མ་རོང་སྡེ་བའི་སྒོ་རྩིས་ཚོང་ཁང་དུ་ཚོང་རྒྱག་བཞིན་པའི་མགྲོན་པོ།

དབྱར་དུས་ཀྱི་ཡུས་ཧྲུའུ་བོད་རིགས་རང་སྐྱོང་ཁུལ་གྱི་ནམ་མཁའ་སྔོ་ཞིང་སྤྲིན་དཀར་དལ་བུར་རྒྱུ།   རྒྱང་རིང་གི་རི་ངོས་དག་ཏུ་ལྫང་མདོག་གི་རྣམ་པས་རིམ་གྱིས་ཁེངས་ཤིང་བག་ཕེབས་རྒྱུ་བའི་རྟ་ནོར་ལུག་གསུམ་སོགས་མཛེས་སྡུག་ལྡན་པའི་རང་བྱུང་གི་རི་མོ་ཞིག་ཏུ་ལྷུན་གྱིས་གྲུབ་འདུག     

ཉེ་ལམ།     གསར་འགོད་པ་རྒྱལ་ལམG345ཡི་འགྲམ་དུ་ཆགས་པའི་ཡུས་ཧྲུའུ་གྲོང་ཁྱེར་རགས་ཤུལ་སྟོད་མ་ཡུལ་ཚོ་མ་རོང་སྡེ་བར་ཐོན་པ་ན།      བོད་ལུགས་ཀྱི་ཁྱད་ཆོས་ལྡན་པའི་ཁང་པ་རེ་རེ་གྲལ་ལྟར་བསྒྲིགས་ཡོད་པ་དང་། གཞུང་ལམ་འགྲམ་རྒྱུད་དུ་པང་ལེབ་ཀྱིས་བསྐྲུན་པའི་སྟབས་བདེའི་ཕྱོགས་བསྡུས་སྒོ་རྩིས་ཚོང་ཁང་དེ་ནི་སྡེ་མི་རྣམས་དང་ལམ་འགྲོ་བ་དག་གིས་དངོས་རྫས་ཉོ་ས་ཞིག་རེད། ཞོར་ཟས་དང་སྐོམ་ཆུ། སྒོ་ང་དང་སྔོ་ཚལ། ཞྭ་མོ། གྱོན་ཆས། ཐབ་ཆས་སོགས་རྒྱུན་ལྡན་གྱི་འཚོ་བའི་མཁོ་ཆས་སྣ་ཚོགས་ཤིག་གནས་དེར་ཉོ་ཐུབ།    

 གསར་འགོད་པས་སྒོ་རྩིས་ཚོང་ཁང་གི་ཟོག་སྒྲོམ་སྟེང་གི་ཤོག་བྱང་ལ་བལྟས་ནས་ལས་བྱེད་མི་སྣ་དང་ཚོང་རྫས་ཀྱི་རིན་གོང་སྐོར་ནས་ཁ་བརྡ་བྱས།     སྡེ་མི་བསོད་ནམས་དར་རྒྱས་ནི་སྒོ་རྩིས་ཚོང་ཁང་གི་འགན་འཁུར་བ་ཡིན་ཞིང་།   ཁོས་སྒོ་རྩིས་ཚོང་ཁང་དེའི་དངོས་པོ་ཚང་མའི་རིན་གོང་ཧ་ཅང་དམའ་མོ་ཡིན་ཟེར།      སྔོན་ཆད་སྡེ་བའི་ནང་སྒོ་རྩིས་ཚོང་ཁང་མེད་པས་དངོས་པོ་ཉོ་བར་གྲོང་ཁྱེར་དུ་འགྲོ་དགོས་ཤིང་། ཉེ་འགྲམ་གྱི་སྡེ་བའི་ཚོང་ཁང་དག་གི་དངོས་རྫས་ཀྱི་རིན་གོང་ཅུང་མཐོ། 2017ལོར།    སྡེ་བའི་ནང་དུ་སྒོ་རྩིས་ཚོང་ཁང་འདི་ཕྱེས་པ་དང་ང་ཚོ་རང་ཉིད་ཀྱིས་གཉེར་སྐྱོང་བྱེད་དོན་ཡང་སྡེ་མི་རྣམས་ལ་སྟབས་བདེ་བསྐྲུན་ནས་རིན་གོང་ཧ་ཅང་དྲང་གཞག་ཡོང་བའི་ཆེད་དུ་ཡིན་ཟེར།

