ཉེ་ལམ། མཚོ་སྔོན་པོ་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དོ་དམ་ཅུའུ་ཡིས། ལོ་རེའི་ཟླ་བཅུ་བར་མཚོ་སྔོན་པོའི་མཐའ་འཁོར་གྱི་འབྲོག་དམངས་དགུན་སར་གནས་སྤར་རྗེས་ཀྱི་ཁོམ་སྐབས་བེད་སྤྱད་དེ། “རི་སྐྱེས་སྲོག་ཆགས་སྲུང་སྐྱོབ་ཀྱི་དྲིག་སྒྲོག་ཟླ་བའི”བྱ་འགུལ་དང་ཟུང་སྦྲེལ་སྒོས། བྱ་གླིང་ས་ཁུལ་དུ་ཚན་རྩལ་ཁྱབ་གདལ་གྱི་དྲིལ་བསྒྲགས་སློབ་གསོའི་བྱ་འགུལ་སྤེལ། བྱ་འགུལ་སྐབས་སུ། དགོན་པའི་གྲྭ་ཚང་དང་མཐའ་འཁོར་གྱི་འབྲོག་དམངས་ལ་ཡུལ་དངོས་ནས་རི་སྐྱེས་སྲོག་ཆགས་སྲུང་སྐྱོབ་ཀྱི་འབྲེལ་ཡོད་བཅའ་ཁྲིམས་དང་ཤེས་བྱ་སྒྲོག་འགྲེལ་བྱས་པ་དང་། དེ་མིན་བོད་རྒྱ་ཡིག་རིགས་གཉིས་ལྡན་གྱི་སྐྱེ་ཁམས་སྲུང་སྐྱོབ་ཚན་རྩལ་ཁྱབ་གདལ་གྱི་དཔྱད་གཞི་དང་བཅའ་ཁྲིམས་ཀློག་དེབ་བསྡོམས་པས་ལྔ་བརྒྱ་ལྷག་རྒྱུད་སྤྲོད་བྱས་ཏེ། སྡེ་ཁུལ་གྱི་མང་ཚོགས་ཀྱིས་མཚོ་སྔོན་པོའི་སྐྱེ་ཁམས་གོ་གནས་ཀྱི་གལ་ཆེན་རང་བཞིན་ལ་ངོས་ཟིན་དང་། སྐྱེ་ཁམས་སྲུང་སྐྱོབ་དང་རི་སྐྱེས་སྲོག་ཆགས་དང་སྐྱེ་དངོས་སྲུང་སྐྱོབ་ཀྱི་འདུ་ཤེས་མཐོ་རུ་བཏང་།