ཉེ་བའི་ལོ་ཤས་རིང་། མདོ་ལ་རྫོང་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྨོ་ཞིང་སྲུང་སྐྱོབ་ལས་དོན་སྐོར་གྱི་མཆན་བཀོད་མཛུབ་སྟོན་གལ་ཆེན་རབ་དང་རིམ་པའི་དགོངས་དོན་ལག་བསྟར་ཟབ་མོ་བྱེད་བཞིན། ཞིང་ཆེན་ཡོངས་ཀྱི་ཞིང་སྡེའི་ཁང་སའི་ལམ་ལུགས་བཅོས་སྒྱུར་ཚོད་ལྟའི་ལས་དོན་བཀོད་སྒྲིག་ཚོགས་འདུའི་དགོངས་དོན་དོན་འཁྱོལ་ནན་ཏན་བྱས་ཏེ། ཞིང་སྡེའི་ཁང་སའི་ཚོད་ལྟའི་ལས་དོན་ཁག་གཉིས་སྤེལ་བའི་གལ་ཆེའི་རང་བཞིན་དང་མྱུར་མཁོའི་རང་བཞིན་ལ་ངོས་འཛིན་གང་ལེགས་བྱས་པ་དང་། ཆབ་སྲིད་ཀྱི་ལངས་གནས་སྔར་བས་མཐོ་རུ་བཏང་ཞིང་། ཚོད་ལྟའི་ལས་དོན་གཉིས“ཇི་ལྟར་བསྒྱུར་བ”དང“ཇི་ལྟར་སྐྱོང་བ”དམིགས་འབེན་དུ་བཟུང་ནས། འཆར་གཞི་ཞིབ་ཚགས་བཟོས་པ་དང་སྒྲིག་འཛུགས་ལག་བསྟར་ནན་མོ་སྒོས་ཞིང་སྡེའི་ཁང་སའི་ཚོད་ལྟའི་ལས་དོན་ཁག་གཉིས་ལ་སྐུལ་འདེད་བཏང་།

མཐོ་ས་ནས“རྨང་གཞི་བརྟན་གཏོང”བྱས་ཏེ་ཚོད་ལྟའི་ཕན་འབྲས་ཧུར་ཐག་གིས་ཆེ་རུ་བཏང་ཡོད། ཞིང་སྡེའི་ཁང་སའི་ཚོད་ལྟའི་ལས་དོན་དེ“གཙོ་འགན་འཁུར་མཁན”གྱི་ལས་གཞིར་བརྩིས་ཤིང་། རྫོང་ཨུའི་ཧྲུའུ་ཅི་དང་རྫོང་དཔོན་གཉིས་ཚན་གཙོ་དང་། འགན་ནུས་སྡེ་ཚན་ཁག་དང་ཡུལ་ཚོ་དང་གྲོང་རྡལ་གྱི་འགན་འཁུར་བ་གཙོ་བོ་དག་ཁོངས་མི་བྱས་པའི་ཞིང་སྡེའི་ཁང་སའི་ཚོད་ལྟའི་ལས་དོན་ཁག་གཉིས་ཀྱི་མགོ་ཁྲིད་ཚན་ཆུང་བཙུགས་ཏེ། “སྡེ་ཚན་གྱིས་ཡུལ་ཚོར་སྦྲེལ་བ་དང་། ཡུལ་ཚོའི་ལས་བྱེད་པ་སྡེ་བར་སྡོད་པ། སྡེ་བའི་ལས་བྱེད་པས་ཡུལ་ཁུལ་སྦྲེལ་བའི”འགན་གཙང་ལམ་སྲོལ་ལག་བསྟར་བྱས་པ་དང་། རིམ་པ་བཞིན་ལས་ཀའི་འགན་འཁྲི་ཇེ་བརྟན་དུ་བཏང་། སྲིད་ཇུས་ཀྱི་འདེགས་སྐྱོར་མ་ལག་འཐུས་ཚང་དུ་བཏང་སྟེ།《མདོ་ལ་རྫོང་གི་ཞིང་སྡེའི་ཁང་ས་བགོ་བཤའི་ཐོབ་ཐང་ངོས་འཛིན་བྱེད་པའི་གནས་སྐབས་ཀྱི་བྱེད་ཐབས（ཚོད་བསྟར）》སོགས་ཁང་སའི་ལམ་ལུགས་བཅོས་སྒྱུར་དང་དོ་དམ་བྱེད་ཐབས་ཁག8པར་འགྲེམས་བྱས་པ་དང་། ཁང་སའི་ལམ་ལུགས་བཅོས་སྒྱུར་གྱི“དཀྱོག་འཁོར”བརྟན་པོར་བཟུང་། ཡུལ་ཚོ་དང་གྲོང་རྡལ7དང་། སྲིད་འཛིན་སྡེ་བ45ཡི་ཞིང་སྡེའི་ཁང་སའི་རྨང་གཞིའི་ཆ་འཕྲིན8497གྱི་བརྟག་དཔྱད་ལས་དོན་ལེགས་སྒྲུབ་བྱས་ནས་ཞིང་སྡེའི་ཁང་སའི་གནས་བབ་ཁྱོན་ཡོངས་ནས་ཁོང་དུ་ཆུད་པར་བྱས་ཡོད།

