མཚོ་སྔོན་ཞིང་ཆེན་ཏང་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་གཉིས་པ་ནས། འདས་པའི་ལོ་ལྔའི་རིང་གི་བྱ་བ་དང་དུས་རབས་གསར་བའི་ལོ་བཅུའི་རླབས་ཆེན་འཕོ་འགྱུར་ལ་རྒྱུས་ལོན་ཟབ་མོ་བྱེད་པའི་སྟེང་ཤུགས་འདོན་པ་དང་། བློ་བརྟན་འགྱུར་མེད་ཀྱིས་འཐབ་ཇུས་ངེས་ཤུགས་རྒྱུན་འཁྱོངས་བྱེད་པ་དང་ལོ་རྒྱུས་ཀྱི་རང་རྟོན་ཇེ་བརྟན་དུ་གཏོང་བ། ལོ་རྒྱུས་ཀྱི་རང་འགུལ་ཇེ་དྲག་ཏུ་གཏོང་བའི་སྟེང་འགུལ་སྐྱོད་བྱེད་པ་དང་གྲུབ་འབྲས་ལེན་དགོས་ཞེས་བསྟན་ཡོད། བསྟུད་མར་ཉིན་འགའི་རིང་ལ། རང་ཞིང་གི་རྒྱ་ཆེའི་ལས་བྱེད་པ་དང་མང་ཚོགས་ཀྱིས་ཏང་གི་ཚོགས་ཆེན་ཐེངས་ཉི་ཤུ་པའི་སྙན་ཞུ་ལ་སློབ་སྦྱོང་ནན་མོ་བྱས་པ་དང་། ལས་གཉེར་ལས་སྐྲུན་གྱི་བརྩོན་སེམས་སྔར་ལས་ཆེ་རུ་བསྐྱེད། ཚང་མས་མཐའ་གཅིག་ཏུ། ཏང་གི་ཚོགས་ཆེན་ཐེངས་ཉི་ཤུ་པའི་སྙན་ཞུ་ནང་བཏོན་པའི་ལྟ་ཚུལ་གསར་བ་དང་ཆོད་གཏམ་གསར་བ། དགོངས་པ་གསར་བ། འཐབ་ཇུས་གསར་བ། རེ་བ་གསར་བ་བཅས་ལ་སློབ་སྦྱོང་དང་རྒྱུས་ལོན་ཟབ་མོ་བྱེད་པ་དང་། ལས་གནས་ལ་རྐང་འཛུགས་པ་དང་བདེན་འཛིན་དངོས་གཉེར་བྱེད་པ། དཀའ་སྤྱད་འབད་འཐབ་བྱེད་པ། དཔའ་སྐྱེད་མདུན་སྐྱོད་བྱས་ནས། སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་ཕྱོགས་ཡོངས་ནས་འཛུགས་སྐྲུན་བྱེད་པའི་མཚོ་སྔོན་གྱི་ལེའུ་ཧུར་ཐག་གིས་འབྲི་དགོས་པའི་ཚུལ་བསྟན།
ཞིང་ཆེན་ཏང་ཨུའི་རྩ་འཛུགས་པུའུ་ཡི་ཏང་ཡོན་སློབ་གསོ་ཁྲུའུ་ཡི་ཁྲུའུ་ཀྲང་ལིས་ཀོང་ཞིན་གྱིས་བཤད་རྒྱུར། ལོ་བཅུའི་རིང་ལ། བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གིས་རྒྱལ་ཡོངས་རིགས་སོ་སོའི་མི་དམངས་ལ་མཐུན་སྒྲིལ་སྣེ་ཁྲིད་བྱས་པ་དང་། འཐབ་ཇུས་རང་བཞིན་གྱི་བྱེད་ཐབས་རབ་དང་རིམ་པ་སྤྱད་དེ། འགྱུར་ལྡོག་རང་བཞིན་གྱི་ལག་ལེན་རབ་དང་རིམ་པ་སྤེལ་བ་དང་། མཆོང་བརྒལ་རང་བཞིན་གྱི་གྲུབ་འབྲས་རབ་དང་རིམ་པ་བླངས་ལ། མཚོན་བྱེད་རང་བཞིན་གྱི་གྲུབ་འབྲས་རབ་དང་རིམ་པ་བླངས་ཤིང་། ཏང་དང་རྒྱལ་ཁབ་ཀྱི་ལས་དོན་ཐད་ནས་ལོ་རྒྱུས་རང་བཞིན་གྱི་གྲུབ་འབྲས་བླངས་པ་དང་ལོ་རྒྱུས་རང་བཞིན་གྱི་འཕོ་འགྱུར་བྱུང་བ་ལས་ཚང་མའི་ངར་སེམས་ཆེ་རུ་བསྐྱེད་སོང་། ང་ཚོས་ཏང་གི་ཚོགས་ཆེན་ཐེངས་ཉི་ཤུ་པས་བཏོན་པའི་དགོངས་པ་གསར་བ་དང་ཆོད་གཏམ་གསར་བ། བཀོད་སྒྲིག་གསར་བ་དང་རེ་བ་གསར་བར་རྒྱུས་ལོན་ཟབ་མོ་བྱེད་པ་དང་། རླབས་ཆེན་གྱི་ཏང་འཛུགས་སྙིང་སྟོབས་དར་སྤེལ་གཏོང་བ། ངེས་པར་གསུམ་ཡིད་ལ་དམ་པོར་འཛིན་པ་དང་། ལོ་རྒྱུས་ཀྱི་རང་རྟོན་ཇེ་བརྟན་དུ་གཏོང་བ། ལོ་རྒྱུས་ཀྱི་རང་འགུལ་ཇེ་དྲག་ཏུ་བཏང་སྟེ། སྤོབས་པ་ཆེན་པོས་རླབས་ཆེན་གྱི་སྐྱོད་ལམ་གསར་བར་བསྐྱོད་པ་དང་། ཞིང་ཆེན་ཡོངས་ཀྱི་རྩ་འཛུགས་བྱ་བའི་རྣམ་པ་གསར་བ་བསྐྲུན་དགོས་ཟེར།
མགོ་ལོག་བོད་རིགས་རང་སྐྱོང་ཁུལ་གཅིག་སྒྲིལ་རྫོང་བར་བཞི་ཡུལ་ཚོ་རྟ་སྒ་སྡེ་བའི་ཏང་ཀྲི་པུའུ་ཧྲུའུ་ཅི་དགེ་བྷོ་ཡིས་བཤད་རྒྱུར། ལོ་བཅུའི་རིང་ལ། རང་རྒྱལ་གྱིས་དོན་ཆེན་གསུམ་ཡོངས་འགྲུབ་བྱས་པ་དང་། དེས་ངར་སེམས་བསྐྱེད་པ་དང་མི་སེམས་འགུལ་བར་བྱེད་ལ། ང་ཚོ་ཚང་མ་བདེན་དཔང་བ་དང་ཟབ་ཞུགས་པ། ཁེ་ཕན་རེག་མཁན་ཡིན་པས། ང་ཚོས་ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་མཛུབ་ཁྲིད་དུ་བྱེད་པ་དང་། རང་སྡེ་བའི་གནས་ཚུལ་དངོས་ལ་རྐང་འཛུགས་པ། ཁྱད་ལྡན་ཐོན་ལས་འཕེལ་རྒྱས་སུ་གཏོང་བ། གཟན་རྩྭ་ཐོན་ལས་རྟེན་གཞི་དང་ཕྱུགས་ལས་ཐོན་རྫས་ལས་སྣོན། གནས་སྐོར་ལས་གཞི་འཛུགས་སྐྲུན། སྐྱེ་ཁམས་ཕྱུགས་ལས་འཕེལ་རྒྱས་སོགས་ཕྱོགས་ནས་རིག་སྟོབས་གཅིག་ཏུ་བསྡུས་ཏེ། རྟ་སྒ་སྡེ་བའི་ཐོན་ལས་སྤུས་ཚད་མཐོ་བའི་ངང་འཕེལ་རྒྱས་སུ་གཏོང་བར་སྐུལ་འདེད་གཏོང་བ་དང་། ཚང་མས་སྔར་ལས་བདེ་སྐྱིད་ལྡན་པའི་འཚོ་བ་རོལ་ཐུབ་པར་བྱེད་དགོས་ཟེར།
