ཟླ7པའི་ཚེས12ཉིན་སྔ་དྲོར། མཚོ་སྔོན་ཞིང་ཆེན་སློབ་གསོ་ཐིན་གྱིས་གཙོ་སྒྲུབ་བྱས་པ་དང་། མཚོ་སྔོན་ལས་རིགས་རྩལ་སློབ་ཆེན་དང་མཚོ་སྔོན་མི་རིགས་སློབ་ཆེན་གཉིས་ཀྱིས་མཉམ་འབྲེལ་སྒོས་སྒྲུབ་པའི་རྒྱལ་ཡོངས་སློབ་ཆེན་སློབ་མའི་སྒྲིག་གཞི་ཇུས་འགོད་འགྲན་བསྡུར་སྐབས་བཅོ་བརྒྱད་པའི་མཚོ་སྔོན་འགྲན་ཁུལ་གྱི་འདེམས་སྒྲུག་འགྲན་བསྡུར་མཚོ་སྔོན་ལས་རིགས་ལག་རྩལ་སློབ་ཆེན་དུ་འགོ་བརྩམས།
ཐེངས་འདིའི་འགྲན་བསྡུར་ནི“བཟོ་བའི་སྙིང་སྟོབས་ཀྱིས་མ་འོངས་ཕུགས་འདུན་སྐྲུན”ཞེས་པ་བརྗོད་བྱ་གཙོ་བོ་བྱས་ཏེ། “དྲང་གཞག་དང་འདྲ་མཉམ། ཡིད་རྟོན”བཅས་འགྲན་བསྡུར་གྱི་རྩ་དོན་དུ་བྱེད་པ་དང་། “འཇོན་ནུས་མངོན་པ་དང་ནུས་པ་མཐོར་འདེགས་གཏོང་བ། གསོ་སྐྱོང་རོགས་རེས་བྱེད་པ། བརྒྱུད་རིམ་ལོངས་སྤྱོད་བྱེད་པ། སྤྲོ་སྣང་འགྲན་བསྡུར་བཅས་འགྲན་བསྡུར་གྱི་འདུ་ཤེས་ལག་བསྟར་བྱས་ཏེ། སློབ་ཆེན་སློབ་མའི“གསར་གཏོད་དང་ལས་སྐྲུན། གསར་བཟོ་བཅས་ཀྱི་སྙིང་སྟོབས་དང་ཚོགས་པའི་མཐུན་སྦྱོར། དེ་མིན་བཟོ་སྐྲུན་གསར་གཏོད་ཇུས་འགོད་ཀྱི་ནུས་པ་གསོ་སྐྱོང་བྱ་ཆེད་རེད།
སློབ་ཆེན་སློབ་མའི་སྒྲིག་གཞི་ཇུས་འགོད་འགྲན་བསྡུར་ནི་རང་རྒྱལ་གྱི་ས་ཤིང་འཛུགས་སྐྲུན་བཟོ་སྐྲུན་ཁྱབ་ཁོངས་ཀྱི་རིམ་པ་ཆེས་མཐོ་བ་དང་གཞི་ཁྱོན་ཆེས་ཆེ་བ། ཕྱོགས་བསྡུས་བླང་བྱ་ཆེས་གཟབ་ནན་ཡིན་པ་བཅས་ཀྱི་སློབ་མའི་གསར་གཏོད་འགྲན་བསྡུར་ཞིག་རེད། ཐེངས་འདིའི་འགྲན་བསྡུར་ཁྲོད་དཔེ་དབྱིབས་ཞིབ་བཤེར་དང་། ཇུས་གཞི་གསལ་བཤད། ཡུལ་དངོས་བགྲོ་གླེང་དམ་བཅའ་དང་ཐེག་སྣོན་ཚད་ལེན་སོགས་ཀྱི་རིམ་པ་བཙུགས་ཡོད་པ་དང་། ཞིང་ཆེན་ཕྱི་ནང་གི་དབང་གྲགས་ཆེད་མཁས་པ་ཆེད་དུ་གདན་འདྲེན་ཞུས་ཏེ་ཤན་འབྱེད་ཚོགས་པ་བཙུགས་ཡོད། འགྲན་བསྡུར་ནི་མཚོ་སྔོན་གྱི་མཐོ་རིམ་སློབ་གྲྭའི་ས་ཤིང་བཟོ་སྐྲུན་ཁྱབ་ཁོངས་སློབ་ཁྲིད་ཚན་ཞིབ་གྲུབ་འབྲས་ཀྱི་སྟེགས་བུ་གལ་ཆེན་ཞིག་ཡིན་པའི་ངོས་ནས། མཐོ་རིམ་བཟོ་སྐྲུན་གྱི་སློབ་གསོ་བཅོས་སྒྱུར་གཏིང་ཟབ་ཏུ་གཏོང་བ་དང་། སློབ་མའི་གསར་གཏོད་ནུས་པ་མཐོ་རུ་གཏོང་བ། ས་ཁོངས་འཕེལ་རྒྱས་ལ་ཞབས་ཞུ་སྒྲུབ་པའི་བྱང་ཚད་མཐོ་བའི་བཟོ་སྐྲུན་ལག་རྩལ་འཇོན་མི་གསོ་སྐྱོང་བཅས་ལ་དོན་སྙིང་གལ་ཆེན་ལྡན།
ཤ་བོ་རིན་མཚོས་བསྒྱུར།
