ཧི་པེ་ཞིང་ཆེན་གྱི་ཡིན་པའི་སྐྱེས་པ་ཐན་རོས་ཁྲུན་ལགས་རང་བྱུང་ཁམས་ལ་དགའ་བའི་དབང་གིས་རྒྱ་མཚོའི་ངོས་ལས་མཐོ་ཚད་སྨི་3480ཡོད་པའི་མཚོ་བོད་མཐོ་སྒང་གི་རྐྱང་ཐང་མཚོ་འགྲམ་དུ་བསྟུད་མར་ལོ་བཅུའི་རིང་གི་འཚོ་བ་བསྐྱལ། རྐྱང་ཐང་མཚོ་མོ་ནི་ཀན་སུའུ་ཞིང་ཆེན་གྱི་ཚྭ་མེད་མཚོ་དང་པོ་ཡིན་ལ། དེའི་ཆགས་གནས་ནི་ཀན་ལྷོ་བོད་རིགས་རང་སྐྱོང་ཁུལ་ཀླུ་ཆུ་རྫོང་ཁོངས་སུ་ཡོད། གནས་དེ་ནི་མཚོ་བོད་མཐོ་སྒང་ཤར་ཕྱོགས་ཀྱི་བརླན་ས་གཙོ་བོ་ཡིན། རྨ་ཆུའི་སྟོད་རྒྱུད་ཀྱི་ཆུའི་འབྱུང་ཁུངས་གཙོ་ཞིག་ཀྱང་ཡིན་པས། མཐོ་སྒངགི་མཁལ་མ་དང་མཐོ་སྒང་གི་ནོར་བུ་ཞེས་པའི་མཚན་སྙན་ཕྱོགས་ཀུན་ཁྱབ་ཡོད།

བོད་རིགས་སྤུན་ཟླ་རྣམས་ཀྱིས་རྐྱང་ཐང་མཚོ་མོ་ཆགས་སའི་གནས་དེར་མཚོ་སྙིང་ཞེས་འབོད་ཀྱིན་ཡོད། རྐྱང་ཐང་མཚོ་འགྲམ་དུ་རྩྭ་དང་རྩི་ཤིང་འཛོམས་ཤིང་འདབ་ཆགས་མང་པོས་དེ་གར་ངལ་གསོ་རྒྱག་ཅིང་རྒྱུད་སྤེལ་བཞིན་ཡོད། ཁྲུང་ནག་དང་། ངང་པ་སོགས་རྩ་ཆེན་འདབ་ཆགས་མང་བོ་མཚོ་འགྲམ་གྱི་རྩྭ་ཐང་དུ་གནས་ཡོད།

དུས་བསྟུན་གནས་སྤོའི་བྱ་རིགས་མང་པོས་རླབས་ཕྲེང་ཆིལ་ཆིལ་གྱི་མཚོ་ངོས་སུ་རང་མོས་ཀྱིས་འཕུར་ལྡིང་བྱེད་པ་དང་དགའ་སྣང་གིས་བརྟས་ཏེ་རྩེད་དགའ་ལ་རོལ་བཞིན་མཆིས། མུ་མཐའ་བྲལ་བའི་རྩྭ་ཐང་དུ་ནོར་ལུག་གི་ཚོགས་ཀྱིས་སོས་དལ