གསུམ་པ། བརྟག་ཐབས།

ནུ་མའི་སྐྲངས་འབུར་གྱི་རྒྱུན་མཐོང་གི་སློང་རྐྱེན་དང་འཕེལ་རིམ་ལྟར་ན། ཚི་སྣའི་ཐུམ་འབུའི་ནད་དང་ཚི་སྣའི་གཤེར་རྨེན་སྐྲངས་འབུར། ནུ་མའི་གཤེར་རྨེན་གྱི་སྐྲན་ནད་བཅས་ཡིན། ཚི་སྣའི་ཐུམ་འབུའི་ནད་ཀྱི་ཐུམ་པའི་སྐྲངས་འབུར་དེར་ཟླ་མཚན་མ་ཡོང་བའི་སྔོན་དང་ཟླ་མཚན་ཡོང་བའི་སྐབས་སུ་ན་ཟུག་ཡོད་ལ། ཟླ་མཚན་ཡོང་བའི་སྐབས་སུ་སྐྲངས་འབུར་གྱི་ཆེ་ཆུང་མི་ཤེས་ཤིང་དབྱིབས་ཙམ་ཡོད་ནའང་། མ་དཔེ་ལྟ་བུའི་ཚི་སྣའི་གཤེར་རྨེན་སྐྲངས་འབུར་ནི་དབྱིབས་སྒོར་ལ་ཆུང་བ་དང་། ན་ཟུག་མེད་པ། ལག་པས་རེག་ན་མཉེན་མོ་ཡིན་པ། ཟླ་མཚན་ཡོང་བའི་སྐབས་སུ་འགྱུར་ལྡོག་ཆེན་པོ་མེད།  ནུ་མའི་གཤེར་རྨེན་གྱི་སྐྲན་ནད་རྒྱུན་དུ་མཉེན་མོ་ཡིན་པ་དང་ན་ཟུག་མེད་པ། ཆེ་ཆུང་དེ་ཟླ་མཚན་ཡོང་བ་དང་འགྱུར་ལྡོག་མེད་པ་རེད། ནུ་མའི་གཤེར་རྨེན་གྱི་སྐྲངས་འབུར་ཞིབ་བཤེར་བྱེད་པའི་དུས་ཚོད་ཆེས་བཟང་བ་ནི། ཟླ་མཚན་ཡོང་བ་རྒྱུན་ལྡན་ཡིན་པའི་བུད་མེད་ལ་ཟླ་མཚན་ཡོང་རྗེས་ཀྱི་ཉིན་དགུ་ནས་བཅུ་གཅིག་གི་ནང་དུ་ཞིབ་བཤེར་བྱས་ན་ཆེས་བཟང་། སྐབས་དེར་མོ་གཤིས་སྐུལ་རྩི་ཡིས་ནུ་མའི་གཤེར་རྨེན་གྱི་སྐྲན་ནད་ལ་ཤན་ཤུགས་ཐེབས་པ་ཆེས་ཆུང་ལ་ནུ་མའི་གཤེར་རྨེན་དེ་ལྟོས་བཅས་ཀྱིས་འགུལ་རྒྱུ་མེད་པས་ཞིབ་བཤེར་བྱས་ན་ཤེས་སླ། ནུ་མགོའི་ཟགས་ཁུ་ཡིས་བརྟག་དཔྱད་བྱེད་པར་རོགས་བྱེད་ཐུབ། དེ་བས་ནུ་རྩ་རེ་རེར་མནན་ནས་ཟགས་ཁུ་ལ་བལྟ་དགོས། ཟགས་ཁུའི་མདོག་སེར་པོ་དང་ཡང་ན་ལྗང་ཁུ་ཡིན་ན་ཚི་སྣའི་ཐུམ་པའི་ནད་དང་ནུ་མའི་གཤེར་རྨེན་རྒྱས་ཡོད་པ་རེད། ཟགས་ཁུའི་ནང་ཁྲག་ཡོད་ན་ནུ་མའི་གཤེར་རྨེན་གྱི་རྩ་ལམ་ནང་ནུ་མགོ་ལྟ་བུའི་སྐྲངས་འབུར་ཡོད་མོད། ནད་རིགས་གཞན་པར་ངོས་མ་བཟུང་བའི་སྔོན་དུ། དེ་ནི་ནུ་མའི་གཤེར་རྨེན་སྐྲན་ནད་ཀྱི་རྟགས་ཤིག་ལ་བརྩིས་ཏེ། ཁྲག་ཁུ་ཡོང་བའི་ནུ་རྩའི་གཤེར་རྨེན་གཤགས་ནས་ཞིབ་མོར་བརྟག་དཔྱད་བྱེད་དགོས། གཞན་ད་དུང་ནུ་གོ་ནས་ཆུ་མདོག་ལྟ་བུའི་ཟགས་ཁུ་ཡོང་བ་ནི་རྒྱུན་ལྡན་གྱི་ཟླ་མཚན་ཡོང་བའི་སྐབས་དང་ཡང་ན་སྦྲུམ་ཆགས་པའི་ཐོག་མའི་དུས་རེད། ནུ་མགོ་ནས་ཟགས་ཁུ་དཀར་པོ་འོ་མ་ལྟ་བུ་ཡོང་བ་ནི་བྱིས་པར་ནུ་མ་ལྡུད་མཚམས་བཞག་པའི་བུད་མེད་ལ་འབྱུང་བ་རེད།

