གཅིག མིག་མཐའི་ནག་ཐིག་སེལ་ཐབས། སེང་རས་ཀྱི་ཁུག་ཏུ་ཇ་ལོ་བཅུག་ནས་མིག་གི་སྟེང་ལ་བཞག་སྟེ་དུས་ཡུན་ སྐར་མ་བཅུ་ནས་བཅོ་ལྔ་ཙམ་འགོར་རྗེས་ཆུ་འཁྱག་གིས་བཀྲུ་དགོས།
གཉིས། གཟའ་འཁོར་གཅིག་ལ་བྱ་སྒོང་བཞི་ལས་མང་བ་བཟའ་མི་རུང་། མང་དུ་ཟོས་ན་ལུས་པོའི་བདེ་ཐང་ལ་གནོད།
གསུམ། བྱའི་ཨོང་ཤའི་སྟེང་དུ་ནད་སྐྱེད་རྫས་མང་རྐྱེན། རབ་ཡིན་ན་མ་ཟོས་ན་བཟང་།
བཞི། དུས་ཚོད་མང་པོར་གློག་ཀླད་སོགས་ལ་ཅེར་རྗེས། བར་མཚམས་སུ་ངལ་གསོ་བ་དང་མིག་འཕུར་འཕུར་བྱེད་ དགོས།
ལྔ། གཉིད་ཡུར་བའི་དུས་ཚོད་བཟང་ཤོས་ནི་དགོང་མོའི་ཆུ་ཚོད་བཅུ་ནས་ཞོགས་པའི་ཆུ་ཚོད་བདུན་བར་ཡིན།
དྲུག སྲན་མའི་ཁུ་བ་འཐུང་དུས་བྱ་སྒོང་བཟའ་མི་རུང་། དེའི་ནང་དུ་ཀ་ར་ཡང་གདབ་མི་ཉན།
བདུན། ཟ་མ་མ་ཟོས་པའི་སྔོན་དུ་ལྡུམ་སྒོང་བཟའ་མི་རུང་། ཟ་མ་ཟོས་རྗེས་བཟའ་དགོས།
བརྒྱད། ཞོགས་པ་ཡར་ལངས་རྗེས་ཆུ་ཕོར་གང་འཐུང་ན་མཁྲིས་རྡོ་ཆགས་པར་སྔོན་འགོག་བྱེད་ཐུབ།
དགུ། མ་ཉལ་བའི་སྔོན་གྱི་དུས་ཚོད་གསུམ་གྱི་ནང་ཟ་མ་བཟའ་མི་རུང་།
བཅུ། འོ་ཇ་ཉུང་ཙམ་འཐུང་ན་བཟང་། འོ་ཇའི་ནང་དུ་མངར་ཚད་ཆེན་པོ་འདུས་པ་་དང་སྣུམ་ཚད་མཐོ་བས་ཁྲག་ ཤེད་མཐོ་བའི་ནད་རིགས་འབྱུང་སླ།
བཅུ་གཅིག བག་ལེབ་སྲེག་མ་ཐག་ཏུ་བཟའ་མི་རུང་།
བཅུ་གཉིས། གློག་གསོག་ཆས་དང་བར་ཐག་ངེས་ཅན་ཡོད་དགོས།
བཅུ་གསུམ། ཉིན་རེར་ཆུ་ཕོར་བ་བཅུ་རེ་འཐུང་ན། ནད་གཞི་སྣ་ཚོགས་རང་སར་འཇོམས།
བཅུ་བཞི། ཉིན་དཀར་ཆུ་མང་དུ་འཐུང་བ་དང་མཚན་མོར་ཉུང་ཙམ་འཐུང་དགོས།
བཅོ་ལྔ། རྣ་བ་བསལ་ན་ཀླད་པའི་ཁྲག་རྩའི་འཁོར་སྐྱོད་ལ་ཕན།
བཅུ་དྲུག ཉི་མ་རེར་ཁོ་ཧྥེ་ཕོར་གཉིས་ཡན་འཐུང་མི་རུང་། མང་པོ་འཐུང་ན་གཉིད་མི་ཡོང་ཞིང་ཁོག་པ་མི་བདེ།