མཚོ་སྔོན་ཞིང་ཆེན་སྤྱི་བདེ་ཐིན་ཆབ་སྲིད་པུའུ་དྲིལ་སྒྲོག་ཁྲུའུ་ཡི་ཁྲུའུ་ཀྲང་ཚང་ཞོན་གྱིས་བཤད་རྒྱུར། ཀྲུང་གོ་གུང་ཁྲན་ཏང་མིའི་ལོ་རྒྱུས་ཀྱི་རང་རྟོན་ནི་འབད་འཐབ་གྲུབ་འབྲས་ཐད་ཀྱི་རང་རྟོན་ཡིན་པས། ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་སློབ་སྦྱོང་དང་དྲིལ་སྒྲོག ལག་བསྟར་བྱེད་རྒྱུ་དེ་མིག་སྔར་དང་རྗེས་ཕྱོགས་ཀྱི་དུས་སྐབས་ཤིག་གི་ཆབ་སྲིད་ལས་འགན་གལ་ཆེན་དུ་བརྩིས་ནས། ལོ་རྒྱུས་ཀྱི་གཏན་ཚིགས་དང་གཞུང་ལུགས་ཀྱི་གཏན་ཚིགས། ལག་ལེན་གྱི་གཏན་ཚིགས་སྟེང་ནས་ངེས་པར་གསུམ་གྱི་གོ་དོན་དང་གཏན་ཚིགས་འབྲེལ་བ། དོན་སྙིང་གལ་ཆེན་བཅས་ཁོང་དུ་ཆུད་པར་བྱེད་པ་དང་། མི་དམངས་སྤྱི་བདེས་མི་དམངས་བསམ་པའི་ཐོག་མའི་བསམ་འདུན་དང་འགན་འཁྲི་ལག་བསྟར་བྱས་ཏེ། བློ་བརྟན་འགྱུར་མེད་ཀྱིས་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ལས་དོན་གྱི་འཛུགས་སྐྲུན་མཁན་དང་སྲུང་སྐྱོང་མཁན་བྱེད་དགོས་ཟེར།
ཞིང་ཆེན་རིག་དངོས་ཅུའུ་རིག་དངོས་སྲུང་སྐྱོབ་དང་གནའ་རྫས་དཔྱད་ཞིབ་ཁྲུའུ་ཡི་ཁྲུའུ་ཀྲང་ཧི་ཧྲིན་རུང་གིས་བཤད་རྒྱུར། ང་ཚོས་ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་དེ་ལག་ལེན་ལ་མཛུབ་སྟོན་བྱེད་པ་དང་བྱ་བར་སྐུལ་འདེད་གཏོང་བའི་སྒུལ་ཤུགས་ཆེན་པོར་བསྒྱུར་བ་དང་། ལོ་རྒྱུས་ཀྱི་རང་རྟོགས་དང་ལོ་རྒྱུས་ཀྱི་ཁག་ཁུར་ཇེ་དྲག་ཏུ་གཏོང་བའི་ཁྲོད་ལོ་རྒྱུས་ཀྱི་རང་རྟོན་ཇེ་བརྟན་དུ་གཏོང་བ། མཚོ་སྔོན་གྱི་རིག་དངོས་བྱ་བའི་གནས་ཚུལ་དངོས་ལ་རྐང་འཛུགས་པ། གནས་རྫས་དཔྱད་ཞིབ་སྔོག་འདོན་དང་རིག་དངོས་ཞིབ་འཇུག་འགྲེལ་བཤད་བརྒྱུད་སྒྲོག་བྱེད་པ། དངོས་པོར་བརྟེན་ནས་ལོ་རྒྱུས་གླེང་བ་དང་ལོ་རྒྱུས་ལ་བརྟེན་ནས་ཡིད་ཆེས་ཇེ་བརྟན་དུ་གཏོང་བ། རིག་དངོས་དང་རིག་གནས་ཤུལ་བཞག་སྔར་ལས་མང་པོ་གསོན་ཉམས་ལྡན་པར་བྱེད་པ། རིག་དངོས་སྲུང་སྐྱོབ་དང་དཔལ་འབྱོར་འཛུགས་སྐྲུན་གཉིས་མཐུན་སྦྱོར་ངང་འཕེལ་རྒྱས་སུ་་གཏོང་བར་སྐུལ་འདེད་བཏང་སྟེ། ཕྱོགས་ཡོངས་ནས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཐད་རིག་གནས་ཀྱི་སྟོབས་ཤུགས་བསྡུ་དགོས་ཟེར།