ནུ་མའི་གཤེར་རྨེན་སྐྲན་ནད་དེ་རྒྱུན་དུ་མཐོང་བ་ནི་ནུ་མའི་ཕྱི་ནང་གཉིས་ཀྱི་སྟོད་ཕྱོགས་དང་ནུ་མའི་དཀྱིལ་ཡིན། ནུ་མའི་གཤེར་རྨེན་སྐྲན་ནད་ཀྱི་བརྒྱ་ཆའི་དགུ་བཅུ་གོ་ལྔའི་ཡན་ཆད་ནི་ནུ་མའི་ནང་སྐྲངས་འབུར་ཡོད་པ་ལས་ཤེས་པ་དང་། ནུ་མའི་སྐྲངས་འབུར་ལ་ཐོག་མའི་དུས་སུ་རྟགས་ཅི་ཡང་མེད་ལ། གཞན་པའི་ནུ་མའི་གཤེར་རྨེན་གྱི་ནད་ལ་ནུ་མའི་གཤེར་རྨེན་སྐྲངས་འབུར་གྱི་རྟགས་ཡོད།

ནུ་མའི་གཤེར་རྨེན་གྱི་ཕྲ་ཕུང་རིག་པ་དང་ཕུང་གྲུབ་རིག་པའི་ཞིབ་བཤེར་བྱེད་ཐབས།

1.ཟགས་ཁུའི་ཕྲ་ཕུང་རིག་པའི་ཞིབ་བཤེར།

ནུ་མགོ་ནས་བཞུར་ཡོང་བའི་ཟགས་ཁུ་དེ་ཤེལ་ལེབ་ཐོག་བསྐུས་ནས་ཕྲ་ཕུང་རིག་པའི་ཐབས་ཀྱིས་བརྟགས་ན་ནུ་མའི་སྐྲངས་འབུར་མ་རིག་ནའང་མཇུག་འབྲས་ཤེས་ཐུབ།

2. ཁབ་ལེན་ཕྲ་ཕུང་རིག་པའི་ཞིབ་བཤེར།

སྤྱིར་བཏང་དུ་ཧོ་ཧྲིན་བཅུ་ཅན་གྱི་དུག་སེལ་ཁབ་མགོ་ཨང་བདུན་པ་ཞིག་གིས་ནུ་མའི་སྐྲངས་འབུར་ཐོག་གཙགས་ནས་དེའི་ནང་གི་ཟགས་ཁུ་ཅུང་ཙམ་བླངས་དེ་ཤེལ་ལེབ་ཐོག་

བཞག་ནས་ཞིབ་བཤེར་བྱས་ན་ཡང་དག་པའི་ཚད་ནི་བརྒྱ་ཆའི་དོན་བརྒྱད་ནས་བརྒྱ་ཆའི་གོ་དྲུག་ཡིན། བྱེད་ཐབས་འདི་དངོས་སུ་བེད་སྤྱོད་བྱེད་སྐབས་སྐྲངས་འབུར་གནས་གཞན་དུ་མཆེད་པར་མཉམ་འཇོག་དགོས།

3. གསོན་གཟུགས་ཕུང་གྲུབ་ཞིབ་བཤེར།

གཤམ་གྱི་གནས་ཚུལ་འགའ་དང་འཕྲད་ན་ནུ་མའི་གཤེར་རྨེན་ལ་གསོན་གཟུགས་ཕུང་གྲུབ་ཞིབ་བཤེར་བྱས་ནས་ཐག་གཅོད་བྱེད་དགོས་པ་སྟེ།

