ཚེས་བཅུ་བཞི་ཉིན་གྱི་ཕྱི་དྲོར། གངས་རྒྱན་མེ་ཏོག་རྟགས་མའི་རྒྱལ་ཡོངས་བོད་ཀྱི་སློབ་ཆེན་སློབ་མའི་གསར་རྩོམ་སྙན་ངག་གྱེར་འདོན་འགྲན་ཚོགས་སྐབས་གསུམ་པའི་བསྐྱར་འགྲན་གྱི་རིམ་པ་དངོས་སུ་མགོ་བརྩམས་ཤིང་། འགྲན་ཞུགས་པ་དག་གིས་འགྲན་ཞུགས་ཀྱི་ཨང་རིམ་ལྟར་རང་རང་གི་གྱེར་བྱའི་བརྩམས་ཆོས་ཡུལ་དངོས་ནས་དངོས་སུ་གྱེར་ལ། དཔྱད་འདེམས་པ་རྣམས་ཀྱི་ལུགས་མཐུན་དྲང་བཞག་གི་དཔྱད་འདེམས་དང་ཛ་དྲག་གི་འགྲན་སྡུར་བརྒྱུད་མཐར། རྔ་བ་དགེ་ཐོན་སློབ་གླིང་གི་དྲི་མེད་ཡེ་ཤེས་དང་ཟི་ཁྲོན་མི་རིགས་སློབ་ཆེན་གྱི་མགོན་དཀར། ལྷོ་ནུབ་མི་རིགས་སློབ་ཆེན་གྱི་ཡུམ་སྐྱབས་རྒྱལ། མཚོ་སྔོན་དགེ་ཐོན་སློབ་ཆེན་གྱི་ཕུན་ཚོགས་རྒྱ་མཚོ། མཚོ་སྔོན་དགེ་ཐོན་སློབ་ཆེན་གྱི་རྒྱ་མཚོ། བོད་ལྗོངས་མི་རིགས་སློབ་ཆེན་གྱི་སྐལ་བཟང་། ཀན་སུའུ་མི་རིགས་དགེ་འོས་སློབ་ཆེན་གྱི་སྒྲོལ་མ་ལྷ་མོ། ཀྲུང་དབྱང་མི་རིགས་སློབ་ཆེན་གྱི་ལྷ་མོ་དབྱངས་ཅན། ནུབ་བྱང་མི་རིགས་སློབ་ཆེན་གྱི་མཆོད་སེམས་སྨྲ་ངག་ཚན་སྡེབ( ཨོ་རྒྱན་སྒྲོལ་མ།བཀྲ་ཤིས་དགེ་ལེགས། ཚེ་རིང་དཔལ་མོ།) མཚོ་སྔོན་མི་རིགས་སློབ་ཆེན་གྱི་ཚེ་བརྟན་རྒྱལ། ཟི་ཁྲོན་མི་རིགས་སློབ་ཆེན་གྱི་པད་མ་བདེ་སྐྱིད། ལྷོ་ནུབ་མི་རིགས་སློབ་ཆེན་གྱི་དབྱངས་ཅན་ལྷ་མོ། བོད་ལྗོངས་སློབ་ཆེན་གྱི་བློ་བཟང་ཚེ་རིང་། ཀན་སུའུ་མི་རིགས་དགེ་འོས་སློབ་ཆེན་གྱི་དྭངས་གསལ་ལྷ་མོ་བཅས་འགྲན་ཞུགས་པ་བཅུ་བཞི་ཐེངས་འདིའི་འགྲན་སྡུར་གྱི་རྟིང་རྩོད་འགྲན་བསྡུར་དུ་ཚུད།
སྤྱི་ཟླ་དགུ་པའི་ཚེས་བཅོ་ལྔ་ཉིན་གྱི་ཕྱི་དྲོའི་ཆུ་ཚོད་གཉིས་དང་ཕྱེད་ཀའི་སྟེང་རྟིང་རྩོད་འགྲན་སྡུར་དངོས་སུ་མགོ་རྩོམ་རྒྱུ་ཡིན་པ་དང་། འགྲན་སྡུར་གྱི་རྣམ་པ་མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་གི་དྲ་ངོས་དང་སྤོ་འགུལ་མགྲོན་སྣེ་གངས་ལྗོངས་མེ་ལོང་བརྒྱུད་ནས་ཐད་གཏོང་བྱ་རྒྱུ་རེད།
དཔྱད་འདེམས་དགེ་རྒན་སྨན་བླ་སྐྱབས།
དཔྱད་འདེམས་དགེ་རྒན་ཀུན་འགྲུབ།
དཔྱད་འདེམས་དགེ་རྒན་འབྲུག་ལྷ་རྒྱལ།
དཔྱད་འདེམས་དགེ་རྒན་བྱམས་པ་རྡོ་རྗེ།
དཔྱད་འདེམས་དགེ་རྒན་སྐལ་བཟང་སྒྲོལ་མ།
མདོ་འཛིན་པའི་ཉམས་སྣང་།
ཁྱོད་ནི་ཚོར་ཤེས་ཀྱི་རླབས་རྩེ་ན་འཕྱོ་བའི་སྙན་ངག་པ་དེ་ཡིན།
ཁྱོད་ནི་ཚིག་གྲུབ་ཀྱི་ཁྲི་སྟེང་ན་འགྱིང་བའི་ཐ་སྙད་པ་དེ་ཡིན།
ཁྱོད་ནི་དབྱངས་གསལ་གྱི་མཚོ་འཇིང་ན་སྐྱོད་པའི་ངག་རིག་པ་དེ་ཡིན།
ཁྱོད་ནི་སྙན་ངག་གི་གར་སྟེགས་ན་རྩེན་པའི་གྱེར་འདོན་པ་དེ་ཡིན།
དུང་བའི་སེམས་དང་སྙན་པའི་ངག་གིས་གྱེར་འདོན་བྱེད་བཞིན་པ།
ལྟད་མོ་བའི་ཚོགས།
ཚོགས་རའི་ཟུར་ཞིག
ལྟད་མོ་བའི་ཚོགས།
ཚོགས་རའི་ཟུར་ཞིག
རྟིང་རྩོད་འགྲན་བསྡུར་ལ་ཚུད་པའི་འགྲན་ཞུགས་པ་ཡོངས།
