དངུལ་དཀར་གྱི་ལྭ་བའི་ཡོངས་སུ་བཀླུབས་པའི་མདོ་ལ་རི་བོའི་འདབས་སུ། གསེར་མདོག་གི་ལོག་དཀར་མེ་ཏོག  ཁྱུ་དང་ཁྱུ་བྱས་པའི་རྟ་ནོར་དང་ནམ་མཁའི་སྤྲིན་དཀར་བཅས་ཀྱིས་མཛེས་ཉམས་མཚར་པོ་ཞིག་མངོན་འདུག་ལ། རྩྭ་ཐང་གི་མཛེས་ཉམས་སྔར་ལས་དོད་པོར་ཆགས། དགུང་ལོ་གོ་དྲུག་ལ་སོན་པའི་ཧ་ལུ་དང་དགུང་ལོ་གྱ་ལྔར་སོན་པའི་ལྷུན་རྡོ་གཉིས་རི་མོར་བཀོད་པ་འདྲ་བའི་མཛེས་ལྗོངས་དེའི་ཁྲོད། གདོང་ལ་བདེ་སྐྱིད་ཀྱི་མཛུམ་གྱིས་ཁེངས་ནས་སྐྱིད་པའི་འཚོ་བ་ཞིག་རོལ་བཞིན་མཆིས།