མ་རོང་སྡེ་བའི་སྡེ་སྡོད་ཧྲུའུ་ཅི་དང་པོ་ཚེ་རིང་དོན་གྲུབ་ཀྱིས་སྒོ་རྩིས་ཚོང་ཁང་འདི་ནི་སྡེ་བའི་ཐུན་མོང་དཔལ་འབྱོར་ཡིན་པ་དང་།  2017ལོར་ཞིང་ཆེན་རིམ་པའི་ནོར་སྲིད་ཀྱི་ཆེད་སྤྱོད་མ་དངུལ་སྒོར་མོ་ས་ཡ་གཅིག་དང་འབུམ་ལྔ་ཁྲི་དྲུག་སྟོང་བརྒྱད་བཏང་ནས་གསར་འཛུགས་བྱས་པ་ཡིན་ལ་རྒྱ་ཁྱོན་ལ་རྨིད་གྲུ་བཞི་མ་སུམ་བརྒྱ་ཡོད།  སྐབས་དེར་སྡེ་མིས་འཚོ་བའི་མཁོ་ཆས་ཉོ་རྒྱུར་སྟབས་བདེ་ཡོང་ཆེད།    སྒོ་རྩིས་ཚོང་ཁང་གི་ཚོང་རྫས་རིན་གོང་ཁྲོམ་རའི་རིན་གོང་ལས་དམའ་བ་དང་། དུས་མཚུངས་སུ་སྒོ་རྩིས་ཚོང་ཁང་གིས་ད་དུང་དབུལ་ཐར་ཁྱིམ་ཚང་ལ་ལས་ཞུགས་ལས་གནས་བཞི་ཐག་གཅོད་བྱས། ཁོ་ཚོ་ལོ་རེར་ཐེངས་རེར་བརྗེས་ནས་ལས་ཞུགས་བྱེད་བཞིན་ཡོད་པ་དང་།  དེ་ལྟར་བྱས་ན་མི་རེའི་ལོ་རེའི་ཡོང་འབབ་སྒོར་མོ་ཁྲི་གཉིས་དང་སྟོང་ལྔ་ཙམ་ཡིན།     སྒོ་རྩིས་ཚོང་ཁང་ལ་ལོ་རེར་ཡོང་འབབ་སྒོར་འབུམ་གཉིས་དང་ཁྲི་བརྒྱད་ཡས་མས་ཡོད་པས། སྡེ་མི་རྣམས་ལ་སྟབས་བདེ་བཟོས་ཡོད་པར་མ་ཟད་ལམ་འདི་བརྒྱུད་ནས་རླངས་འཁོར་བསྐོར་ནས་འགྲོ་མཁན་དག་ལའང་སྟབས་བདེ་གང་ལེགས་བསྐྲུན་ཡོད་ཟེར།   

