ཟླ་བཅུ་གཉིས་པའི་ཚེས་གཅིག་ཉིན། མཚོ་སྔོན་ཞིང་ཆེན་དབང་བོ་སྐྱོན་ཅན་གྱི་ལས་ཞུགས་ཞབས་ཞུ་མཛུབ་སྟོན་ལྟེ་གནས་ཀྱི་ཏང་ཀྲི་པུའུ་ཡིས་ཟི་ལིང་གྲོང་ཁྱེར་མཁར་ཤར་ཁུལ་དབང་བོ་སྐྱོན་ཅན་མཉམ་འབྲེལ་ལྷན་ཚོགས་ཏང་ཀྲི་པུའུ་ཡིས“གསེར་གྱི་ལྡེ་མིག་གདོང་ལེན་རུ་ཁག”གི་ཏང་འཛུགས་ཟོང་རྟགས་ལ་གཞི་བཅོལ་ཏེ། དབང་བོ་སྐྱོན་ཅན་ཆེད་དམིགས་གདན་ཞུ་ཚོགས་འདུ་ལ་བརྟེན་ནས། ཏང་ཡོན་ལས་བྱེད་མང་ཚོགས་ཀྱིས“ཏང་ཡོན་གྱི་དཔེ་སྟོན་བྱེད་ནུས་འདོན་སྤེལ་དང་། དབང་བོ་སྐྱོན་ཅན་ལ་རོགས་སྐྱོར་བྱེད་པའི་གདོང་ལེན་པ་བྱེད་པ”བརྗོད་དོན་ཡིན་པའི་དབང་བོ་སྐྱོན་ཅན་ལ་རོགས་སྐྱོར་བྱེད་པའི་བྱ་འགུལ་རབ་དང་རིམ་པ་སྤེལ།
བྱ་འགུལ་ཁྲོད། ལས་ཞུགས་ལྟེ་གནས་ཏང་ཀྲི་པུའུ་དང་མཁར་ཤར་ཁུལ་དབང་བོ་སྐྱོན་ཅན་ཏང་ཀྲི་པུའུ་ཡིས་ཏང་ཀྲི་པུའུ་ཡི་འཐབ་རྩོད་བྱེད་ནུས་འདོན་སྤེལ་དང་། ཏང་ཡོན་ལས་བྱེད་མང་ཚོགས་ཀྱི་རང་རྟོགས་རང་བཞིན་འདོན་སྤེལ་དང་། མཚོ་སྔོན་ཧ་ཡང་བཟོ་གྲྭར་མཐུན་སྦྱོར་བྱེད་པ། མཚོ་སྔོན་ཧྲང་ཡོན་སློབ་གསོའི་ཚན་རྩལ་ཚད་ཡོད་ཀུང་སི་སོགས་ཁེ་ལས་བཅུ་གསུམ་ཐེངས་འདིའི་བྱ་འགུལ་ཁྲོད་ཞུགས་པ་དང་། དབང་བོ་སྐྱོན་ཅན་ལ་འཚམས་པའི་ལས་ཞུགས་ལས་རྐང་ཞེ་དགུ་མཁོ་འདོན་བྱས་པའི་མཚུངས་སུ། དབང་བོ་སྐྱོན་ཅན་ལ་རྩལ་ནུས་གསོ་སྦྱོང་སློབ་མ་བསྡུ་ལེན་དང་སེམས་ཁམས་བློ་འདྲི། ཆེད་ལས་ནུས་ཤུགས་ཚད་ལེན། སྲིད་ཇུས་བློ་འདྲི་སོགས་ཞབས་ཞུ་མཁོ་འདོན་བྱས་ཏེ། དབང་བོ་སྐྱོན་ཅན་ལས་ཞུགས་དགོས་མཁོའི་ཐོ་འགོད་བྱ་བ་ལེགས་པོ་བསྒྲུབས། མཚོ་སྔོན་ཞིང་ཆེན་དབང་བོ་སྐྱོན་ཅན་ལས་ཞུགས་ཀྱི་དྲ་རྒྱའི་ཞབས་ཞུ་སྟེགས་བུ་ཟུང་འབྲེལ་སྒོས། ཡུལ་དངོས་སུ་འགྲོ་དཀའ་བའི་དབང་བོ་སྐྱོན་ཅན་ལ་དྲ་ཐོག་ལས་ཞུགས་ཞབས་ཞུ་མཁོ་འདོན་བྱས་ཏེ། དྲ་ཐོག་དང་ཡུལ་དངོས་“ཟུང་འབྲེལ་གཉིས”བྱས།
ཐེངས་འདིའི་བྱ་འགུལ་གྱི་གདན་ཞུ་ཚོགས་འདུར་བསྡོམས་པས་དབང་བོ་སྐྱོན་ཅན་མི་ཞེ་བདུན་བསྡུ་ལེན་བྱས་པ་དང་། ལས་གནས་འདོད་བློ་གཅིག་མཐུན་བྱུང་བའི་མི་སོ་དགུ་ཡོད་ཅིང་། ཕན་འབྲས་ལེགས་པོ་ཐོབ། ཡུན་ཕན་སྒྲིག་སྲོལ་རྩ་འཛུགས་བྱས་པ་དང་། གཟའ་འཁོར་རེའི་གཟའ་ལྷག་པའི་ཕྱི་དྲོར་ཞིང་ཆེན་དབང་བོ་སྐྱོན་ཅན་མཉམ་འབྲེལ་ལྷན་ཚོགས་སུ་དབང་བོ་སྐྱོན་ཅན་ཆེད་ཚོགས་བསྡུ་པར་ཐག་བཅད། ལས་ཞུགས་ལྟེ་གནས་ཏང་ཀྲི་པུའུ་དང་མཁར་ཤར་ཁུལ་དབང་བོ་སྐྱོན་ཅན་མཉམ་འབྲེལ་ལྷན་ཚོགས་ཏང་ཀྲི་པུའུ་ཡིས་ཁ་པར་བཅར་འདྲི་དང་ཡུལ་དངོས་སུ་སོང་ནས་བཅར་འདྲི་བྱེད་པ་སོགས་ཀྱི་རྣམ་པས། དབང་བོ་སྐྱོན་ཅན་ལས་ཞུགས་ཞབས་ཞུའི་དགོས་མཁོར་རྒྱུས་ལོན་དང་། དུས་ཐོག་ཏུ་དབང་བོ་སྐྱོན་ཅན་མང་ཚོགས་ཀྱི་ལས་ཞུགས་འདོད་བློ་ཁོང་དུ་ཆུད་པར་བྱས་ནས། ཏང་ཡོན་སྔོན་བསྐྱོད་དཔེ་ལེགས་བྱེད་ནུས་དེ་དབང་བོ་སྐྱོན་ཅན་ལས་ཞུགས་ཞབས་ཞུའི་བྱ་བའི་ཁྲོད་བྱེད་ནུས་ཐོན་པར་བྱས། །
རྩོམ་སྒྲིག་པ། འབྲུག་མོ།