གཅིག ནུ་མའི་སྐྲངས་འབུར་དང་ཡང་ན་ཇེ་ཆེར་གྱུར་ཡོད་མེད་ཀྱི་ངོ་བོ་ཐག་གཅོད་བྱེད་དཀའ་བ། གཉིས།། ནུ་མགོའི་ཟགས་ཁུའི་ནང་ནུ་མའི་གཤེར་རྨེན་གྱི་སྐྲངས་འབུར་ཡོད་མེད་མི་ཤེས་པ། གསུམ། ནུ་མའི་གཤེར་རྨེན་དེ་ཤེལ་ལེབ་ཐོག་བཞག་ནས་སྐྲངས་འབུར་ཡིན་པའམ་ཀལ་སྐྲན་ནད་འགྱུར་ཡིན་པ་ཤེས་ན། དུས་དཀྱིལ་གྱི་ནུ་མའི་གཤེར་རྨེན་ལ་ངོས་འཛིན་དགོས། བཞི། གཉན་ཚད་མ་ཡིན་པའི་ནུ་མའི་གཤེར་རྨེན་དམར་པོར་གྱུར་ཡོད་ན། གཉན་ཚད་ཅན་གྱི་ནུ་མའི་གཤེར་རྨེན་སྐྲན་ནད་ལ་ངོས་འཛིན་དགོས། ལྔ། སྐྲན་ནད་དང་འདྲ་བའི་རྟགས་གཞན་པ་ཡོད་ན། གསོན་གཟུགས་ཕུང་གྲུབ་ཞིབ་བཤེར་དང་རྩ་བ་ནས་གཤག་བཅོས་བྱེད་པའི་བར་གྱི་དུས་ཚོད་ཅི་ཙམ་ཐུང་ན་དེ་ཙམ་གྱིས་བཟང་། སྤྱིར་བཏང་དུ་གསོན་གཟུགས་ཕུང་གྲུབ་ཞིབ་བཤེར་བྱས་རྗེས་ཀྱི་དུས་ཚོད་དོན་གཉིས་ནང་གཤགས་བཅོས་བྱས་ན་བཟང་། ནུ་མའི་གཤེར་རྨེན་གྱི་སྐྲན་ནད་ཡིན་མིན་གསོན་གཟུགས་ཕུང་གྲུབ་ཞིབ་བཤེར་བྱེད་པའི་དུས་མཚུངས་སུ་མོ་གཤིས་སྐུལ་རྩིལའང་ཞིབ་བཤེར་བྱེད་དགོས།

བཞི་བ།  གསོ་བཅོས་བྱེད་ཐབས།

ནུ་མའི་གཤེར་རྨེན་སྐྲན་ནད་ལ་སྨན་བཅོས་བྱེད་ཐབས་མང་བ་སྟེ། དཔེར་ན་གཤག་བཅོས་བྱེད་པ་དང་འོད་འཕྲོའི་བཅོས་ཐབས། རས་འགྱུར་བཅོས་ཐབས། གསང་རྒྱུད་ཟགས་བཤེར་གྱི་བཅོས་ཐབས། རྩ་སྨན་གྱི་བཅོས་ཐབས་སོགས་ཕན་ནུས་མི་འདྲ་བའི་བཅོས་ཐབས་སྣ་ཚོགས་ཡོད། སྨན་བཅོས་མ་བྱས་པའི་སྔོན་དུ་ནད་ངོས་འཛིན་ཡང་དག་བྱས་ནས་གང་ཕན་དེ་བསྟུན་གྱི་སྨན་བཅོས་བྱེད་ཐབས་བཀོལ་དགོས།

གཅིག གཤག་བཅོས་བྱེད་ཐབས། ཐོག་མར་སྨན་བཅོས་བྱེད་སྐབས་དུས་ཚོད་ལྟར་ནད་པར་གཤག་བཅོས་བྱེད་ཐབས་སྤྱད་ནས་ནུ་མའི་གཤེར་རྨེན་སྐྲན་ནད་གསོ་བཅོས་བྱེད་དགོས།

