ཟླ11པའི་ཚེས21ཉིན། མཚོ་སྔོན་ཞིང་ཆེན་བསྡོམས་རྩིས་ཅུའུ་ཡིས་གནས་ཚུལ་བསྒྲགས་པ་ལྟར་ན། ད་ལོ་ནས་བཟུང་ཞིང་ཆེན་ཡོངས་ཀྱི་གོང་འོག་བར་གསུམ་ཚང་མས་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཐབས་ཇུས་བཀོད་སྒྲིག་ལག་བསྟར་ནན་ཏན་དང་དོན་འཁྱོལ་བྱས་ནས། བརྟན་བརླིང་གི་ཁྲོད་ནས་ཡར་རྒྱས་བརྩོན་ལེན་བྱེད་པའི་སྤྱིའི་བྱེད་ཕྱོགས་རྒྱུན་འཁྱོངས་བྱས་ཏེ། རྒྱལ་ཁབ་ཀྱི་འཕེལ་རྒྱས་འཐབ་ཇུས་ལ་ཞབས་འདེགས་ཞུས་པ་དང་དེའི་ནང་འབད་པས་ཞུགས་ནས། ལས་ཞུགས་བརྟན་བརླིང་དང་ཁེ་ལས་བརྟན་བརླིང་། ཁྲོམ་ར་བརྟན་བརླིང་། སྔོན་དཔག་བརྟན་བརླིང་ཡོང་བར་བྱེད་པའི་ལས་ཀ་ནུས་ཤུགས་ཡོད་རྒུས་ལེགས་པར་བསྒྲུབས་ཏེ། སྤུས་ཚད་མཐོ་བའི་འཕེལ་རྒྱས་ལ་བློ་བརྟན་འགྱུར་མེད་ངང་སྐུལ་འདེད་བཏང་ཡོད། ད་ལོའི་ཟླ1ནས་ཟླ10བར་དུ། ཞིང་ཆེན་ཡོངས་ཀྱི་དཔལ་འབྱོར་འཁོར་སྐྱོད་སྤྱིའི་ཆ་ནས་བརྟན་པོ་རེད།

བན་དེ་སྐྱབས་ཀྱིས་བསྒྱུར།