མ་རོང་སྡེ་བ་དང་ཡུས་ཧྲུའུ་གྲོང་ཁྱེར་གྱི་བར་ལ་ལམ་ཐག་སྤྱི་ལེ105ཡོད་པ་དང་། གནས་དེའི་ཆ་སྙོམས་མཚོ་འཕང་རྨིད4309ཡིན་པ་དང་།     སྡེ་བ་དེ་ནི་ཕྱུགས་ལས་རྐྱང་རྐྱང་གཉེར་བའི་སྡེ་བ་ཞིག་ཡིན་པས་སྡེ་མི་རྣམས་ཀྱི་ཡོང་འབབ་དེ་ཡང་སྣ་གཅིག་རྐྱང་ཅན་དུ་གྱུར་ཡོད།     སྡེ་བའི་ཏང་ཀྲི་པུའུ་ཧྲུའུ་ཅི་བཀྲ་ཤིས་ནོར་བུ་ཡིས་མཚམས་སྦྱོར་བྱས་པ་ལྟར་ན། སྡེ་བའི་ཐུན་མོང་དཔལ་འབྱོར་སྟོབས་ཆེར་གཏོང་ཆེད། 2018ལོར་སྡེ་བའི་ནང་སྐྱེ་ཁམས་ཕྱུགས་ལས་མཉམ་ལས་ཁང་བཙུགས་པ་དང་ནོར་གནག362ཡོད་ལ་ད་ལྟ་ལོ་རེར་གཏན་འཇགས་ཡོང་འབབ་སྒོར་མོ་འབུམ་གཅིག་དང་ཁྲི་བརྒྱད་ཡོད། ང་ཚོས་ཀྱང་ཐོན་ལས་འཕེལ་རྒྱས་ཀྱི་གལ་ཆེའི་རང་བཞིན་ངོས་འཛིན་བྱུང་རྗེས།   བོ་རོགས་སྡེ་བའི་སྐྱེ་ལྡན་གཟན་རྩྭའི་ལས་སྣོན་རྟེན་གཞིར་མ་རྐང་བཞག་པ་དང་། དུས་མཚུངས་སུ་ཡུས་ཧྲུའུ་གྲོང་ཁྱེར་ནས་ཚོང་ཁང་གཉེར་པས2023ལོར་སྡེ་བའི་ཐུན་མོང་དཔལ་འབྱོར་གྱི་ཡོང་འབབ་སྒོར་མོ་འབུམ་དྲུག་དང་ཁྲི་གསུམ་སྟོང་བཞི་རུ་སླེབས་ཟེར།   

དབུལ་ཐར་མཁྲེགས་གཏོར་གྱི་གྲུབ་འབྲས་སྲ་བརྟན་དང་རྒྱ་སྐྱེད་གཏོང་བ་དང་།   གྲོང་གསེབ་དར་སྤེལ་དང་སྦྲེལ་མཐུད་ནུས་ལྡན་བྱེད་པའི་བྱ་བ་གཏིང་ཟབ་ཏུ་སྤེལ་བ་དང་བསྟུན་ནས། སྡེ་མིས་ཐོན་ལས་འཕེལ་རྒྱས་ཀྱི་གལ་ཆེའི་རང་བཞིན་རིམ་བཞིན་ངོས་ཟིན་བྱུང་ཡོད། ཚེ་རིང་དོན་གྲུབ་ཀྱིས་བཤད་རྒྱུར།   ང་ཚོས་ད་ལོར་སྡེ་མིའི་ཚོགས་ཆེན་ཐེངས་གསུམ་ཚོགས་ནས་ཚང་མར་ཐོན་ལས་དར་སྤེལ་གཏོང་བ་དང་དེ་མིན་འབྲེལ་ཡོད་སྲིད་ཇུས་སྐོར་བཤད་ཡོད། ཚང་མས་ཀྱང་མི་སྒེར་གྱི་སྟོབས་ཤུགས་ཞན་པ་རིམ་བཞིན་ངོས་ཟིན་བྱུང་ནས་སྡེ་མིའི་ཁྱིམ་ཚང་བཅུ་ལྷག་གིས་ང་ཚོར་ཁྱིམ་ཚང་ཕྱུགས་རའི་མཉམ་ལས་ཁང་འཛུགས་རྒྱུའི་བསམ་ཚུལ་བཏོན། ང་ཚོས་མི་གྲངས་བསྡོམས་རྩིས་བྱེད་བཞིན་ཡོད་པས་ཚང་མར་ཞབས་ཞུ་ཡག་པོ་སྒྲུབ་དགོས།     རང་ཉིད་ཀྱིས་ཀྱང་སྡེ་སྡོད་ཧྲུའུ་ཅི་དང་པོའི་ནུས་པ་འདོན་སྤེལ་ཡག་པོ་བྱས་ཏེ། སྡེ་བའི“ཨུ་ཡོན་ལྷན་ཁང་གཉིས”ཀྱི་ཚན་ཁག་དང་མཉམ་དུ་སྡེ་བའི་ཐུན་མོང་ཐོན་ལས་འཕེལ་རྒྱས་ཀྱི་ཐབས་ཤེས་འཚོལ་དགོས་ཟེར།

