ཟླ་གསུམ་པའི་ཚེས་བརྒྱད་ཉིན། མཚོ་སྔོན་འཐུས་ཚབ་ཚོགས་པས་མི་དམངས་ཚོགས་ཁང་ཆེན་མོའི་མཚོ་སྔོན་ཚོམས་ཁང་ནས་ཚང་འཛོམས་གྲོས་ཚོགས་བསྡུས་ཏེ། མུ་མཐུད་དུ་སྲིད་གཞུང་བྱ་བའི་སྙན་ཞུ་དང་འཆར་གཞིའི་ཞིབ་བཤེར། སྔོན་རྩིས་བྱ་བའི་སྙན་ཞུ་བཅས་ལ་གྲོས་ཞིབ་བྱས། འཐུས་མི་ཝང་ཅན་ཅུན་དང་ལིག་ཉིང་གིས་སོ་སོར་ཁྱོན་ཡོངས་ནས་འབྱོར་འབྲིང་སྤྱི་ཚོགས་འཛུགས་སྐྲུན་ལ་རྒྱལ་ཁ་ཕུ་ཐག་ཆོད་པར་ལེན་པ་དང་། ལྗང་མདོག་འཕེལ་རྒྱས་བྱེད་ཐབས་ཀྱི་རིམ་སྤོར་ལ་སྐུལ་འདེད་གཏོང་བ་སོགས་ཀྱི་ནང་དོན་ཐད་ནས། མི་དམངས་ཉིན་རེའི་ཚགས་པར་ཁང་དང་ཀྲུང་དབྱང་བརྙན་འཕྲིན་ཁང་གི་གསར་འགོད་པའི་དྲི་བར་ལན་བཏབ།

ཉིན་དེར་མི་དམངས་ཉིན་རེའི་ཚགས་པར་ཁང་དང་ཞིན་ཧྭ་གསར་འགྱུར་ཁང་། ཀྲུང་དབྱང་བརྙན་འཕྲིན་ཁང་།  ཀོང་མེན་ཉིན་རེའི་ཚགས་པར་ཁང་། དཔལ་འབྱོར་ཉིན་རེའི་ཚགས་པར་ཁང་། ཞང་ཀང་སྐུད་ཡོད་བརྙན་འཕྲིན་སོགས་སྨྱན་བྱེད་སོ་གསུམ་གྱི་གསར་འགོད་པ་བརྒྱ་ལ་ཉེ་བ་མཚོ་སྔོན་ཚོམས་ཁང་དུ་འདུས་ནས་བཅར་འདྲི་བྱས།