གནས་བདག་སྟོང་སོ།

མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་རླུང་འཕྲིན་དང་ཨ་མདོ་བརྙན་འཕྲིན། མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་། ཆི་ལེན་རྫོང་ཏང་ཨུ་དང་རྫོང་མི་དམངས་སྲིད་གཞུང་བཅས་ཀྱིས་མཉམ་དུ་བསྒྲུབས་པའི་བོད་ཡུལ་དུ་བསྐྱོད་པའི་སྤྲོ་ཚོགས་ཆེན་མོ༼མདོ་ལ་ལྷ་ཡི་ཞིང་ཁམས༽ཞེས་པ་ཟླ་འདིའི་ཚེས་ཉེར་གཉིས་ཉིན་མདོ་ལ་ལྷ་ཡི་ཞིང་ཁམས་སུ་བསྡུ་རྒྱུ་ཡིན་ལ། གནས་འདི་ནི་རྟེན་འབྱུང་མདོ་ལ་རིང་མོ་ཕྱི་ཡི་ལྕགས་རི་བཞིན་བརྟན་ཞིང་། གནས་མཆོག་བར་དམ་གངས་དཀར་དྲི་མེད་ཁ་བཏགས་ཀྱི་ཚུལ་དུ་མཛེས་པ། གནས་བདག་སྟོང་སོ་ཡབ་ཡུམ་གྱི་ཞལ་ངོ་དྲོ་ཞིང་། གཙང་ཆབ་གསེར་ལྡན་སྔོན་མོའི་གྱ་གྱུའི་སྒེག་འགྲོས་མཛེས་ས། སྟོད་ན་ཕྱུགས་ཀྱི་རི་མ་ཐང་དུ་བརྡལ་ཞིང་སྨད་ན་འབྲུ་ལྔའི་གསེར་རླབས་དགུང་དུ་འཕྱོ་བ། བར་དུ་ཚང་ཚིང་གཡུ་ལོ་རྣམ་པར་རྒྱས་པའི་གནས་མཆོག་ཡིད་དུ་འོངས་བ་ཞིག་ཡིན་པ་མ་ཟད། འཆམ་མཐུན་དང་། འབྱོར་ཕྱུག ལྗངས་མདོག་གི་ཡུལ་ག