ང་ཚོའི་སྡེ་བ་ལམ་འགྲམ་དུ་ཡོད་པ་དང་ཉེ་འགྲམ་དུ་སྣུམ་སྣོན་ས་ཚིགས་ཤིག་ཡོད་པ་དང་།    འགྲོ་འོང་བྱེད་མཁན་རླངས་འཁོར་ཧ་ཅང་མང་ལ་མཚོ་བོད་དབུས་རྒྱུད་ཀྱི་སྒེར་འཁོར་རླངས་འཁོར་བསྐོར་ནས་ཡུལ་སྐོར་བྱེད་དུ་འགྲོ་ས་ཡིན་པས། ང་ཚོས་ཤར་ནུབ་ཕྱོགས་ལ་སྦྲེལ་མཐུད་ཡག་པོ་བྱས་ཏེ་སྒོར་འབུམ་བདུན་བརྩོན་ལེན་བྱས་པ་དང་།   ཁྱད་སྟོབས་དེ་འདོན་སྤེལ་བྱས་ནས་མ་རོང་སྡེ་བའི་ཕྱོགས་བསྡུས་ཐོན་ལས་ཁུལ་ཞིག་གསར་སྐྲུན་བྱས་ཏེ། སྒོ་རྩིས་ཚོང་ཁང་གི་གཞི་ཁྱོན་ཆེ་རུ་གཏོང་དགོས་པ་མ་ཟད། ད་དུང་བཟའ་བཏུང་ཞག་སྡོད་དང་ཞིང་ཕྱུགས་ཐོན་རྫས་འཁྱག་སྦྲེལ་བརྒྱུད་སྤྲོད་ས་ཚིགས་ཀྱང་བཙུགས་ནས། སྡེ་བའི་ཐུན་མོང་དཔལ་འབྱོར་གྱི་གཞི་ཁྱོན་རིམ་བཞིན་ཆེ་རུ་གཏོང་དགོས་ཞེས་ཚེ་རིང་དོན་གྲུབ་ཀྱིས་ཕྱོགས་བསྡུས་སྒོ་རྩིས་ཚོང་ཁང་གི་ཁ་གཏད་ཀྱི་འཛུགས་སྐྲུན་བྱ་ཡུལ་བསྟན་ནས་ཡིད་ཆེས་ཆེན་པོས་མ་རོང་སྡེ་བའི་མ་འོངས་པའི་འཕེལ་རྒྱས་སྐོར་ནས་དེ་ལྟར་བཤད།    

