས་གནས་གཞན་དུ་སྡོད་རྒྱུ་དང་། བཀོད་སྒྲིག་མི་སྣའི་དྲ་ཐོག་ནས་མི་སྒེར་གྱི་རྩིས་ཐོའི་མ་དངུལ་ཐོག་ནས་འགན་བཅོལ་ནང་ཞུགས་པའི་གཉེན་ཉེར་ཐུན་མོང་རོགས་སྐྱོར་བྱེད་རྒྱུ་དང་། ཐུན་མོང་རོགས་སྐྱོར་ནུས་པ་འདོན་སྤེལ་གང་ལེགས་བྱས་ཏེ། ལས་བཟོ་པ་རང་ཉིད་དང་དེའི་གཉེན་ཉེ་འགན་བཅོལ་ནང་ཞུགས་པའི་གྲོན་དངུལ་འཇོག་པ་དང་སྨན་པར་སྨན་བཅོས་བྱེད་པའི་ཁུར་བོ་ནུས་ལྡན་ངང་ཇེ་ཡང་དུ་གཏོང་རྒྱུ་རེད།
ཏིང་འཛིན་མཚོ་མོས་བསྒྱུར།