དང་པོ། ཧོ་ཨར་ཟི་ཐའེ་ཏེ་ཚད་ལྡན་གྱི་ནུ་མའི་གཤེར་རྨེན་སྐྲན་ནད་གཤག་ཐབས།

གཉིས་པ། ནུ་མའི་གཤེར་རྨེན་སྐྲན་ནད་ཀྱི་རྒྱ་སྐྱེད་གཤག་ཐབས།

གསུམ་པ། ནུ་མའི་གཤེར་རྨེན་སྐྲན་ནད་ཀྱི་ལེགས་བཅོས་གཤག་ཐབས།

བཞི་བ། ནུ་མ་ཧྲིལ་བོར་གཤགས་བཅོས་བྱེད་ཐབས།

ལྔ་བ། ནུ་མའི་ཆ་ཤས་གཤག་པ་དང་མཆན་འོག་གི་རྨེན་བུ་གཤག་ཐབས།

ནུ་མའི་གཤེར་རྨེན་སྐྲན་ནད་ལ་གཤག་བཅོས་བྱེད་ཐབས་མང་པོ་ཞིག་ཡོད་རུང་། གཤག་བཅོས་བྱེད་ཐབས་གང་ཞིག་སྤྱད་ན་ཆེས་བཟང་པོ་ཡིན་པའི་ཐད་རྩོད་པ་མང་པོ་གནས་ཡོད་པ་རེད། སྤྱིར་བཤད་ན་ནད་ཀྱི་དུས་ཡུན་ལྟར་རྩ་བ་ནས་སྨན་བཅོས་བྱེད་པ་སྔོན་འགྲོ་བྱེད་པ་དང་། དེའི་རྗེས་སུ་ནུ་མའི་བྱེད་ནུས་དང་ཕྱིའི་རྣམ་པ་སོར་འཇོག་བྱེད་པར་བསམ་བློ་གཏོང་དགོས། ནུབ་ཕྱོགས་ཀྱི་རྒྱལ་ཁབ་མང་ཤོས་ཀྱིས་ནུ་མ་སོར་འཇོག་བྱེད་པའི་གཤག་ཐབས་སྤྱོད་པ་མང་ལ། རང་རྒྱལ་དང་འཇར་པན་སོགས་ཤར་ཕྱོགས་རྒྱལ་ཁབ་ཀྱིས་མཆན་འོག་གི་རྨེན་བུ་སྤོ་སྒྱུར་བྱེད་པའི་དུས་ཡུན་གཉིས་པར་བསླེབས་པའི་ནད་པ་དང་། གཤག་བཅོས་དུས་ཡུན་ལ་སླེབས་པའི་ནད་པ་མང་ཆེ་བར་ལེགས་བཅོས་གཤག་ཐབས་སྤྱད་པ་མང་། དུས་ཡུན་ལ་བསླེབས་པའི་ནད་པ་ཉུང་ཤས་ཤིག་ལ་ཕྱོགས་བསྡུས་ཀྱི་སྨན་བཅོས་སྒྲིག་ཆས་དང་ལག་རྩལ་འཛོམས་པའི་ཆ་རྐྱེན་འོག་ནུ་མ་སོར་འཇོག་བྱེད་པའི་གཤག་བཅོས་བྱེད་ཐབས་སྤྱད་པ་རེད།

གཉིས། འོད་འཕྲོའི་བཅོས་ཐབས་དང་ཚ་བའི་ཐབས་ཏེ། རླབས་ཕྲན་ཚ་ཐབས་འོག་ཏུ་སྐྲན་ནད་ཕྲ་ཕུང་དེ་ཚ་ཐབས་བྱས་པ་བརྒྱུད་ནས་གསོད་ཐུབ་པ་རེད།

དང་པོ། གཤག་བཅོས་སྔོན་གྱི་རམ་འདེགས་འོད་འཕྲོའི་བཅོས་ཐབས་ཀྱི་དམིག་ས་ཡུལ་ནི་འོད་འཕྲོའི་བཅོས་ཐབས་བྱས་པ་བརྒྱུད་ནས་སྐྲན་ནད་དང་སྤོ་སྒྱུར་བྱས་པའི་རྨེན་བུའི་སྐྲན་ནད་ཀྱི་ཕྲ་ཕུང་གཏོར་བརླག་དང་ཚོད་འཛིན་བྱས་ནས་གཤག་བཅོས་བྱེད་མི་ཆོག་པའི་དུས་མཇུག་གི་སྐྲན་དེ་གཤག་བཅོས་བྱེད་ཆོག་པར་འགྱུར་དགོས་ལ། ཐ་ན་གཤག་བཅོས་བྱེད་མི་འདོད་པའི་ནད་པར་འོད་འཕྲོའི་བཅོ་ཐབས་དང་ཚ་བའི་བཅོ་ཐབས་སྤྱོད་པ། སྐྲན་ནད་ཀྱི་ཕྲ་ཕུང་དེ་ཚ་བ་དང་འཕྲད་ན་གསོད་ཐུབ།