མཚོ་སྔོན་དགེ་ཐོན་སློབ་ཆེན་མར་ཁེ་སི་རིང་ལུགས་སློབ་གླིང་གི་སློབ་གཙོ་གཞོན་པ། མདེལ་གཉིས་སྐར་གཅིག་སྙིང་སྟོབས་ཞིབ་འཇུག་གླིང་གི་གླིང་གཙོ་གཞོན་པ་ཝང་ཀྲའོ་ཉིང་གིས་བསྟན་དོན། ང་ཚོས་ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་ལ་རྒྱུས་ལོན་གཏིང་ཟབ་བྱེད་པ་དང་། འབད་འཐབ་ཀྱི་དམིགས་འབེན་ལ་དམིགས་པ། འཕེལ་རྒྱས་ཀྱི་འདུ་ཤེས་ལག་བསྟར་བྱེད་པ། རང་གི་ལས་རྐང་སྟེང་། སློབ་མས་ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་སློབ་སྦྱོང་བྱེད་པ་དང་བསམ་གཞིགས་གཏོང་བ། རྒྱུས་ལོན་བྱེད་པར་རྩ་འཛུགས་བྱེད་པ། ཕུགས་འདུན་ཡོད་པ་དང་ཁག་ཁུར་ཡོད་པ། དཀའ་སྡུག་མྱོང་ཐུབ་པ། འབད་འཐབ་བྱེད་ཕོད་པའི་དུས་རབས་གསར་བའི་ན་གཞོན་མར་ཁེ་སི་རིང་ལུགས་པ་སྐྱེད་སྲིང་བྱས་ནས། ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་ལ་ཕྱོགས་ཡོངས་ནས་སྐུལ་འདེད་གཏོང་བའི་ཐད་ཚད་ལྡན་གྱི་རྒྱུན་འཛིན་པ་སྐྱེད་སྲིང་བྱེད་དགོས་ཟེར།
རྨ་ལྷོ་བོད་རིགས་རང་སྐྱོང་ཁུལ་ཐུན་རིན་གྲོང་ཁྱེར་རིག་གནས་ལུས་རྩལ་གནས་སྐོར་རྒྱང་སྒྲོག་བརྙན་འཕྲིན་ཅུའུ་སྒྱུ་རྩལ་ཚོགས་པའི་ཚོགས་གཙོ་བསོད་ནམས་ནོར་བུས་བཤད་རྒྱུར། ང་ཚོས་ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་སློབ་སྦྱོང་ཟབ་མོ་དང་ལག་ལེན་མཐར་ཕྱིན་བྱེད་པ་དང་། ལོ་རྒྱུས་ཀྱི་རང་རྟོན་ཇེ་བརྟན་དུ་གཏོང་བ་དང་ལོ་རྒྱུས་ཀྱི་ཆོས་ཉིད་ཁོང་དུ་ཆུད་པར་བྱེད་པ། བདེན་སྲུང་གསར་གཏོད་ཀྱི་རེ་བ་ལྟར། མི་དམངས་དཀྱིལ་སྙིང་དུ་འཛིན་པའི་གསར་རྩོམ་གྱི་ཁྲིད་ཕྱོགས་རྒྱུན་འཁྱོངས་བྱེད་པ་དང་། ཏང་དང་མེས་རྒྱལ། མི་དམངས། དུས་རབས་གསར་བར་བསྔགས་བརྗོད་བྱེད་པའི་ཕུལ་བྱུང་བརྩམས་ཆོས་སྔར་ལས་མང་པོ་གསར་རྩོམ་བྱས་ནས། གནས་བབ་གསར་བའི་འོག་གི་བསམ་བློ་དྲིལ་སྒྲོག་བྱ་བའི་ཆུ་ཚད་མཐོར་འདེགས་གཏོང་དགོས་ཟེར།
