སྤྲིན་ནག་པོ་འཐིབ་ནས་ཡོང་དུས།
འབྲུག་ཕོ་ཆུང་གྲགས་ནས་ཐོན་ཐལ།
ཆར་བསིལ་མ་བབས་པའི་མཚམས་ལ།
ང་འབྲུག་ཆུང་མི་འདུག་བུད་འགྲོ།
ང་གྲགས་སའི་དགུང་སྔོན་བདེ་མོ།
རང་རེའི་ལས་ཁུངས་ཀྱི་གསར་འགོད་པ་ཟླ་བཟང་སྒྲོལ་མས་བཀོད་པའི་གསར་འགྱུར། ཉིན་གཉིས་ཀྱི་འགྲན་སྡུར་བརྒྱུད། མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་རླུང་འཕྲིན་དང་མཚོ་སྔོན་ཞིང་ཆེན་མི་རིགས་སྐད་གློག་བརྙན་འཕྲིན་བསྒྱུར་སྐྲུན་ལྟེ་གནས་གཉིས་ཀྱིས་མཉམ་འབྲེལ་སྒོས་བསྒྲུབས་པའི«སྡེ་ཆེན་རྩེད་ར»རྟགས་མའི་བོད་ཀྱི་ལ་གཞས་འགྲན་སྡུར་སྐབས་དྲུག་པའི་ཐོག་མའི་འགྲན་སྡུར་ལས་མགོ་ལོག་འགྲན་ཁུལ་གྱི་འགྲན་སྡུར་ཟླ་བདུན་པའི་ཚེས་བཅུ་དྲུག་ཉིན་གྱི་ཕྱི་དྲོའི་ཆུ་ཚོད་དྲུག་གི་སྟེང་ཡོངས་སུ་མཇུག་སྒྲིལ་བ་དང་། འགྲན་ཞུགས་པ་བཅོ་བརྒྱད་ལས་གླུ་བ་རྡོ་རེ་དང་ཆོས་དབྱངས་རྡོ་རྗེ། གུར་མགོན། ཚེ་རིང་དཔལ་འབྱོར། དངོས་གྲུབ། གླུ་མ་བཀྲ་ཤིས་སྐྱིད་དང་འཕྲིན་ལས་མཚོ། སྒྲོལ་ལོ་བཅས་གླུ་བ་གླུ་མ་བརྒྱད་བསྐྱར་འགྲན་ཐོག་མའི་འགྲན་སྡུར་ཁྲོད་བདམས་ཐོན་བྱུང་།
མགོ་ལོག་འགྲན་ཁུལ་ནས་བསྐྱར་འགྲན་ཐོག་མ་རུ་ཚུད་པའི་གླུ་བ་གླུ་མ་དག
བྱ་ཁུ་ལོ་མི་འདུག་འགྲོ་ནོ་རེད། བྱེའུ་འཇོལ་མོ་མི་འགྲོ་འདུག་ནོ་རེད། ང་འགྲོ་བའི་འགྲོ་ལམ་འཚམས་པོ་བྱེད། ཁྱོད་འདུག་གི་སྐུ་ལུས་བདེ་མོ་བྱོས།
མཚོ་སྔོན་མོ་མར་ཁུ་འཁྱིལ་འདྲ་རེད། ཉ་གསེར་མིག་བྱི་རུའི་པ་ཏྲ་རེད། མཚོ་རྒས་ནས་ཐིག་ལེ་གཏོང་རག་ལ། ཉ་གསེར་མིག་མ་བརྗེད་ཡིད་ལ་ཟུངས།
སྡེའི་རོགས་བརྒྱ་རོགས་མང་གྲས་ནས། རོགས་གཅིག་ལ་ཚིག་གསུམ་བཤད་ཡོད།
ཁྱོས་ཚིག་གསུམ་ཡིད་ནས་མ་བརྗེད། ངས་ཚེ་གང་སེམས་ནས་མི་བརྗེད།
མཐར་མགོ་ལོག་བོད་རིགས་རང་སྐྱོང་ཁུལ་མང་ཚོགས་སྒྱུ་རྩལ་ཁང་གི་ལས་བྱེད་མི་སྣ་ཡོངས་ཀྱིས་ཐེངས་འདིའི་འགྲན་སྡུར་གྱི་བྱ་བར་རོགས་སྒྲུབ་དང་རྒྱབ་སྐྱོར་བྱས་པར་བཀའ་དྲིན་ཞུ། ཐེངས་རྗེས་མར་ང་ཚོ་མཚོ་བྱང་འགྲན་ཁུལ་ནས་མཇལ་ཡོང་། བཀྲ་ཤིས་བདེ་ལེགས།