རྒྱལ་ཡོངས་དམངས་ཆེན་སྐབས་བཅུ་གསུམ་པའི་གྲོས་ཚོགས་ཐེངས་གཉིས་པ་བསྡུ་ལ་ཉེ་བའི་སྐབས་འདིར། མཚོ་སྔོན་འཐུས་ཚབ་ཚོགས་པས་རྨང་རྐང་བརྟན་པོའི་སྒོ་ནས་འཐུས་མིས་བསམ་ཚུལ་འདོན་པའི་བྱ་བར་གྲ་སྒྲིག་གང་ལེགས་བྱས། མིག་སྔའི་བར་དུ་ཁྱོན་བསྡོམས་བསམ་ཚུལ་རེ་ལྔ་འདོན་པར་གྲ་སྒྲིག་བྱས་ཡོད་ཅིང་། བསམ་ཚུལ་དེ་དག་ནི་ནོར་སྲིད་དཔལ་འབྱོར་དང་སྐྱེ་ཁམས་ཁོར་ཡུག་སྲུང་སྐྱོབ། སློབ་གསོ། ཚན་རིག རིག་གནས། འཕྲོད་བསྟེན། བཟོ་ལས་དང་འགྲིམ་འགྲུལ་གྱི་རྨང་གཞིའི་སྒྲིག་ཆས་འཛུགས་སྐྲུན། སྤྱི་ཚོགས་དང་སྤྱི་བའི་ལས་དོན་སོགས་ལ་ཐད་ཀར་འབྲེལ་ཡོད། དེ་མིན་ད་དུང་འཐུས་མིས་རྟོག་ཞིབ་གཏིང་ཟབ་བྱས་པ་ལས་བྱུང་བའི་བསམ་ཚུལ་ཅི་ཡོད་ལ་བསྐྱར་ཞིབ་དག་བཅོས་ནན་མོ་བྱས་རྗེས། གྲོས་ཚོགས་ཀྱི་སྐབས་སུ་ཚོགས་ཆེན་ལ་སྤྲོད་རྒྱུ་རེད།