གཅིག ལོ་ལྗང་སྔོ་ཚལ་རིགས། ཚོད་སྣག་དང་ལྕ་ཚལ་སོགས་ཀྱི་ཟས་རིགས་ནང་གི་ཟེ་སྐྱུར་ཚྭའི་འདུས་ཚད་མཐོ་བས། ཡང་བསྐྱར་དྲོད་སྣོན་བྱས་ཚེ། ཟེ་སྐྱུར་ཚྭ་ཕལ་བའི་འདུས་ཚད་ཇེ་མཐོར་འགྲོ་བ་ཡིན། ཆེད་མཁས་པས་ཞིབ་འཇུག་ར་སྤྲོད་བྱས་པ་ལྟར་ན། ཡང་དང་བསྐྱར་དུ་དྲོད་སྣོན་བྱས་པའི་ལོ་ལྗང་སྔོ་ཚལ་ཁྲོད་ཀྱི་ཟེ་སྐྱུར་ཚྭ་ཕལ་བའི་འདུས་ཚད་ནི་གཡོས་སྦྱོར་བྱས་མ་ཐག་པའི་སྔོ་ཚལ་ཟས་རིགས་ལས་ལྡབ5ནས8འཕར་ཡོད་པ་དང་། ཡུན་རིང་ལ་དེ་ལྟར་ཟོས་ན། ཕོ་བའི་འབྲས་སྐྲན་སྐྱེད་པའི་ཉེན་ཁ་ཇེ་མཐོར་འགྲོ་སྲིད།

གཉིས། མཚོ་ཟས་རིགས།  འགྲོན་བུ་སོགས་མཚོ་ཟས་ཀྱི་རིགས་ལ་སྤྲི་དཀར་རྫས་མང་པོ་འདུས་པ་དང་། ལས་སྣོན་བྱས་རྗེས་ཞག་གཅིག་ལ་བཞག་ནས་ཟོས་ན་མཆིན་པའི་བྱེད་ནུས་ལ་གནོད་སྐྱོན་བཟོ་སྲིད། ནད་ཐོག་ནད་དཔེ་ལས་མངོན་པ་ལྟར་ན། ཞག་གཅིག་ལ་བཞག་པའི་མཚོ་ཟས་ཟོས་ན་མྱུར་གཤིས་ཕོ་རྒྱུའི་གཉན་ཚད་སྐྱེད་སྲིད་པ་དང་། ནད་པའི་ལུས་ནང་གི་ཚོ་ཨེན་ཚད་ལས་བརྒལ་ཚད82%ལ་ཐོན་པ་རེད།

གསུམ། ཤ་མོའི་རིགས། ཤ་མོའི་རིགས་ཀྱི་བཟའ་བཅའི་ནང་དུ་ཟེ་སྐྱུར་ཚྭ་ཅུང་མང་པོ་འདུས་པས། ཡང་བསྐྱར་དྲོད་སྣོན་བྱས་ན་ཟེ་ཨེན་ཕལ་བ་མང་པོ་བསྐྱེད་སླ་བ་ཡིན།

བཞི། ཞོག་ཁོག་རིགས། ཡང་བསྐྱར་དྲོད་སྣོན་བྱས་རྗེས། ཞོག་ཁོག་ཁྲོད་ཀྱི་འུ་ལུ་རྒྱུའི་འདུས་ཚད་ཇེ་མཐོར་འགྲོ་བས་དུག་ཕོག་སྲིད། གཞི་གྲངས་ཤིག་ལས་མངོན་པ་ལྟར་ན། ཞོག་ཁོག་ཟོས་ཏེ་དུག་ཕོག་པའི་ནད་དཔེའི་ཁྲོད70%ནི་ཞག་གཅིག་ལ་བསྐྱུར་བའི་ཞོག་ཁོག་དང་འབྲེལ་བ་ཡོད་ཅིང་། རྒྱུན་མཐོང་གི་ནད་རྟགས་ལ་སྐྱུག་པ་དང་བཤལ་བ་སོགས་ཡོད།

ལྔ།  འོ་མའི་རིགས། འོ་མ་ཡང་དང་བསྐྱར་དུ་དྲོད་སྣོན་བྱས་ན། དེའི་ནང་གི་འཚོ་རྒྱུBཡི་རིགས་ལ་གཏོར་སྐྱོན་ཐེབས་ཏེ། འཇུ་དཀའ་བར་གྱུར་ནས་འཚོ་བཅུད་རིན་ཐང་མར་ཆག་པ་ཡིན།

གོང་བརྗོད་ཀྱི་ཟས་རིགས་འདི་དག་རབ་ཡིན་ན། ཚོས་མ་ཐག་ཟོས་ན་བཟང་བ་དང་། ཟས་ལྷག་བྱུང་ཚེ་འཁྱགས་སྒམ་ནང་དུ་བཞག་ནས་གྲང་བཟོ་བྱས་རྗེས་ཡུན་རིང་མ་འགོར་བར་བཟའ་དགོས། ལོ་ལོན་དང་བྱིས་པ་སོགས་དམིགས་བསལ་མི་ཚོགས་ཀྱིས་ཡང་བསྐྱར་དྲོད་སྣོན་བྱས་པའི་ཟ་མ་བཟའ་བར་འཛེམ་རྒྱུ་གལ་ཆེ།

རྩོམ་སྒྲིག་པ།  ལྷ་མོ་ཚེ་རིང་།