ཟླ7པའི་ཚེས3ཉིན། ཧྲང་ཧའེ་རོལ་དབྱངས་སློབ་གླིང་དང་མཚོ་སྔོན་ཞིང་ཆེན་བར་ཁ་གཏད་རོགས་སྐྱོར་འབྲེལ་བ་བཙུགས་ནས་ཁྱད་ལྡན་གླུ་དབྱངས་དང་བསམ་བློ་ཆབ་སྲིད་འཛུགས་སྐྲུན་བྱས་ཏེ། མི་རིགས་ས་ཁུལ་གྱི་རོལ་དབྱངས་ཕྱོགས་ཀྱི་རྩེར་སོན་འཇོན་མི་གསོ་སྐྱོང་བྱེད་པའི་ལམ་སྲོལ་གྱི་སྒོ་འབྱེད་མཛད་སྒོ་དང་བྱ་བའི་བཞུགས་མོལ་ཚོགས་འདུ་མགོ་ལོག་ཟི་ལིང་མི་རིགས་སློབ་འབྲིང་དུ་སྤེལ།

མཚོ་སྔོན་ཞིང་ཆེན་ཏང་ཨུའི་རྩ་འཛུགས་པུའུ་དང་ཧྲང་ཧའེ་གླུ་དབྱངས་སློབ་གླིང་། མགོ་ལོག་བོད་རིགས་རང་སྐྱོང་ཁུལ་སྲིད་གཞུང་གི་འབྲེལ་ཡོད་འགན་འཁུར་བས་མགོ་ལོག་ཟི་ལིང་མི་རིགས་སློབ་འབྲིང་དང་། ཧྲང་ཧའེ་རོལ་དབྱངས་སློབ་གླིང་མཚོ་སྔོན་རོགས་སྐྱོར་བྱ་བའི་ས་ཚིགས་བཅས་ལ་མིང་བྱང་སྤྲད།

དེ་དང་ཆབས་ཅིག  མཚོ་སྔོན་དགེ་ཐོན་སློབ་ཆེན་དང་མཚོ་སྔོན་མི་རིགས་སློབ་ཆེན་བཅས་སོ་སོའི་སྒོ་བྱང་བཀལ་བ་དང་།  མི་རིགས་ས་ཁུལ་གྱི་རྩེར་སོན་རོལ་དབྱངས་འཇོན་མི་མཉམ་འབྲེལ་གསོ་སྐྱོང་རྟེན་གཞི་དང་། ཀྲུང་ཧྭ་མི་རིགས་གཅིག་མཐུན་འདུས་གྲུབ་ཞིབ་འཇུག་ས་ཚིགས་མཚོ་སྔོན་ཞིབ་འཇུག་རྟེན་གཞི། བསམ་བློ་དང་ཆབ་སྲིད་ཆེན་པའི་སློབ་གསོའི་ལག་ལེན་རྟེན་གཞི་བཅས་ལ་མིང་བྱང་སྤྲད།  མཛད་སྒོའི་རྗེས་སུ། བྱ་བའི་བཞུགས་མོལ་ཚོགས་འདུ་བསྡུས་པ་དང་། ཧྲང་ཧའེ་དང་མཚོ་སྔོན་ས་ཆ་གཉིས་ཀྱི་ཚོགས་ཞུགས་མགྲོན་པའི་ཁྱད་ལྡན་གླུ་དབྱངས་ཀྱི་བསམ་བློའི་ཆབ་སྲིད་དང་མི་རིགས་ས་ཁུལ་གྱི་རྩེར་སོན་རོལ་དབྱངས་འཇོན་མི་གསོ་སྐྱོང་བྱ་བའི་ཐད་གཏིང་ཟབ་པའི་བརྗེ་རེས་བྱས།

རྒྱུས་ལོན་པ་ལྟར་ན། 2020ལོའི་ཟླ7པ་ནས་བཟུང་། ཞིང་ཆེན་སློབ་གསོ་ཐིན་སོགས་ལས་ཁུངས་ཀྱི་རྒྱ་ཆེའི་རྒྱབ་སྐྱོར་འོག ཧྲང་ཧའེ་རོལ་དབྱངས་སློབ་གླིང་གིས་རྒྱུན་མཐུད་སྒོས་མགོ་ལོག་ཁུལ་ནས་རྩེར་སོན་རོལ་དབྱངས་མི་སྣ་གསོ་སྐྱོང་བྱས། སློབ་གྲྭ་དེས་མགོ་ལོག་འབྲོག་ཁུལ་གྱི་རྒྱུགས་སྤྲོད་སློབ་མ་ཧུར་ཐག་གིས་བསྡུ་ལེན་བྱས་ཏེ་རྒྱལ་ཡོངས་ཀྱི་བོད་རིགས་གཞོན་ནུ་ལོ་ཆུང་དོ་དམ་རོལ་དབྱངས་ཚོགས་འདུམཐོག་མ་སྟེ། མགོ་ལོག་ཁུལ་གཞོན་ནུ་ལོ་ཆུང་དོ་དམ་རོལ་དབྱངས་ཚོགས་པ་དང་མགོ་ལོག་ཁུལ་རྟ་བོ་སློབ་འབྲིང་གི་སློབ་གྲྭའི་རོལ་དབྱངས་ཚོགས་པས་ས་གནས་སོ་སོ་རུ་འཁྲབ་སྟོན་བྱས་ནས་གྲུབ་འབྲས་བཟང་བོ་བླངས། ཧྲང་ཧའེ་དང་མགོ་ལོག་གཅིག་སེམས་གཅིག་ཏུ་འབྲེལ་ཞེས་པའི་གསར་གཏོད་རོལ་དབྱངས་བསམ་བློའི་ཆབ་སྲིད་སློབ་ཚན། རྨ་ཆུ་ནས་འབྲི་ཆུའི་བར་ཞེས་པ་དེ་རྒྱལ་ཡོངས་ཀྱི་ཞིང་ཆེན་དྲུག་དང་ཁུལ། རྫོང་བཅས་འབྲེལ་ཡོད་སྡེ་ཁག་བཅས་སུ་འཁྲབ་སྟོན་དང་སློབ་ཁྲིད་ཐེངས48བྱས།

ཏིང་འཛིན་མཚོ་མོས་བསྒྱུར།