ཕན་འབྲས་མངོན་གསལ་ཐོན་པའི“ཚད་ལྡན་དམ་འཛིན”བྱས་ནས་དབང་ཆ་གཏན་འཁེལ་གྱིས་ལག་ཁྱེར་སྤྲོད་པར་སྐུལ་འདེད་ཏན་ཏིག་བཏང་བ། ཁང་སར་ཞིབ་མཆན་འགོད་པའི་ལས་དོན་ལེགས་པོར་སྒྲུབ་པ་དང་། ཡུལ་ཚོ་དང་གྲོང་རྡལ་ཁག་ཏུ་ཁང་སར་ཞིབ་མཆན་འགོད་པའི་སྒེའུ་ཁུང་བཙུགས་ཤིང་། ཞིབ་མཆན་འགོད་མཁན་གཏན་འཁེལ་བྱས་ལ། རེས་སྐོར་གསར་བའི་ཁང་སར་ཞིབ་མཆན་འགོད་པའི་གོ་རིམ་ཁ་གསལ་བཟོ་བ་བཅས་བྱས་ཏེ།    མིག་སྔའི་བར། ཁང་ས60ལ་ཞིབ་མཆན་བཀོད་ཟིན་པ་དང“སྡོད་ཁང་གཞི་གཅིག་ཅན”གྱི་ལག་ཁྱེར3406པར་བཏབ་ནས་རོང་འབྲོག་མང་ཚོགས་ཀྱི་ཁྲིམས་མཐུན་ཁེ་དབང་ལ་འགན་ལེན་ཏན་ཏིག་བྱས་ཡོད། “ཞིང་ཕྱུགས་ཟུང་འབྲེལ”གྱི་ཚོད་ལྟ་བྱེད་སའི“དབང་གསུམ་ལོགས་དབྱེའི”ཐབས་ལམ་གསར་བ་འཚོལ་ཞིབ་བྱས་ནས་བཅོས་སྒྱུར་གྱི་ལམ་བུ་གསར་བ་བཏོད་པ་དང་། ལོ་རྒྱུས་ཀྱི་ཤུལ་བཞག་གནད་དོན་ནུས་ལྡན་ངང་ཐག་གཅོད་བྱས། གང་སྒྲིག་ཅི་སྒྲིག་གི་རྩ་དོན་ལྟར་སྡེ་བ་རིམ་པའི་འཆར་འགོད་ལས་དོན་ཏན་ཏིག་ངང་སྒྲུབ་ཅིང་། མིག་སྔའི་བར། སྲིད་འཛིན་སྡེ་བ20ཡི་སྡེ་སྲོལ་བཟོས་ཟིན་ལ་སྲིད་འཛིན་སྡེ་བ11གི་སྡེ་སྲོལ་བཟོ་བཞིན་ཡོད།

ལམ་སྲོལ་འཐུས་ཚང་དང“ལྟ་སྐུལ་དོ་དམ་ལ་ཤུགས་བསྣན་ནས”གནད་དོན་དག་ཐེར་ཡོ་བསྲང་བྱེད་པར་སྐུལ་འདེད་ཏན་ཏིག་བཏང་བ། 《ཞིང་སྡེའི་ཁང་སའི་དྲ་མིག་ཅན་གྱི་དོ་དམ་ལམ་སྲོལ་འཛུགས་རྒྱུའི་སྐོར་གྱི་བརྡ་ཐོ》པར་འགྲེམས་བྱས་ནས། ཞིང་སྡེའི་ཁང་སའི་དྲ་མིག་ཅན་གྱི་དོ་དམ་ལམ་སྲོལ་བཙུགས་པ་དང་། སྲིད་འཛིན་སྡེ་བ45སོ་སོར་སྡེ་བ་རིམ་པའི་གཞོགས་འདེགས་དོ་དམ་པ་དང་དྲ་མིག་ཅན་གྱི་དོ་དམ་པ་གཅིག་རེ་གཏན་འཁེལ་བྱས་ཤིང་། ཟླ་གཉིས་རེར་བཀོད་གཏོང་སྐོར་ཞིབ་ཐེངས་རེ་བྱས་ཏེ་ཁྲིམས་འགལ་སྒྲིག་འགལ་ངང་སྡོད་ཁང་ལས་པའི་སྐོར་ཞིབ་ལས་དོན་དོན་ཐོག་ཏུ་འཁྱོལ་བར་འགན་ལེན་བྱས། རིས་ཁྲར་ཞིབ་བཤེར་བྱེད་པའི་ལས་དོན་ལ་སྐུལ་འདེད་ཏན་ཏིག་བཏང་ཞིང་། མདོ་ལ་རྫོང་དང་འབྲེལ་བའི་ཁྲིམས་འགལ་རིས་ཁྲ་ཁྱོན་བསྡོམས110ཡོད་ལ། མིག་སྔར་རིས་ཁྲའི་ནང་ཚུན་དང་ཕྱི་ལས་ལ་ཁ་གསབ་བརྟག་དཔྱད་དང་དཔང་རྟགས་འདོན་པའི་ལས་དོན་ལེགས་སྒྲུབ་བྱས་ཤིང་། རྫོང་དང་ཡུལ་ཚོ་རིམ་པ་གཉིས་ཀྱི་ཞིབ་བཤེར་གཏན་འབེབས་བྱས་པ་དང་འབྲེལ་ཞིང་ཆེན་རིམ་པའི་ལས་སྟེགས་སུ་བསྐྱལ་ཡོད།

                                                             རྩོམ་སྒྲིག་པ།  གཡང་འབུམ་རྒྱལ།