ཞོགས་པའི་དུས་ཚོད་ལྔའི་སྟེང་དུ་མལ་ལས་ལངས་ཏེ། དུས་ཚོད་དྲུག་སྟེང་དགོ་དམར་ལ་ཞིབ་བཤེར་ཚད་ལེན་བྱེད་མགོ་བརྩམས་པ་དང་། དུས་ཚོད་བརྒྱད་ཀྱི་སྟེང་མཚོ་སྔོན་པོའི་འགྲམ་དུ་གད་སྙིགས་འཐུ་བ་དང་། དགོང་མོའི་དུས་ཚོད་བཅུའི་སྟེང་དུ་བྱེ་ཐང་བཅོས་སྐྱོང་ཁུལ་དུ་བསྐོར་ཞིབ་བྱེད་པའི་བྱ་བ་འདི་ལྟོས་ཚོད་ལ་ལས་སླ་མོ་ཞིག་ཏུ་སྣང་ཡང་། ཤེས་མེད་ཚོར་མེད་ངང་ཁོས་ལས་གནས་འདིའི་སྟེང་ནས་མི་ལོ་ཉི་ཤུའི་མི་ཚེ་རིམ་བཞིན་ཟད། ཁོས་ལོ་ངོ་ཉི་ཤུའི་རིང་གི་རང་ཉིད་ཀྱི་བྱ་བར་གདེང་འཇོག་བྱེད་སྐབས། ཁོས་མི་ཚེ་ཧྲིལ་བོར་བྱ་བ་དོན་སྙིང་ཅན་ཞིག་སྒྲུབ་ཐུབ་པ་བྱུང་ན། དེ་ནི་ཇི་འདྲིའི་དགའ་འོས་པ་ཞིག་རེད་ཨང་ཟེར། ཁོ་ནི་དུས་རྒྱུན་སྐད་མང་པོ་མི་སྨྲ་ལ། བཤད་པ་ཐམས་ཅད་ནི་སེམས་གཏིང་གི་སྐད་ཆ་ཏག་ཏག་རེད། དེ་ནི་མཚོ་སྔོན་པོའི་འགྲམ་གྱི་རྣམ་རྒྱལ་ཟེར་བའི་འབྲོག་པ་དཀྱུས་མ་ཞིག་རེད། ཁོའི་ཁྱིམ་ནི་མཚོ་སྔོན་པོ་རིག་སྨོན་གྲོང་རྡལ་དམེ་ཡཱ་སྡེ་བར་ཡོད་པ་དང་། མཚོ་སྔོན་པོའི་ཤར་འགྲམ་བར་དུ་སྤྱི་ལེ་བཞི་ཡོད། ད་ལོ་ལོ་ལྔ་བཅུར་སླེབས་པའི་རྣམ་རྒྱལ་ནི་གཟུགས་རིང་ཞིང་། མཁུར་མཚོས་ཅུང་དམར་པོ་ཡིན་པས། མཐོ་སྒང་གི་སྟག་ཤར་ཞིག་གི་རྣམ་པ་ཁོའི་ལུས་སྟེང་དུ་ཡོངས་སུ་མངོན་འདུག
མཐོ་སྒང་གི་མེ་ཏོག་ཆུན་པོ་ཞེས་པའི་མཚན
