སྤེལ་དུས།2018.10.03 ཡོང་ཁུངས།
0
0

【ངག་འཕྲིན་གཞོན་ནུའི་སེམས་སྒྲ】ཚན་པ་འདིའི་ནང་དུ《གསེར་འོད་འཕྲོ་བའི་ཡིག་འབྲུ་རེ་རེ་ཡིས་ངའི་མི་ཚེའི་ཕུགས་འདུན་ཁུར་ཡོད》ཅེས་པའི་བརྗོད་གཞི་ཞིག་བཀོད་སྒྲིག་བྱས་ཡོད། གདན་ཞུའི་སྐུ་མགྲོན་ནི་སྙེ་བྲིས་ཡིག་མཁན་པ་རྒན་ལྷུན་གྲུབ་རྒྱ་མཚོ་ལགས་ཡིན།

གུས་པ་ལྷུན་གྲུབ་རྒྱ་མཚོ་ནི་༡༩༨༩ལོར་རྔ་བ་རྫོང་རྔ་སྨད་དགེ་ལི་སྡེ་བའི་བྲིས་པའི་ཁྱིམ་རྒྱུད་ཅིག་ཏུ་སྐྱེས། ཆུང་དུས་ནས་བྲིས་ལ་མཁས་པའི་དབོན་པོ་ཀུན་བྷེ་ལགས་ཀྱི་མཛུབ་ཁྲིད་བཟང་བོས་ཡིག་གཟུགས་ལ་དགའ་བའི་གོམས་གཤིས་ཟབ་མོ་བཞག  སློབ་ཆུང་མཐར་ཕྱིན་རྗེས་བླ་བྲང་བཀྲ་ཤིས་འཁྱིལ་སོགས་སུ་ཐུན་མོང་རིག་གནས་ལ་སློབ་སྦྱོང་བྱེད་ཁུལ་བྱས།  ཉིས་སྟོང་བརྒྱད་ནས་རྭ་རྒྱ་ཤེས་རིག་ནོར་བུའི་སློབ་གླིང་དུ་ཞུགས་ཏེ་སློབ་གྲྭ་སྤྱིའི་སྒྲིག་འཛིན་པ་དང་འཛིན་གྲྭའི་རྩོམ་སྒྲིག་པ་སོགས་ཀྱི་འགན་འཁུར་བ་དང་སློབ་གྲྭ་སྤྱིའི་རྩོམ་རིག་གི་སྡིངས་ཆ་གལ་ཆེན་གསེར་སྨྱུག་རྟགས་མའི་རྩོམ་རིག་བྱ་དགའ་སོགས་འབྲས་ལེགས་སློབ་མའི་གཟེངས་རྟགས་མང་དུ་ཐོབ། ཉིས་སྟོང་བཅུ་གསུམ་ལོ་ནས་བོད་ཀྱི་ཡིག་གཟུགས་ཆེད་སྦྱོང་གི་ལམ་དུ་ཞུགས་ཏེ་མཚོ་སྔོན་དང་ལྷ་ས། གཙང་བཀྲ་ཤིས་ལྷུན་པོ། ཆབ་མདོ་སྟེང་ཆེན་རྫོང་སོགས་བོད་མདོ་དབུས་ཁམས་གསུམ་གྱི་ཡིག་གཟུགས་མཁས་ཆེན་མང་པོའི་མདུན་སར་ཆེད་བཅར་གྱིས་བོད་ཀྱི་སྲོལ་རྒྱུན་ཡིག་གཟུགས་དྲི་མ་མེད་པར་འབྲི་སྦྱོང་ལྷོད་མེད་བྱས་ཤིང་། དགེ་རྒན་ཁོང་རྣམ་པས་ཀྱང་དམིགས་བསལ་ལྟ་སྐྱོང་དང་བསྔགས་བརྗོད། བྲིས་རྒྱུན་གཙང་མ་ཐོབ་པའི་དཔང་ཡིག་ཕྱག་བྲིས་ཐམ་ཀ་སོགས་གནང་། ད་ལྟ་མཚོ་སྔོན་ཙོང་ཁ་བཀའ་བསྟན་གསེར་བྲིས་གླིང་གི་ཡིག་གཟུགས་དགེ་རྒན་དང་འཛམ་གླིང་གི་ཆེས་ཆེ་བའི་གསེར་བྲིས་གླེགས་བམ་གླང་རྒྱབ་མའི་དབུ་མཛད་ཆེན་མོའི་འགན་ཁུར་བའི་ཞོར་དུ་སློབ་མ་མང་པོ་སྐྱེད་སྲིང་བྱས་དང་བྱེད་མུས་སུ་ཡོད། སློབ་མ་རྣམས་ཀྱིས་ཀྱང་ཡུལ་ཤུལ་གསེར་སྒྲུང་གླིང་དང་ཁྲིན་ཏུའུ་པདྨ་གསེར་བྲིས་ཁང་། ཐོན་མིའི་གསེར་བྲིས་ཁང་། རེབ་གོང་བཀའ་བསྟན་གསེར་བྲིས་ཁང་། དཀར་མཛེས་གསེར་བྲིས་ཁང་སོགས་ཁམས་དང་ཨ་མདོའི་ས་ཆ་སོ་སོ་ནས་གསེར་བྲིས་གཙོས་པའི་རིག་གནས་ཤུལ་བཞག་གི་ལས་ལ་འབད་མུས་ལགས་ཤིང་།  གུས་པ་རང་གིས་ཀྱང་དབུ་ཅན་སྙེ་བྲིས་དང་སྨོན་ལམ་ཡིག་གཟུགས། གཞུང་བྲིས་ཚུགས་རིང་དང་ཚུགས་ཐུང་། འབྲུ་ཚ། གཙང་བྲིས་ལན་ཝར་སོགས་ཀྱིས་གསེར་བྲིས་སྣ་ཚོགས་བཞེངས་བཞིན་མཆིས་སོ། །

