ཧི་ནན་ཞིང་ཆེན་དང་མཚོ་སྔོན་ཞིང་ཆེན་གཉིས་ཀྱི་བུད་མེད་དང་བྱིས་པའི་བདེ་ཐང་གནད་ཕིགས་ཁ་གཏད་རོགས་སྐྱོར་འགུལ་སྐྱོད་མཚོ་སྔོན་ཞིང་ཆེན་དུ་ལག་བསྟར་བྱེད་མགོ་བརྩམས།
2019.08.13 ཁུངས། མཚོ་སྔོན་གསར་འགྱུར་དྲ་བ། ཀློག་གྲངས། 0

ཀྲུང་གོ་བུད་མེད་དང་བྱིས་པའི་བདེ་སྲུང་མཐུན་ཚོགས་ཀྱི་གྲོས་བཏོན་མཛུབ་སྟོན་འོག་དང་།   ཧི་ནན་ཞིང་ཆེན་དང་མཚོ་སྔོན་ཞིང་ཆེན་གཉིས་ཀྱི་འཕྲོད་བསྟེན་བདེ་ཐང་སྡེ་ཁག་གི་ཧུར་བརྩོན་འོག   བདེ་ཐང་གིས་ཕན་ཚུན་ལག་རྡང་སྦྲེལ་ཞེས་པའི་ཧི་ནན་དང་མཚོ་སྔོན་གཉིས་ཀྱི་བུད་མེད་དང་བྱིས་པའི་བདེ་ཐང་གནད་ཕིགས་ཁ་གཏད་རོགས་སྐྱོར་འགུལ་སྐྱོད་མཚོ་སྔོན་ཞིང་ཆེན་ནས་དངོས་སུ་ལག་བསྟར་བྱེད་མགོ་བརྩམས་པ་དང་།  ཟླ་བརྒྱད་པའི་ཚེས་གསུམ་ཉིན།  རོགས་སྐྱོར་མཉམ་འཛུགས་གྲོས་མཐུན་འགོད་པའི་མཛད་སྒོ་ཟི་ལིང་ནས་བསྡུས།

ཉེ་བའི་ལོ་འགའི་རིང་ལ།   མཚོ་སྔོན་ཞིང་ཆེན་གྱིས་གནད་ཕིགས་ཤུགས་འདོན་དང་ཕྱོགས་བསྡུས་ཇུས་བསྟར།   གྲོང་ཁྱེར་དང་གྲོང་རྡལ།  ཁུལ་ཁོངས་ཀྱི་བུད་མེད་དང་བྱིས་པའི་བདེ་ཐང་བྱ་བའི་མཐུན་སྦྱོར་འཕེལ་རྒྱས་ལ་སྐུལ་འདེད་བཏང་བས།  བུད་མེད་དང་བྱིས་པའི་བདེ་ཐང་ཞབས་ཞུའི་ནུས་པ་གཏན་འཇགས་སྒོས་མཐོར་འདེགས་སོང་བ་དང་།  ནུས་ཡོད་སྒོས་བུད་མེད་དང་བྱིས་པའི་བདེ་ཐང་གནས་ཚུལ་ལེགས་བཅོས་བྱས་པར་མ་ཟད།   བུད་མེད་དང་བྱིས་པའི་ཞབས་ཞུའི་སྤུས་ཚད་དང་ཕན་ནུས། མང་ཚོགས་ཀྱི་ཡིད་ཚིམས་ཚད་བཅས་མངོན་གསལ་གྱིས་མཐོར་འདེགས་བྱུང་ཡོད།  འོན་ཀྱང་།  མཚོ་སྔོན་ཞིང་ཆེན་གྱི་བུད་མེད་དང་བྱིས་པའི་བདེ་ཐང་ཞབས་ཞུའི་མ་ལག་ཐད་མི་སྣ་མི་འདང་བ་དང་བྱེད་ནུས་ཆུང་བ།  ཞབས་ཞུ་འཐུས་ཚང་མིན་པ་སོགས་ཀྱི་མི་འདང་བ་སོགས་ཀྱི་དཀའ་ཁག་མང་པོ་ཡོད།    ཞིང་ཆེན་གཉིས་ཀྱི་བུད་མེད་དང་བྱིས་པའི་བདེ་ཐང་གནད་ཕིགས་ཁ་གཏད་རོགས་སྐྱོར་འགུལ་སྐྱོད་ལག་བསྟར་བྱས་རྗེས། ཧི་ནན་ཞིང་ཆེན་བུད་མེད་དང་བྱིས་པའི་བདེ་སྲུང་ཁང་གཙོ་ཡིན་པའི་བུད་མེད་དང་བྱིས་པའི་བདེ་སྲུང་ཁང་ལྔ་ཡིས་མཚོ་སྔོན་ཞིང་ཆེན་གྱི་བུད་མེད་དང་བྱིས་པའི་བདེ་སྲུང་ཁང་ལྔ་ལ་ཁ་གཏད་རོགས་སྐྱོར་གྱི་འབྲེལ་བ་བཙུགས་ཏེ་རིག་གཞུང་ཚན་ཁག་གི་དགེ་མཚན་དང་ཤེས་ལྡན་མི་སྣའི་སྟོབས་ཤུགས་འདོན་སྤེལ་གང་ལེགས་བྱས་ཏེ་མཚོ་སྔོན་ཞིང་ཆེན་གྱི་བུད་མེད་དང་བྱིས་པའི་བདེ་སྲུང་སྡེ་ཁག་གི་ལས་སྒོ་འཕེལ་རྒྱས་ཐད་ཀྱི་དགོས་མཁོ་བསྐང་རྒྱུ་ཡིན་པ་དང་།   རྒྱང་བསྟེན་སྨན་བཅོས་དང་མི་སྣ་གསོ་སྦྱོང་།  ཚན་ཞིབ་མཉམ་ལས་ལས་གཞི་སོགས་བྱེད་ཐབས་སྤྱད་དེ་བུད་མེད་དང་བྱིས་པའི་རོགས་སྐྱོར་བྱ་བ་སྤེལ་བ་དང་།   མཚོ་སྔོན་ཞིང་ཆེན་གྱི་རོགས་སྐྱོར་ཐོབ་པའི་བུད་མེད་དང་བྱིས་པའི་བདེ་སྲུང་སྡེ་ཁག་གི་འབྲེལ་ཡོད་རིག་གཞུང་ཚན་ཁག་གི་ནུས་པ་དང་ཆུ་ཚད་མངོན་གསལ་གྱིས་མཐོར་འདེགས་བཏང་སྟེ་ཁྱོན་ཡོངས་ནས་མཚོ་སྔོན་ཞིང་ཆེན་གྱི་བུད་མེད་དང་བྱིས་པའི་བདེ་སྲུང་ལས་དོན་འཕེལ་རྒྱས་ལ་རྒྱབ་སྐྱོར་བྱེད་རྒྱུ་རེད།