ཉིན་འགའི་རིང་ལ། ཞིང་ཆེན་ཏང་ཨུའི་ཏང་གི་སློབ་གྲྭའི་དགེ་སློབ་ཚོས་ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་སློབ་སྦྱོང་ནན་མོ་བྱས་པ་དང་། ཚང་མས་གནས་ཚུལ་དངོས་ལ་ཟུང་འབྲེལ་བྱས་ནས་མྱོང་ཚོར་བརྗེ་རེས་བྱས། ཞིང་ཆེན་ཏང་ཨུའི་ཏང་གི་སློབ་གྲྭའི་ཏང་གི་ལོ་རྒྱུས་དང་ཏང་འཛུགས་སློབ་དཔྱོད་པུའུ་ཡི་འཆད་ཁྲིད་པ་ཀྲའོ་ཡུས་ཀྱིས་བཤད་རྒྱུར། ང་ཚོས་དུས་རབས་གསར་བའི་ལོ་བཅུའི་རླབས་ཆེན་འཕོ་འགྱུར་ཁྲོད་ལོ་རྒྱུས་ཀྱི་རང་རྟོན་ཇེ་བརྟན་དུ་གཏོང་བ་དང་། ལོ་རྒྱུས་ཀྱི་རང་འགུལ་ཇེ་དྲག་ཏུ་གཏོང་བ། མདུན་སྐྱོད་ཀྱི་སྟོབས་ཤུགས་བསྡུ་རུབ་བྱེད་པ། རང་རྟོན་རང་འཕེལ་དང་བདེན་སྲུང་གསར་གཏོད་བྱེད་པ། དཀའ་སྤྱད་འབད་འཐབ་དང་དཔའ་སྐྱེད་མདུན་སྐྱོད་བྱས་ཏེ། སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་ཕྱོགས་ཡོངས་ནས་འཛུགས་སྐྲུན་བྱེད་པ་དང་། ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་ལ་ཕྱོགས་ཡོངས་ནས་སྐུལ་འདེད་གཏོང་ཆེད་འབད་བརྩོན་བྱེད་དགོས་ཟེར།
དྲག་ཆས་ཉེན་རྟོག་མཚོ་སྔོན་ཞིང་ཆེན་སྤྱིའི་རུ་ཁག་གིས་ཏང་ཨུའི་རྒྱུན་ལས་གྲོས་ཚོགས་དང་གཞུང་ལུགས་ལྟེ་གནས་ཚན་ཆུང་གིས་མགོ་ཁྲིད་དེ་སློབ་སྦྱོང་བྱེད་པ་བརྒྱུད་དེ། ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་སློབ་སྦྱོང་དང་དྲིལ་སྒྲོག ལག་བསྟར་བྱེད་པའི་ཚ་རླབས་བསླངས། ཡུས་ཧྲུའུ་ཡན་ལག་རུ་ཁག་ཆེད་ལས་དམག་འཐབ་རུ་ཁག་བར་མའི་རུ་གཙོ་ཚུའེ་ཅན་ཧྥིན་གྱིས་བཤད་རྒྱུར། ང་ཚོས་ལོ་རྒྱུས་ཀྱི་རང་འགུལ་སྙིང་སྟོབས་ཇེ་དྲག་ཏུ་གཏོང་རྒྱུ་དེ་ཏང་གཤིས་བློ་སྦྱོང་ལ་ཤུགས་སྣོན་པའི་ངེས་སྦྱོང་སློབ་ཁྲིད་དུ་བརྩི་བ་དང་། གསར་གཏོད་བྱེད་ཕོད་པ་དང་འཚོལ་ཞིབ་བྱེད་པ། དཀའ་སྡུག་མྱོང་ཐུབ་པ་དང་ཉེན་ཁ་ལ་མི་འཛེམ་པར་དཔོན་དམག་ཡོངས་ལ་མཐུན་སྒྲིལ་སྣེ་ཁྲིད་བྱས་ནས་དཀའ་སྤྱད་འབད་འཐབ་དང་དཔའ་སྐྱེད་མདུན་སྐྱོད་བྱས་ཏེ། དུས་བཅད་ལྟར་དམག་བཙུགས་ལོ་བརྒྱའི་འབད་འཐབ་དམིགས་འབེན་མངོན་འགྱུར་བྱེད་པ་དང་མི་དམངས་དམག་དཔུང་དེ་འཛམ་གླིང་གི་རྩེ་གྲས་ཀྱི་དམག་དཔུང་དུ་འཛུགས་སྐྲུན་བྱེད་པའི་ཐད་སྟོབས་ཤུགས་འབུལ་དགོས་ཟེར།
རིན་ཆེན་མཚོས་བསྒྱུར།