ལྷུན་གྲུབ་རྒྱ་མཚོ་ལགས་ཀྱི་གསེར་བྲིས་མ།

ལྷུན་གྲུབ་རྒྱ་མཚོ་ལགས་ཀྱི་ཡིག་གཟུགས་བརྩམས་ཆོས།

རྩོམ་སྒྲིག་པ།  བཀྲ་ཤིས་རྒྱ་མཚོ།

མདོ་འཛིན་པ།  བཀྲ་ཤིས་རྒྱ་མཚོ།

རྩོམ་འགན་པ། ཚེ་མགོན།

ལྟ་སྐུལ་བ། ཆོས་ཕྱུག་རྒྱལ།

སྤྱིའི་ལྟ་སྐུལ་བ། རྣ་བྷ།

གསན་མཁན་ལྷན་རྒྱས་ལ་བསམ་འཆར་དང་རེ་བ་ཅི་ཡོད་གཤམ་གྱི་འབྲེལ་གནས་བརྒྱུད་དེ་བརྗོད་ཆོག །
ཁ་པར། 09716329322 15202581289
སྐད་འཕྲིན། boyutb
ཡིག་ཟམ། 824136958@qq.com

འོས་སྦྱོར།
  • གུང་ཁྲན་ཏང་གི་གསར་འགྱུར།
  • བོད་ཀྱི་རིག་མཛོད།
  • ཀྲུང་གོའི་བོད་ཀྱི་སློབ་འབྲིང་དྲ་བ།
  • མཚོ་སྔོན་བོད་རིགས་དྲ་བ།
  • མཚོ་སྔོན་བོད་རིགས་དྲ་བ།
  • ཀྲུང་གོ་བོད་སྐད་རླུང་འཕྲིན།
  • བོད་ལྗོངས་འཕྲིན་དྲ།
  • ཁམས་པའི་བརྙན་འཕྲིན།
  • ནོར་ནོར་བརྙན་འཕྲིན།
  • ཡོངས་འཛིན་འཚོལ་བཤེར།