གྲོས་མཐུན་འགོད་པའི་མཛད་སྒོའི་སྟེང་།  ཧི་ནན་ཞིང་ཆེན་བུད་མེད་དང་བྱིས་པའི་མཐུན་ཚོགས་དང་ཧི་ནན་ཞིང་ཆེན་བུད་མེད་དང་བྱིས་པའི་བདེ་སྲུང་ཁང་།  ཞིན་དབྱང་གྲོང་ཁྱེར་བུད་མེད་དང་བྱིས་པའི་བདེ་སྲུང་ཁང་།     ཀྲིན་ཀྲིག་གྲོང་ཁྱེར་བུད་མེད་དང་བྱིས་པའི་བདེ་སྲུང་ཁང་།  ཀྲིག་ཁུག་གྲོང་ཁྱེར་བུད་མེད་དང་བྱིས་པའི་བདེ་སྲུང་ཁང་།   ཕུའུ་དབྱང་གྲོང་ཁྱེར་བུད་མེད་དང་བྱིས་པའི་བདེ་སྲུང་ཁང་བཅས་ཀྱིས་སོ་སོར་མཚོ་སྔོན་ཞིང་ཆེན་བུད་མེད་དང་བྱིས་པའི་མཐུན་ཚོགས་དང་མཚོ་སྔོན་ཞིང་ཆེན་བུད་མེད་དང་བྱིས་པའི་བདེ་སྲུང་ཁང་།  མཚོ་ནུབ་ཁུལ་བུད་མེད་དང་བྱིས་པའི་བདེ་སྲུང་ཁང་།   ཏ་ཐུང་རྫོང་བུད་མེད་དང་བྱིས་པའི་བདེ་སྲུང་ཁང་།  ཧུའུ་ཀྲུའུ་རྫོང་བུད་མེད་དང་བྱིས་པའི་བདེ་སྲུང་ཁང་།  ཞོན་ཧྭ་རྫོང་བུད་མེད་དང་བྱིས་པའི་བདེ་སྲུང་ཁང་བཅས་དང་མཉམ་ལས་གྲོས་མཐུན་བཀོད།

རྩོམ་སྒྲིག་པ། འབྲུག་མོ།