རང་རེའི་ལས་ཁུངས་ཀྱི་གསར་འགོད་པ་ཚེ་མ་རྒྱལ་ནས་བཀོད་པའི་གསར་འགྱུར།
ཉིན་གཉིས་ཀྱི་ཛ་དྲག་གི་འགྲན་སྡུར་བརྒྱུད། མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་རླུང་འཕྲིན་དང་མཚོ་སྔོན་ཞིང་ཆེན་མི་རིགས་སྐད་གློག་བརྙན་འཕྲིན་བསྒྱུར་སྐྲུན་ལྟེ་གནས་གཉིས་ཀྱིས་མཉམ་འབྲེལ་སྒོས་བསྒྲུབས་པའི«སྡེ་ཆེན་རྩེད་ར»རྟགས་མའི་བོད་ཀྱི་ལ་གཞས་འགྲན་སྡུར་སྐབས་དྲུག་པའི་ཐོག་མའི་འགྲན་སྡུར་ལས་མཚོ་ལྷོ་འགྲན་ཁུལ་གྱི་འགྲན་སྡུར་ཚེས་ཉེར་བརྒྱད་ཉིན་གྱི་ཕྱི་དྲོའི་དུས་ཚོད་བདུན་སྟེང་ཡོངས་སུ་མཇུག་སྒྲིལ་བ་དང་། དཔྱད་འདེམས་པ་དག་གིས་དྲང་བདེན་དང་དྲང་བཞག འདྲ་མཉམ་བཅས་ཀྱི་རྩ་དོན་གཞིར་བཟུང་ནས། གླུ་བ་གླུ་མ་དག་གི་སྐད་ངག་དང་། ཚིག་འབྲུ་གསལ་མིན། གཞས་ལན་ཁེལ་མིན། ཉམས་འགྱུར་ལྡན་མིན་སོགས་ལ་གཞིགས་ཏེ་འགྲན་ཞུགས་པ་བཅུ་དྲུག་གི་ཁྲོད་ནས་གླུ་བ་བཀྲ་ཤིས་དོན་གྲུབ་དང་། གསང་འགྲུབ་ཡག ཨོ་རྒྱན་རྒྱལ། སྐལ་བཟང་དོན་གྲུབ། རྟ་མགྲིན་ཚེ་བརྟན་དང་། གླུ་མ་སྒྲོལ་མ་རྒྱལ། སངས་རྒྱས་སྐྱིད། འཕགས་མཚོ་སྐྱིད། ཆོས་མཚོ་རྒྱལ། རྡོ་རྗེ་སྐལ་བཟང་བཅས་གླུ་བ་གླུ་མ་བཅུ་བསྐྱར་འགྲན་ཐོག་མའི་འགྲན་སྡུར་དུ་བདམས།
རོགས་མེད་ན་མི་སྡུག་ཡོད་ན་སྡུག རོགས་ཡོད་ཀྱང་ཁ་ཐག་རིང་ན་སྡུག རོགས་ཐུགས་འཕྲད་མེད་ན་ལྷག་ཏུ་སྡུག
ཁྱོད་ཡ་ཆུང་གངས་དཀར་སེམས་ལ། ངས་མི་བརྗེད་ཚིག་གསུམ་བཤད་ཡོད།
ནང་ན་ཟླ་འདྲི་གི་ཡོང་རུང་། ང་མེད་ན་གཞན་ལ་མ་བཤད།
སྡེ་ཆེན་པོ་ཡག་པ་མར་སྐུ་རེད། རོགས་ཆུང་ལོ་ཡག་པ་ལྷ་སྐུ་རེད། ང་ཞི་ལུ་འཁོར་བ་དེའི་དོན་རེད།
ཁྱིམ་གཅིག་གི་བཟའ་ཚང་ཟེར་རྒྱུ། སུ་ཡིན་རུང་སྔོན་ལས་མེད་པས།
སྡེ་ཁ་རུ་ཉུལ་ནས་འགྲོ་དུས། རོགས་རང་རང་སེམས་ནས་མ་བརྗེད།
འདོ་བ་གཉིས་ཁ་ཁར་འགྲོ་དུས། རྔོག་རྩེད་མ་བྱེད་ཡིད་སེམས་སྨྲེང་བྱེད་ཡིན།
འགྲོ་རྩྭ་མ་ཟ་སྡུག་གི་ཁ་སྣོན་ཡིན། སོང་གི་ཕྱི་ཉིན་སེམས་ཀྱི་དྲན་ཤིང་ཡིན།
མཚོ་སྔོན་པོའི་ནང་ལུང་ལུག་རེད། ལུག་ཚེར་མོའི་རྒྱན་ཆ་བལ་རེད།
བལ་བྲེག་ནས་འདུག་ཁོམ་མེད་པ། ངའི་སྐྱེ་བ་སྔོན་གྱི་ལས་རེད།
ང་དད་ཀྱང་དུང་བ་ཞིག་ལ། ང་ཐང་དཀར་རྒོད་ལ་དུང་གི
འཕུར་དང་ན་དགུང་སྔོན་གནམ་རེད། གཤོག་རྡེབ་ན་སྤྲིན་དཀར་མཚམས་རེད།
རོགས་ཆུང་ལོ་ཁ་ཚིག་ཅན་པོས། གཉོམ་དུང་ངེ་སྡུག་གཏམ་བཤད་ན། དོན་དམ་པས་དྲན་པ་ཁྱོད་རེད།
བར་བཅུག་མདོ་འཛིན་པའི་སྣང་བརྙན།
རོགས་འུ་གཉིས་ཁ་ཁ་འགྲོ་དུས། ངས་མི་དྲན་ཟེར་བ་རྫུན་རེད།
ཁྱོད་རིག་འདྲ་རིག་ན་ལོས་དྲན། སྐད་མཚུངས་འདྲ་གོ་ན་སྨྲེང་གི
རོགས་ཆུང་ལོ་དུང་གི་སོ་སྒོ་ཅན། ངས་སྔ་དྲོ་ཁྲ་ཆུང་མིག་གིས་འཚོས།
དགུང་ཕྱི་དྲོ་གངས་དཀར་སེམས་ཀྱིས་འཚོས། ངས་འདི་འདྲའི་གཉོར་སྐྱོང་བྱས་པ་མེད།
རོགས་སྐྱེ་གཟུགས་ཅན་པོ་གནམ་གྱིས་སྲུང་། ས་གང་ན་ཡོད་ཀྱང་བདེ་བར་སྨོན།
མཚོ་ལྷོ་འགྲན་ཁུལ་ལས་བསྐྱར་འགྲན་ཐོག་མ་རུ་ཚུད་པའི་གླུ་བ་གླུ་མ་དག
