ཟླ་གསུམ་པའི་ཚེས་གསུམ་ཉིན་གྱི་ཕྱི་དྲོར། རྒྱལ་ཡོངས་དམངས་ཆེན་སྐབས་བཅུ་གསུམ་པའི་གྲོས་ཚོགས་ཐེངས་གཉིས་པར་ཞུགས་པའི་མཚོ་སྔོན་འཐུས་ཚབ་ཚོགས་པས་ཚང་འཛོམས་གྲོས་ཚོགས་བསྡུས་ཏེ། ཝང་ཅན་ཅུན་མཚོ་སྔོན་འཐུས་ཚབ་ཚོགས་པའི་ཚོགས་གཙོ་དང་། ལིག་ཉིང་དང་ཀྲང་ཀོང་རུང་ཚོགས་གཙོ་གཞོན་པར་བདམས།
གྲོས་ཚོགས་ནས་མཚོ་སྔོན་འཐུས་ཚབ་ཚོགས་པས་རྒྱལ་ཡོངས་དམངས་ཆེན་སྐབས་བཅུ་གསུམ་པའི་གྲོས་ཚོགས་ཐེངས་གཉིས་པའི་ཀྲུའུ་ཞི་ཚོགས་པ་དང་དྲུང་ཡིག་ཆེན་མོའི་མིང་ཐོའི་འཆར་ཟིན་དང་། རྒྱལ་ཡོངས་དམངས་ཆེན་སྐབས་བཅུ་གསུམ་པའི་གྲོས་ཚོགས་ཐེངས་གཉིས་པའི་གྲོས་རིམ་འཆར་ཟིན་ལ་གྲོས་ཞིབ་བྱས་པར་མ་ཟད། རྒྱལ་ཡོངས་དམངས་ཆེན་སྐབས་བཅུ་གསུམ་པའི་གྲོས་ཚོགས་གྲོས་ཚོགས་ཐེངས་གཉིས་པའི་གྲ་སྒྲིག་གྲོས་ཚོགས་ལ་སྤྲད་དེ་གྲོས་ཞིབ་བྱེད་པར་གྲོས་འཆམ་བྱུང་།
ཝང་ཅན་ཅུན་གྱིས་བཤད་རྒྱུར། རྒྱལ་ཡོངས་དམངས་ཆེན་སྐབས་བཅུ་གསུམ་པའི་གྲོས་ཚོགས་ཐེངས་གཉིས་པ་ནི། ཀྲུང་གོ་གསར་བ་དབུ་བརྙེས་ནས་ལོ་འཁོར་བདུན་ཅུ་ལོན་པ་དང་། ཁྱོན་ཡོངས་ནས་འབྱོར་འབྲིང་སྤྱི་ཚོགས་འཛུགས་སྐྲུན་ལ་རྒྱལ་ཁ་ཕུ་ཐག་ཆོད་པར་ལེན་པའི་གནད་འགག་ལོར་བསྡུས་པའི་གྲོས་ཚོགས་གལ་ཆེན་ཞིག་ཡིན། མཚོ་སྔོན་འཐུས་ཚབ་ཚོགས་པའི་འཐུས་མི་ཡོངས་ཀྱིས་མཚོ་སྔོན་གྱི་མི་གྲངས་ས་ཡ་དྲུག་གི་མངགས་བཅོལ་ཟབ་མོ་ཕྲག་སྟེང་དུ་བླངས་ཏེ་པེ་ཅིན་དུ་འཛོམས་ནས། ལྷན་དུ་རྒྱལ་དོན་ལ་གྲོས་མོལ་བྱེད་ཀྱིན་པ་ནི། གཟི་བརྗིད་ལྡན་པའི་འོས་འགན་ལྕི་མོ་ཞིག་ཡིན། འཐུས་མི་ཡོངས་ཀྱིས་ཏང་ཀྲུང་དབྱང་གི་ཇུས་ཆོད་བཀོད་སྒྲིག་སྟེང་ནས་བསམ་བློ་གཅིག་གྱུར་ཡོང་བར་བྱེད་རྒྱུ་དང་། འདུ་ཤེས་བཞི་དང་ཡིད་རྟོན་བཞི་སྔར་ལས་ཇེ་དྲག་ཏུ་གཏོང་བ། སྲུང་སྐྱོབ་བྱེད་དགོས་པ་གཉིས་བཟང་བོར་བསྒྲུབ་པ། སྙན་ཞུར་ཞིབ་འཇུག་ཀློག་འདོན་ནན་མོ་བྱེད་པ། གཏམ་བཤད་པར་གྲ་སྒྲིག་ཞིབ་མོ་བྱེད་པ། ཚོགས་ཆེན་གྱི་བཀོད་སྒྲིག་ལ་སྒོ་ཀུན་ནས་བསྟུན་པ། གྲོས་ཚོགས་ཀྱི་སྒྲིག་ལམ་ཚུལ་བཞིན་སྲུང་བ། མཚོ་སྔོན་གྱི་གཏམ་རྒྱུད་འཆད་པ། འཐུས་མིའི་འཇོན་ཐང་ངོམ་ཅི་ཐུབ་བྱེད་པ། ཆབ་སྲིད་ཀྱི་འགན་འཁྲི་ལྕི་མོ་ཁུར་དུ་ལེན་པ། གཟབ་ནན་དང་བདེན་དངོས་ཀྱི་བྱེད་ཕྱོགས་སྤྱད་དེ་གྲོས་ཚོགས་ཀྱི་འགན་ནུས་ཡོངས་འགྲུབ་བྱེད་པ་བཅས་ལ་འབད་མཐར། གྲོས་ཚོགས་ཀྱི་ལས་རིམ་ཁག་སོ་སོའི་འོས་འགན་ཡོངས་འགྲུབ་ཐད་འགན་ལེན་ཁག་ཐེག་བྱེད་དགོས་ཟེར།
ཞིང་ཆེན་མཐོ་རིམ་མི་དམངས་ཁྲིམས་ཁང་གི་ཡོན་ཀྲང་ཁྲིན་མེན་ཀོ་དང་། ཞིང་ཆེན་མི་དམངས་ཞིབ་དཔྱོད་ཁང་གི་ཞིབ་དཔྱོད་དཔོན་པོ་མེན་ཡུང་ཧྲན་ཚོགས་འདུར་ཟུར་ཞུགས་བྱས།
