ཀྲུང་ལུགས་གསོ་རིག་གི་ལུས་ཁམས་བདེ་སྲུང་རིག་པའི་ལོ་རྒྱུས་རྒྱུན་རིང་ཞིང་། དེའི་ཁྲོད་ཀྱི་གསང་མིག་རྣམས་ལུས་ཕུང་བདེ་ཐང་ལ་གལ་ཆེ་ཚུལ་གསལ་བོར་བསྟན་ཡོད།《ཀྲུང་གོའི་སྤྱི་དམངས་ཀྱི་ཀྲུང་ལུགས་གསོ་རིག་གི་ལུས་ཟུངས་གསོ་བའི་ཐད་ཀྱི་བྱང་ཚད》ནང་གཤམ་གྱི་གསང་མིག་ལྔའི་བདེ་སྲུང་དང་ལུས་པོ་བདེ་ཐང་གི་གལ་ཆེན་རང་བཞིན་ནན་གྱིས་བསྟན་ཡོད།
གཅིག ནུ་མགོ་གཉིས་སྦྲེལ་མཚམས་དང་བྲང་རུས་ཀྱི་སྟེང་ཕྱོགས་ནི་སྙིང་ཤུབས་བརྒྱུད་ནས་རླུང་འདུས་སའི་གནས་ཡིན། དེ་མིན་ལུས་ཁམས་ཀྱི་རླུང་གི་གསང་མིག་ཀྱང་གནས་དེར་འདུས་ཡོད། སྙིང་གཡུག་པ་དང་། དབུགས་ཐུང་བ། བྲང་གཟེར་བ། ནུ་རྨེན་འཕར་སྐྱེ། གློ་ལུ་བ། དབུགས་འཚང་བ་སོགས་ཀྱི་གློ་སྙིང་གི་ནད་རིགས་བཅོ་བར་གནས་དེ་གལ་ཆེ་བར་འཛིན། ལག་མཐིལ་གྱིས་ཕར་ཚུར་གཙུབ་བརྡར་བྱས་ནས་ཚ་ལེན་བྱས་ན་བཟང་།
གཉིས། སྲིབ་གསུམ་སྣོལ་གནས། རྐང་ངར་ནང་ལོག་དང་ངར་གདོང་ནང་ལོག་གི་རྒྱབ་ཕྱོགས་དེ་གཙོ་བོ་མོ་ནད་གསོ་བཅོས་བྱེད་སའི་གསང་མིག་ཅིག་ཡིན། བུད་མེད་ལ་ཟླ་མཚན་འབབ་པ་དང་། བྱིས་པ་སྐྱེས་པ། ནུ་མ་ལྡུད་པ་སོགས་ཀྱིས་ལུས་སྟེང་གི་ཟུངས་ཁྲག་ཇེ་ཉུང་དུ་འགྲོ་བཞིན་ཡོད། དེའི་རྐྱེན་གྱིས་བུད་མེད་རྣམས་ལ་སེམས་འགུལ་ཐེབས་སླ་བ་དང་། མཆིན་རླུང་འགག་སླ་བ། མཆིན་ཁྲག་མི་འདང་བའི་གནས་ཚུལ་འབྱུང་སྲིད་པ་རེད། སྲིབ་གསུམ་སྣོལ་གནས་སུ་འཕུར་མཉེད་བྱས་ན། མཆིན་པ་དང་མཚེར་བའི་ཁྲག་གསོ་ཐུབ་ལ། རྒྱུན་པར་ཟླ་མཚན་རྒྱུན་ལྡན་མིན་པ་དང་ཟླ་མཚན་འགག་པ། གྲང་དཀར་བཞུར་པ། བྱིས་པ་བཙས་རྗེས་སུ་གསུས་ཁོག་གཟེར་བ། གོམས་གཤིས་རང་བཞིན་གྱི་མངལ་ཤོར་བ། འོ་མས་མི་འདང་བ་སོགས་ཀྱི་ནད་བཅོ་ཐུབ་པ་རེད། དེ་བས་ཉིན་རེར་ཐེངས་ལྔ་བཅུ་ནས་བརྒྱ་ཙམ་ལ་འཕུར་མཉེད་བྱས་ན་བཟང་།