མཚོ་ཤར་གྲོང་ཁྱེར་མིན་ཧི་ཧོས་རིགས་ཧོར་རིགས་རང་སྐྱོང་རྫོང་ནས་ཡོང་བའི་ལས་བཟོ་པ་ཨན་ཧའེ་དབྱིན་དང་ལས་གྲོགས་ཚོས་ལས་ཀར་དམ་འཛིན་བྱེད་བཞིན་ཡོད།    ང་རང་འདི་གར་ལས་ཀར་ཡོང་ནས་ཉིན20ལྷག་ཙམ་འགོར་བ་དང་། ད་ལྟའི་བར་ཡོམ་འགོག་ཀ་བ21བཙུགས་ཟིན་པ་དང་། གོ་རིམ་རྗེས་མར་རྨང་འདིང་གདུང་མ་བཏིང་ཚར་དུ་འཇུག་རྒྱུ་ཡིན།    སྡེ་བའི་ཧྲུའུ་ཅི་ཉིན་རེར་ལས་ཀར་ལྟ་སྐུལ་བྱེད་དུ་ཡོང་བཞིན་ཡོད། ཉེ་ལམ་ང་ཚོས་ཀྱང་གནམ་གཤིས་ཡག་པོ་དང་བསྟུན་ནས་ལས་ཀའི་དུས་ཚོད་དམ་འཛིན་བྱེད་བཞིན་ཡོད།   སྔོན་དཔག་བྱས་ན་ཟླ་བརྒྱད་པའི་ཟླ་དཀྱིལ་དུ་ལས་ཀ་ཡོངས་འགྲུབ་བྱེད་ཐུབ་ཅེས་ཟེར།     ད་ལྟ་ལས་བཞིན་པའི་མ་རོང་སྡེ་བའི་ཕྱོགས་བསྡུས་ཐོན་ལས་ཁུལ་དུ་རྨིད་གྲུ་བཞི་མ་སུམ་བརྒྱ་ཡོད། ཚེ་རིང་དོན་གྲུབ་ཀྱིས་བཤད་རྒྱུར། ང་ཚོས་ཕྱོགས་གཅིག་ནས་ལས་ཀ་དམ་འཛིན་བྱེད་བཞིན་ཡོད་པ་དང་། ཕྱོགས་གཞན་ཞིག་ནས་ཟས་རིགས་ཞག་སྡོད་དང་ཞིང་ཕྱུགས་ཐོན་རྫས་འཁྱག་སྦྲེལ་ས་ཚིགས་ཀྱི་འབྲེལ་ཡོད་རྒྱུ་ཆ་དང་སྒྲིག་ཆས་ཀྱི་བྱ་བར་དམ་འཛིན་བྱས་ཏེ། ཟླ་དགུ་བའི་ཟླ་འགོར་དངོས་སུ་སྒོ་འབྱེད་ཐུབ་པར་འབད་བརྩོན་བྱེད་བཞིན་ཡོད།

སྒོ་རྩིས་ཚོང་ཁང་དུ་མི་མེད་པའི་དུས་དང་བསྟུན་ནས་བསོད་ནམས་དར་རྒྱས་ལས་ཡུལ་གྱི་གནས་ཚུལ་ལ་ལྟ་རུ་ཡོང་། ཁོས་མིག་སྔའི་སྒོ་རྩིས་ཚོང་ཁང་ནི་པང་ལེབ་ཁང་བ་ཡིན་པ་དང་ད་ལྟ་ལས་བཞིན་པ་དེ་ནི་སོ་ཕག་བསྲེས་མའི་སྒྲིག་གཞི་ཡིན། གོ་ཐོས་སུ་ད་དུང་རླངས་འཁོར་འཇོག་ས་ཡོད་པས་རྗེས་ཕྱོགས་ད་དུང་ཐོག་སོ་གཉིས་དང་གསུམ་ལས་དགོས་པས། སྡེ་མི་ཚང་མས་དགའ་བསུ་བྱེད་ཀྱིན་ཡོད་ལ། རྗེས་ཕྱོགས་ངས་ད་དུང་སྒོ་རྩིས་ཚོང་ཁང་འདིར་བྱ་བ་སྒྲུབ་པའི་ལས་ཀ་བརྩོན་ལེན་བྱེད་དགོས་པས། འདང་རྒྱབ་ན་ཧ་ཅང་སྐྱིད་པོ་ཞིག་རེད་ཟེར།

གཡང་འབུམ་རྒྱལ་དང་ཤ་བོ་རིན་མཚོས་བསྒྱུར།