བཅུ་བདུན། སྣུམ་དང་ཚིལ་གྱི་འདུས་ཚད་མཐོ་བའི་ཟས་རིགས་ཉུང་ཙམ་བསྟེན། ཕོ་བའི་ནང་དུ་དེའི་རིགས་ཞུ་བར་ དུས་ཚོད་ལྔ་ནས་བདུན་ཙམ་དགོས།
བཅོ་བརྒྱད། ཕྱི་དྲོའི་དུས་ཚོད་ལྔའི་རྗེས་ནས་ཟ་མ་མང་པོ་ཟོས་ན་མི་བཟང་། དུས་ཚོད་ལྔའི་རྗེས་སུ་མིའི་ལུས་ལ་ནུས་ ཤུགས་མང་པོ་མི་དགོས།
བཅུ་དགུ། གཉིད་འདང་ངེས་ཤིག་དགོས། རབ་ཡིན་ན་ཉིན་གུང་ཅུང་ཙམ་གཉིད་ན་བཟང་།
ཉི་ཤུ། བུད་མེད་ལ་ཟླ་མཚན་འབབ་པའི་དུས་སུ་ཇའི་རིགས་འཐུང་མི་རུང་།
ཉེར་གཅིག ཆང་མང་དུ་འཐུང་ན་ལུས་པོའི་སྟེང་གི་ཕྲ་ཕུང་མང་པོར་བཀག་འགོག་ཐེབས་ནས། འབུ་ཕྲས་ནད་བསྐྱེད་ ངེས།
ཉེར་གཉིས། སྨན་ནི་མ་ཉལ་བའི་སྔོན་གྱི་སྐར་མ་སུམ་ཅུའི་ནང་ལ་འཐུང་ན་བཟང་།
ཉེར་གསུམ། སྐྲ་ལྷུང་བའི་རྒྱུ་རྐྱེན་ནི་མཚན་སྐྱེལ་བ་དང་། གནོན་ཤུགས་ཆེ་བ། དུད་ཆང་བསྟེན་པ། སྣུམ་འདུས་ཚད་ མཐོ་བའི་ཟ་མ་དང་བྲོ་རྫས་མང་བའི་ཟས་ཟོས་པ་སོགས་ཡིན།
ཉེར་བཞི། སྐྲ་སྐྱེ་དགོས་ན་སྲན་མའི་རིགས་དང་སྔོ་ཚོད་རིགས་བཟའ་དགོས། མངར་ཆའི་རིགས་བཟའ་མི་རུང་།
ཉེར་ལྔ། ཉིན་རེར་ཚ་ལུ་མའི་ཁུ་བ་ཕོར་གང་འཐུང་ན་གདོང་གི་ནག་ནོག་འཇོམས།
ཉེར་དྲུག ཀུ་ཤུ་ཟོས་ན་གློ་བ་ལ་ཕན།
ཉེར་བདུན། དུ་བ་ནི་སྐྲན་ནད་ཀྱི་འབྱུང་ཁུངས་ལྟ་བུ་ཡིན་པས་དུ་བ་བཅད་ན་རང་གཞན་ཀུན་ལ་ཕན།
ཉེར་བརྒྱད། བུད་མེད་ཀྱིས་ཇ་འཐུང་མི་རུང་བའི་གནས་སྐབས་ལྔ། ཟླ་མཚན་འབབ་དུས། མངལ་སྦྲུམ་པའི་དུས། ཕྲུ་ གུ་བཙའ་རན་པའི་དུས། ཕྲུ་གུ་བཙས་མ་ཐག་གི་རྗེས། ལོ་འཁོར་བའི་དུས།
ཉེར་དགུ། ཆང་མང་དུ་འཐུང་ན་མཆིན་པ་སྲ་འགྱུར་གྱི་སྐྲན་ནད་འབྱུང་སླ།
སུམ་ཅུ། ཚིལ་སྣུམ་གྱི་འདུས་ཚད་མཐོ་བའི་ཟས་ཟ་ཚད་མང་ན་ཕོ་བར་སྐྲན་ནད་འབྱུང་ངེས།
འབྲུག་མོ།
