ཤིང་ཙན་དན་ནགས་ཀློང་གོང་མ་ན།
ངའི་འདོ་རིགས་རྟ་བོ་རྐྱང་རྒྱུད་ཡིན།
རྟ་ཡག་པ་རིན་ཆེན་རྒྱན་ཆ་ཡིན།
སྒ་ཡག་པ་གསེར་ནག་པ་ཏྲ་ཡིན།
ཞོན་མ་ཐུབ་བྱང་ལམ་མཚམས་ན་ཡོད།
བརྗེད་མ་ཐུབ་གངས་དཀར་སེམས་ན་ཡོད།
ཟླ་བདུན་པའི་ཚེས་ཉེར་གསུམ་ཉིན། མཚོ་སྔོན་རྒྱང་སྒྲོག་བརྙན་འཕྲིན་ཁང་བོད་སྐད་རླུང་འཕྲིན་དང་མཚོ་སྔོན་ཞིང་ཆེན་མི་རིགས་སྐད་གློག་བརྙན་འཕྲིན་བསྒྱུར་སྐྲུན་ལྟེ་གནས་གཉིས་ཀྱིས་མཉམ་འབྲེལ་སྒོས་བསྒྲུབས་པའི་《སྡེ་ཆེན་རྩེད་ར》རྟགས་མའི་བོད་ཀྱི་ལ་གཞས་འགྲན་སྡུར་སྐབས་དྲུག་པའི་ཐོག་མའི་འགྲན་སྡུར་གྱི་ལས་སྒྲུབ་ཚན་ཆུང་མཚོ་བྱང་ཁུལ་རྐང་ཚ་རྫོང་དུ་འབྱོར་ལ། རྐང་ཚ་རྫོང་ཨུའི་དྲིལ་སྒྲོག་པུའུ་དང་། རྐང་ཚ་རྫོང་རིག་གནས་ཅུའུ། རྐང་ཚ་རྫོང་རིག་གནས་ཁང་བཅས་ཀྱིས་རོགས་སྐྱོར་འོག་ཐེངས་འདིའི་འགྲན་སྡུར་གྱི་ཚོགས་ར་གཡུ་གཞོངས་རྐང་ཚའི་འོམ་ཆུའི་འགྲམ་ངོགས་ཀྱི་གསེར་ཉའི་གཞིས་ཁྱིམ་དུ་གཏན་འཁེལ་བྱས། 《སྡེ་ཆེན་རྩེད་ར》རྟགས་མའི་བོད་ཀྱི་ལ་གཞས་འགྲན་སྡུར་སྐབས་དྲུག་པའི་ཐོག་མའི་འགྲན་སྡུར་ལས་མཚོ་བྱང་འགྲན་ཁུལ་ལ་བསྡོམས་པས་འགྲན་ཞུགས་པ་ཉེར་བཞི་ཡིས་འབྱོར་ཐོ་བཀོད་ཡོད་ལ། ཕྱི་དྲོར་འགྲན་ཞུགས་པ་རྣམས་ཀྱིས་འགྲན་སྡུར་ཨང་རིམ་གྱི་རྒྱན་ཤོག་བླངས་ཏེ་ཨང་རིམ་གཏན་ཁེལ་བྱས་པར་མ་ཟད། ཐེངས་འདིའི་འགྲན་སྡུར་འདྲ་མཉམ་དང་དྲང་བདེན། བདེ་འཇགས་བཅས་ཡོང་ཆེད་དཔྱད་འདེམས་པ་དག་མཉམ་དུ་འཛོམས་ནས་འགྲན་སྡུར་གྱི་གོ་རིམ་དང་དཔྱད་འདེམས་བྱེད་སྟངས་སོགས་ལ་གྲོས་བསྡུར་བྱས་པ་དང་། ལས་སྒྲུབ་ཚན་ཆུང་གིས་ཡུལ་དངོས་ནས་སང་ཉིན་གྱི་འགྲན་སྡུར་དངོས་ལ་གྲ་སྒྲིག་འཐུས་ཚང་བྱས། ཟླ་བདུན་པའི་ཉེར་བཞི་ཉིན་ནས། 《སྡེ་ཆེན་རྩེད་ར》རྟགས་མའི་བོད་ཀྱི་ལ་གཞས་འགྲན་སྡུར་སྐབས་དྲུག་པའི་ཐོག་མའི་འགྲན་སྡུར་ལས་མཚོ་བྱང་འགྲན་ཁུལ་གྱི་འགྲན་སྡུར་དངོས་སུ་མགོ་རྩོམ་རྒྱུ་རེད།
རྐང་ཚ་རྫོང་གི་བཀོད་པ།
ཉ་གསེར་མིག་ལྡེམ་མྱུར་ཅན་པོ། ཁྱོད་ཆུ་ཆེན་ཕྱོགས་ལ་མ་རྐྱལ།
ཁྱོད་ཆུ་ཆུང་ཕྱོགས་ལ་རྐྱོལ་དང་། ཟླ་བོད་ལོ་དར་ཁ་མི་ཆགས། དབྱར་དྲུག་པའི་ཙད་ཀྱིས་མི་སྐམ།
མཚོ་བྱང་འགྲན་ཁུལ་གྱི་ཚོགས་ར།
འགྲན་ཞུགས་པས་འབྱོར་ཐོ་འགོད་བཞིན་པའི་ཚུལ།
འགྲན་ཞུགས་ཨང་རིམ་རྒྱན་ལེན་པ།
འགྲན་ཞུགས་ཨང་རིམ་རྒྱན་ལེན་པ།
འགྲན་ཞུགས་ཨང་རིམ་རྒྱན་ལེན་པ།
ལག་རྩལ་པས་ཡུལ་དངོས་ནས་སྒྲ་ཕབ་སྒྲིག་ཆས་ཚོད་ལྟ་བྱེད་བཞིན་པ།
དཔྱད་འདེམས་པ་དག་གིས་གྲོས་བསྡུར་བྱེད་བཞིན་པ།