གཉིས་པ། གཤག་བཅོས་བྱས་རྗེས་ཀྱི་རམ་འདེགས་འོད་འཕྲོའི་བཅོས་ཐབས་ནི། ཉེ་བའི་ལོ་ཤས་ནང་ཕྱི་རྒྱལ་གྱི་མཁས་པས་འོས་འཕྲོའི་བཅོས་ཐབས་ཀྱིས་དུས་ཡུན་གསུམ་པ་ལ་བསླེབས་ཡོད་པའི་ནད་པ་ལ་མི་ཕན་པར་འདོད།

གསུམ་པ། ནད་བབ་དང་བསྟུན་པའི་བཅོས་ཐབས། དུས་མཇུག་གི་ནུ་མའི་གཤེར་རྨེན་སྐྲན་ནད་ལྟ་བུ། དཔེར་ན་གཤག་བཅོས་བྱེད་མི་ཐུབ་པའི་གཉན་ཚད་རང་བཞིན་གྱི་ནུ་མའི་གཤེར་རྨེན་སྐྲན་ནད་ལྟ་བུ། བྲང་ཁོག་དང་ནང་གི་རྨེན་བུའི་སྐྲན་ནད་ཡང་བསྐྱར་འཕར་བ་ཅན། དེ་མིན་རུས་པ་དང་ཀླད་པ། མཆིན་པ། གློ་བ་སོགས་ཀྱི་ནད་ཚང་ཁྱབ་ཡོད་པ་ཅན་ལ་ན་ཟུག་འཇོག་པའི་དམིགས་ཡུལ་ཡིན།

གསུམ། སྨན་རྫས་ལ་བསྟེན་ནས་སྨན་བཅོས་བྱེད་པ།

དང་པོ། གཤག་བཅོས་མ་བྱས་གོང་སྨན་རྫས་ལ་བསྟེན་པའི་རམ་འདེགས་རྫས་འགྱུར་གྱི་བཅོས་ཐབས།

གཉིས་པ། གསང་རྒྱུད་ཟགས་གཤེར་གྱི་བཅོས་ཐབས།

གཙོ་བོ་ཕྱི་ནད་ཚན་ཁག་དང་ནང་ནད་ཚན་ཁག་གི་གསང་རྒྱུད་ཟགས་གཤེར་གྱི་སྨན་བཅོས་འདུས།

དེའི་རྐྱེན་གྱིས་མིག་སྔར་གྱི་ཆུ་ཚད་ལ་བལྟས་ནས་བཤད་ན། ནུ་མའི་གཤེར་རྨེན་སྐྲན་ནད་སྨན་བཅོས་བྱེད་ཚད་ཇེ་མཐོར་གཏོང་བའི་གནད་འགག་ནི་སྔ་མོ་ནས་ཤེས་པ་དང་སྔ་མོ་ནས་སྨན་བཅོས་བྱེད་པ་ཡིན། སྔ་མོ་ནས་ནད་ངོ་ཤེས་པ་དང་ནུ་མའི་གཤེར་རྨེན་སྐྲན་ནད་ཀྱི་འབྲེལ་ཡོད་ཤེས་བྱ་དྲིལ་བསྒྲགས་བྱས་ནས། བུད་མེད་ལ་སློབ་གསོ་བཏང་ནས་རང་ཉིད་ཀྱིས་ནུ་མའི་གཤེར་རྨེན་ལ་ཞིབ་བཤེར་བྱེད་པ་ནི་ཕན་ནུས་ལྡན་པའི་བྱེད་ཐབས་མཆོག་ཏུ་གྱུར་པ་ཞིག་རེད། །

གོང་་གི་ཤེས་བྱ་འདི《མཚོ་སྔོན་ཞིང་ཆེན་བདེ་ཐང་སློབ་གསོ་ཁང》གིས་འདོན་སྤྲོད་བྱས་པ་ཡིན། 

ཡིག་སྒྱུར་བ། འབྲུག་མོ།