གསུམ། ངར་དོང་ཐོད་གསང་། རྗེ་ངར་གྱི་ཕྱི་ཕྱོགས་དང་པུས་མོའི་ཟུར་འོག་ཏུ་ཡོད། སྒྱིད་པ་ནི་ཕོ་བའི་ནད་རིགས་དང་མིའི་ལུས་སྟོབས་རྒྱས་པའི་གསང་མིག་ཡིན། ཕལ་ཆེར་ཕོ་རྒྱུའི་ནད་རིགས་ཡོད་ཚད་དེ། དཔེར་ན་གཏིང་ཐུང་རང་བཞིན་གྱི་ཕོ་བའི་གཉན་ཚད་དང་། རུལ་བའི་རང་བཞིན་གྱི་ཕོ་བའི་གཉན་ཚད། ཁུམ་པའི་རང་བཞིན་ཅན་གྱི་ཕོ་བའི་གཉན་ཚད། རྒྱུ་མའི་གཉན་ཚད་སོགས་ཀྱི་ནད་དང་། ཕོ་བ་ན་བ་དང་ཕོ་བ་སྦོས་པ། སྐྱུར་ལངས་པ། བྲང་ཁ་ཚ་བ། རྩ་འགག་པ། འཁྲུ་བཤལ་སོགས་ནད་རྟགས་ཚང་མ་གསང་མིག་འདི་ཕུར་ནས་བདེ་སྲུང་བྱེད་ཆོག དེ་བས་ཉིན་རེར་ཐེངས་ལྔ་བཅུ་ནས་བརྒྱ་ཙམ་ལ་ཕུར་མཉེད་བྱེད་དགོས།
མཐིལ་ཀོང་། རྐང་མཐིལ་ཀོང་ཀོང་ཡིན་སར། ནམ་རྒྱུན་འཕུར་མཉེད་བྱས་ན་མིད་པ་སྐྲང་གཟེར་དང་། མགོ་ན་བ། མགོ་ཡུ་འཁོར་བ། ཁྲག་ཤེད་མཐོ་བ་སོགས་ལ་ཕན། གནས་དེར་ཚོར་སྣང་རྣོན་པོའི་ཟུག་གཟེར་བསླངས་རྗེས་དྲན་ཐོར་དང་ཀླད་པ་ཕྱིར་སད་པའི་ནུས་པ་ཡོད། གལ་ཏེ་མི་ཞིག་གློ་བུར་དུ་བརྒྱལ་ནས་དྲན་པ་ཐོར་ན་གསང་མིག་དེར་ཐེངས་ལྔ་བཅུ་ནས་བརྒྱ་ཙམ་འཕུར་མཉེད་བྱས་ནས་ཟུག་གཟེར་དྲག་པོ་སློང་དགོས།
ལོང་མཚེས། ལྟེ་བའི་འོག་གི་སོར་མོ་གསུམ་གྱི་མཚམས་ནི“སྐྱེས་པའི་དྭངས་མ་དང་སྐྱེས་མའི་ཁྲག་གསོག་གི་མཚམས”ཡིན། ནམ་རྒྱུན་ནད་ཐོག་སྨན་བཅོས་སྟེང་གཅིན་ཟགས་དང་། སྐྱེ་འཕེལ་མ་ལག་གི་ནད་རིགས། དཔེར་ན་གཅིན་ཤོར་བ། རོ་ཙ་ཉམས་པ། མངལ་མི་འཁོར་བ། ཟླ་མཚན་འགག་པ། བྱིས་པ་བཙས་རྗེས་སུ་གསུས་ཁོག་གཟེར་བ་སོགས་བཅོས་ཐུབ། ཉིན་རེར་ཐེངས་གཅིག་ནས་གཉིས་ཙམ་ལ་མེ་བཙའ་འཇོག་པ་དང་། ཐེངས་རེར་སྐར་མ་བཅུ་ནས་བཅོ་ལྔ་རེ་དང་ཉིན་རེར་ཐེངས་གཅིག་ཡིན།།
རྩོམ་སྒྲིག་པ། འབྲུག་མོ།
