ཚེས་བཅུ་གསུམ་ཉིན་གྱི་ཕྱི་དྲོར། གངས་རྒྱན་མེ་ཏོག་རྟགས་མའི་རྒྱལ་ཡོངས་བོད་ཀྱི་སློབ་ཆེན་སློབ་མའི་གསར་རྩོམ་སྙན་ངག་གྱེར་འདོན་འགྲན་ཚོགས་སྐབས་གསུམ་པའི་སྟེང་ཞུགས་ཡོད་པའི་སློབ་ཆེན་ཁག་སྟེ། ཀྲུང་དབྱང་མི་རིགས་སློབ་ཆེན་དང་ལྷོ་ནུབ་མི་རིགས་སློབ་ཆེན། ནུབ་བྱང་མི་རིགས་སློབ་ཆེན། བོད་ལྗོངས་སློབ་ཆེན། བོད་ལྗོངས་མི་རིགས་སློབ་ཆེན། མཚོ་སྔོན་མི་རིགས་སློབ་ཆེན། མཚོ་སྔོན་དགེ་ཐོན་སློབ་ཆེན། སི་ཁྲོན་མི་རིགས་སློབ་གླིང་། ཀན་སུའུ་མི་རིགས་དགེ་ཐོན་སློབ་ཆེན། རྔ་བ་དགེ་ཐོན་སློབ་གླིང་བཅས་ནས་ཐོན་པའི་འགྲན་ཞུགས་པ་སུམ་ཅུ་མཚོ་སྔོན་རྒྱང་སྒྲོག་བརྙན་འཕྲིན་ཁང་དུ་འབྱོར་ནས་འབྱོར་ཐོ་བཀོད་པ་དང་། དེ་མིན་ཐེངས་འདིའི་འགྲན་ཚོགས་ཀྱི་འཁྲབ་ཁྲིད་པས་འགྲན་ཚོགས་སྐབས་སུ་མཉམ་འཇོག་བྱ་དགོས་པའི་འབྲེལ་ཡོད་བླང་བྱ་རྣམས་གསལ་སྒྲོག་བྱས། དེར་མཐུད་ནས་འགྲན་ཞུགས་པ་རྣམས་ཀྱིས་འབྱོར་ཐོ་བཀོད་པའི་སྔ་གཞུག་ལྟར་གོ་རིམ་ལྡན་པའི་ངང་རྒྱན་བླངས།
གངས་རྒྱན་མེ་ཏོག་རྟགས་མའི་རྒྱལ་ཡོངས་བོད་ཀྱི་སློབ་ཆེན་སློབ་མའི་གསར་རྩོམ་སྙན་ངག་གྱེར་འདོན་འགྲན་ཚོགས་སྐབས་གསུམ་པའི་བསྐྱར་འགྲན་སང་ཉིན་ཕྱི་དྲོར་དངོས་སུ་མགོ་རྩོམ་རྒྱུ་ཡིན་པ་དང་། དེ་ལས་གཞན་ཐེངས་འདིའི་འགྲན་ཚོགས་ཀྱི་རྟིང་རྩོད་འགྲན་སྡུར་དེ་ཚེས་བཅོ་ལྔ་ཉིན་གྱི་ཕྱི་དྲོར་ངེད་དྲ་ཚིགས་ནས་ཐད་གཏོང་བྱ་རྒྱུ་ཡིན།
འབྱོར་ཐོ་འགོད་བཞིན་པ།
འབྱོར་ཐོ་འགོད་བཞིན་པ།
འབྱོར་ཐོ་འགོད་བཞིན་པ།
ཚོགས་འདུའི་ཡུལ་དངོས།
འགྲན་ཞུགས་སློབ་མ་རྣམས།
རྒྱན་ལེན་བཞིན་པ།
རྒྱན་ལེན་བཞིན་པ།
རྒྱན་ལེན་བཞིན་པ།
འགྲན་ཞུགས་པས་གནས་ཚུལ་འདྲི་བཞིན་པ།
