བོད་ཀྱི་རིག་གནས་སྤྱི་དང་སྒོས་སུ་སྙན་ངག་གྱེར་འདོན་སྒྱུ་རྩལ་ལ་དུངས་པ་ཟབ་པའི་རྒྱ་ཆེའི་བོད་རིགས་སྤུན་ཟླ་རྣམ་པ། དེ་ཡང་ཀྲུང་ཧྭ་རིག་གནས་བསྐྱར་དར་གྱི་དགོངས་པ་ལག་ལེན་མཐར་ཕྱིན་དང་། བཅོས་སྒྱུར་སྒོ་འབྱེད་བྱས་ནས་ལོ་འཁོར༤༠ལོན་པར་དགའ་སྟོན་རྟེན་འབྲེལ་ཞུ་བ། ལྷག་པར་དུ་དུས་རབས་གསར་བའི་ནང་བོད་ཀྱི་སློབ་ཆེན་སོ་སོའི་སློབ་རའི་རིག་གནས་ཕུན་སུམ་ཇེ་ཚོགས་སུ་གཏོང་བའམ་སློབ་མའི་གསར་རྩོམ་གྱི་འདུན་པ་སྐྱེད་བསྲིང་བྱེད་པ། སྒོས་སུ་སྙན་ངག་གྱེར་འདོན་གྱི་མོས་པ་ཀུན་ནས་བསྐྱེད་ཕྱིར། གུང་གཞོན་ཚོགས་པ་མཚོ་སྔོན་ཞིང་ཆེན་གྱི་ཨུ་ཡོན་དང་།མཚོ་སྔོན་རྒྱང་སྒྲོག་བརྙན་འཕྲིན་ཁང་། མཚོ་སྔོན་ཞིང་ཆེན་རྩོམ་པ་པོའི་མཐུན་ཚོགས་དང་མཚོ་ནུབ་ཁུལ་རྩོམ་རིག་སྒྱུ་རྩལ་ལྷན་ཚོགས་བཅས་ཀྱིས་གཙོ་སྒྲུབ་དང་། མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་དང་མཚོ་ནུབ་ཁུལ་མི་རིགས་རྩོམ་རིག་དུས་དེབ་ཁང་།《གངས་རྒྱན་མེ་ཏོག》རྩོམ་སྒྲིག་ཁང་། མཚོ་སྔོན་རི་དཀར་པོ་གློག་བརྙན་འཕྲིན་རིག་གནས་སྨྱན་སྦྱོར་ཚད་ཡོད་ཀུང་ཟི་བཅས་ཀྱིས་མཉམ་དུ་འགན་བསྒྲུབ་བྱས་པའི“གངས་རྒྱན་མེ་ཏོག་རྟགས་མའི་རྒྱལ་ཡོངས་བོད་ཀྱི་སློབ་ཆེན་སློབ་མའི་གསར་རྩོམ་སྙན་ངག་གྱེར་འདོན་འགྲན་ཚོགས་སྐབས་གསུམ་པ”༢༠༡༨ལོའི་ཟླ༩པའི་ཟླ་དཀྱིལ་དུ་གནའ་མཁར་ཟི་ལིང་ནས་འཚོག་རྒྱུ་ཡིན་པས། འབྲེལ་ཡོད་བརྡ་སྦྱོར་བཏང་བ་གཤམ་གསལ་ལྟར།
དང་པོ། བྱ་འགུལ་གྱི་བརྗོད་སྙིང་།
ལང་ཚོའི་མཆོད་དབྱངས།----- བཅོས་སྒྱུར་སྒོ་འབྱེད་བྱས་ནས་ལོ་འཁོར༤༠ལོན་པར་དགའ་སྟོན་རྟེན་འབྲེལ་ཞུ་བ།
གཉིས་པ། བྱ་འགུལ་གྱི་དུས་ཚོད།
སྤྱི་ཟླ་དགུ་པའི་ཚེས༡༣ནས་ཚེས་༡༦ཉིན་བར་ཏེ།ཚེས༡༣ཉིན་མིང་ཐོ་འགོད་པ་དང་།ཚེས༡༤ཉིན་བསྐྱར་འགྲན། ཚེས༡༥ ཉིན་རྟིང་རྩོད་འགྲན་སྡུར། ཚེས༡༦ཉིན་བྱ་དགའ་གནང་བའི་མཛད་སྒོའི་དགོང་ཚོགས་བཅས་སྤེལ་རྒྱུ།
གསུམ་པ། བྱ་འགུལ་གྱི་ས་གནས།
ཟི་ལིང་གྲོང་ཁྱེར་མཁར་ནུབ་ཁུལ་ཞི་ཀོན་སྲང་ལམ་ཆེན་མོའི་སྒོ་རྟགས་ཨང༨༡པ།མཚོ་སྔོན་རྒྱང་སྒྲོག་བརྙན་འཕྲིན་ཁང་གི་འཁྲབ་སྟོན་ཚོམས་ཆེན།
བཞི་བ། བྱ་འགུལ་གྱི་ཆ་རྐྱེན།
༡ འགྲན་ཞུགས་པ་དག་རྒྱལ་ཡོངས་ཀྱི་མི་རིགས་སློབ་ཆེན་སོ་སོའི་སློབ་མ་ཡིན་དགོས།
༢ སློབ་གྲྭ་སོ་སོས་ཐོག་མའི་འགྲན་སྡུར་བརྒྱུད་དེ་བསལ་བདམས་བྱས་རྗེས་གཅིག་གྱུར་སྒོས་མིང་ཐོ་འགོད་དགོས།
༣ གྱེར་བྱའི་བརྩམས་ཆོས་ངེས་པར་དུ་དུས་དེབ་སོགས་སུ་བཀོད་མ་མྱོང་བ་ཁོ་ན་ཡིན་དགོས།
༤ གྱེར་འདོན་གྱི་རྒྱབ་ལྗོངས་རོལ་དབྱངས་གྱེར་འདོན་པ་རང་ངོས་ནས་གྲ་སྒྲིག་བྱེད་དགོས།
༥ འགྲན་ཞུགས་པ་ཚང་མས་ངེས་པར་དུ་བོད་ལྭ་གྱོན་དགོས།
༦ སློབ་གྲྭ་སོ་སོའི་འགྲན་ཞུགས་པ་མི་གསུམ་དང་མཛུབ་སྟོན་དགེ་རྒན་གཅིག་བཅས་ལས་བརྒལ་མི་རུང་།
ལྔ་པ། བྱ་དགའི་རྣམ་གྲངས།
ཐེངས་འདིའི་གྱེར་འདོན་འགྲན་ཚོགས་སྟེང་བྱ་དགའ་ཨང་དང་པོ་གཅིག་དང་ཨང་གཉིས་པ་གཉིས། ཨང་གསུམ་པ་གསུམ། རྟིང་སྐུལ་བྱ་དགའ་དང་རྩ་འཛུགས་བྱ་དགའ་དུ་མ་བཅས་ཡོད།
དྲུག་པ། འབྲེལ་གཏུག་བྱེད་ཡུལ།
མོག་བུ་ཡེ་ཤེས་སྐྱབས། 15500564445
ཚེ་མ་རྒྱལ། 13997386765
སངས་རྒྱས་སྒྲོལ་མ། 18935562252
གདུགས་དཀར་སྐྱིད། 17693297282
