ཟླ་དང་པོའི་ཚེས་སུམ་ཅུ་ཉིན་གྱི་སྔ་དྲོར། སྲིད་གྲོས་མཚོ་སྔོན་ཞིང་ཆེན་སྐབས་བཅུ་གཉིས་པའི་གྲོས་ཚོགས་ཐེངས་གཉིས་པ་མཚོ་སྔོན་གྲོས་ཚོགས་ལྟེ་གནས་ནས་རྒྱལ་ཁའི་ངང་མཇུག་བསྡུས་ཤིང་། ཚོགས་ཐོག་ནས་རྡོ་རྗེ་རབ་བརྟན་གྱིས་ མཚོ་ཞིང་ཆེན་ཡོངས་ཀྱི་ཚོགས་ཆེན་གཉིས་ཀྱི་དགོངས་དོན་དངོས་འབེབས་བཟང་བོ་བྱེད་པར་ཅིས་ཀྱང་གཤམ་གྱི་དོན་ཚན་ལྔ་དམ་པོར་འཛིན་དགོས་པའི་བླང་བྱ་བཏོན། གཅིག་ནས་ཆབ་སྲིད་ཀྱི་གོ་གནས་ཇེ་མཐོར་བཏང་སྟེ་དངོས་འབེབས་བྱ་བ་དམ་པོར་འཛིན་དགོས། གཉིས་ནས་སྟོབས་ཤུགས་གོང་བུ་གཅིག་གྱུར་བྱས་ཏེ་དངོས་འབེབས་བྱ་བ་དམ་པོར་འཛིན་དགོས། གསུམ་ནས་སྲོག་ཤིང་དཀྱིལ་སྙིང་དུ་བཟུང་ནས་དངོས་འབེབས་བྱ་བ་དམ་པོར་འཛིན་དགོས། བཞི་ནས་གསར་གཏོད་འཕེལ་རྒྱས་བྱས་ཏེ་དངོས་འབེབས་བྱ་བ་དམ་པོར་འཛིན་དགོས། ལྔ་ནས་ནུས་པ་ཇེ་དྲག་ཏུ་བཏང་ནས་དངོས་འབེབས་བྱ་བ་དམ་པོར་འཛིན་དགོས།
གསར་འགོད་པ། ལྷ་རྒྱལ་བཀྲ་ཤིས། བནྡེ་སྐྱབས།
རྩོམ་སྒྲིག་འགན་ཁུར་བ། དབྱངས་ཅན།
ལྟ་སྐུལ་བ། རྣ་བྷ།