རྒྱུན་དུ་སོ་ལེགས་པར་བཀྲུས་ཏེ། ཁ་ནང་གི་གཙང་སྦྲར་དོ་སྣང་ལེགས་པོ་བྱས་ན། སོ་འབུ་བཀག་ནས་ལྡོད་པའི་བྱེད་ནུས་དང་ཕོ་རྒྱུའི་བྱེད་ནུས་ཇེ་ལེགས་སུ་གཏོང་བར་མ་ཟད། རྒན་པའི་ཧོན་ལོག་ནད་འགོག་ཐུབ།

སོ་རྙིལ་གཉན་ཚད་ནི་རྒན་པ་རྣམས་ཀྱི་རྒྱུན་མཐོང་གི་ཁའི་ནད་རིགས་ཤིག་ཡིན་ལ། མང་ཆེ་ཤོས་པུའུ་ལིན་འབུ་སྲིན་རྐྱང་མས(卟啉单细菌)བསླངས་པ་རེད། ཞིབ་འཇུག་ལས་ར་སྤྲོད་བྱུང་བ་ལྟར་ན། སོ་རྙིལ་པུའུ་ལིན་འབུ་སྲིན་རྐྱང་མ་ནི་ཁ་ནང་ནས་ཀླད་པར་སྤོ་བསྒྱུར་བྱེད་ཐུབ་པས། སོ་རྙིལ་པུའུ་ལིན་འབུ་སྲིན་རྐྱང་མ་ལས་བྱུང་བའི་གནོད་ལྡན་རྩབས་ཀྱིས་ཀླད་པའི་ནང་གི་དབང་རྩའི་ཕྲ་ཕུང་ལ་གནོད་འཚེ་བཏང་སྟེ། རྒན་པའི་དྲན་ཤེས་ཉམས་པ་དང་། དེ་ནས་རིམ་གྱིས་ཧོན་ལོག་པ་རེད། དེ་བས་སོའི་བདེ་ཐང་ལ་སྲུང་སྐྱོབ་ལེགས་པོ་བྱས་ཏེ། སོ་རྙིལ་པུའུ་ལིན་འབུ་སྲིན་རྐྱང་མ་དང་རིང་དུ་གྱེས་ན། ཀླད་པར་སྲུང་སྐྱོབ་བྱེད་ཐུབ་པར་མ་ཟད། དྲན་ཤེས་ཉམས་པ་འགོག་ཐུབ།

རྒན་པ་རྣམས་ལ་དྲན་སྐུལ་བྱེད་རྒྱུ་ནི་སོ་རྙིལ་པུའུ་ལིན་འབུ་སྲིན་རྐྱང་མ་ཁོ་ནས་རྒན་པའི་ཧོན་ལོག་ནད་སློང་མི་ཐུབ་མོད། འོན་ཀྱང་འབུ་སྲིན་འདིས་ཧོན་ལོག་ནད་འབྱུང་བའི་ཉེན་ཁ་ཇེ་ཆེར་གཏོང་བར་མ་ཟད། ནད་རིགས་སྔར་ལས་མགྱོགས་པོའི་སྒོ་ནས་ཇེ་ལྕི་རུ་གཏོང་བ་རེད། མིག་སྔར། སོ་རྙིལ་པུའུ་ལིན་འབུ་སྲིན་རྐྱང་མ་ལས་བྱུང་བའི་གནོད་ལྡན་རྩབས་སྔོན་འགོག་བྱས་ཏེ། རྒན་པའི་ཧོན་ལོག་ནད་འབྱུང་ཚད་ཇེ་ཉུང་དུ་གཏོང་བའི་སྨན་རྫས་ཤིག་གསར་སྤེལ་བྱས་ཡོད་ལ། དེ་ལས་གཞན་ད་རུང་ཆེད་མཁས་པས་སྔོན་འགོག་བྱེད་ཐབས་ཆེས་བཟང་པོ་ཞིག་བཏོན་ཡོད་པ་ནི་སོ་ལེགས་པར་བཀྲུ་དགོས་པ་དེ་རེད། །

རྩོམ་སྒྲིག་པ། འབྲུག་མོ།