ཟླ་དང་པོའི་ཚེས་བཅོ་ལྔ་ཉིན་གྱི་ཕྱི་དྲོ། ཞིང་ཆེན་སྐབས་བཅུ་གསུམ་པའི་དམངས་ཆེན་འཐུས་མིའི་ཚོགས་ཆེན་ཐེངས་བཞི་བས་ཚང་འཛོམས་གྲོས་ཚོགས་ཐེངས་གཉིས་པ་བསྡུས། གྲོས་ཚོགས་ཀྱི་སྟེང་དུ་ཞུགས་དགོས་པའི་མི་གྲངས་སུམ་བརྒྱ་གོ་གཅིག་ཡིན་ལ། དངོས་སུ་ཞུགས་པའི་མི་གྲངས་སུམབརྒྱ་རེ་དྲུག་རེད། དེ་ཁྲིམས་བཀོད་མི་གྲངས་དང་མཐུན།གྲོས་ཚོགས་ལ་ལག་བསྟར་ཀྲུའུ་ཞི་ཀོ་ཧྭ་ཡིས་འགོ་འཛིན་བྱས།
ལག་བསྟར་ཀྲུའུ་ཞི་ཝང་ཞོ་དང་། ཀོ་ཧྭ། ཀྲང་ཝུན་ཁེ། ཝུན་གོ་ཏུང་། ཝུའུ་ཏི་ཅུན། ཝུའུ་ཡུས་ཀྲང་། ཝང་ཀྲིན་ཁྲང་བཅས་ཀྲུའུ་ཞི་སྟེགས་བུའི་མདུན་གྲལ་དུ་བཞུགས་ཡོད། ཝང་ཅན་ཅུན་དང་ལིག་ཉིན། རྡོ་རྗེ་རབ་བརྟན། མགོན་པོ་བཀྲ་ཤིས། ཀྲང་ཞི་མེན། ཡན་ཅིན་ཧེ། ཝང་ཡུས་ཡན། ཡུས་ཚོང་ལི། མ་ཅི་ཞའོ། ཆུའུ་ཞིན་ཡུང་། ཡན་པེ་བཅས་ཀྲུའུ་ཞི་སྟེགས་བུའི་སྟེང་དུ་བཞུགས་ཡོད།
གྲོས་ཚོགས་ཀྱིས་སྔ་གཞུག་ཏུ་ཞིང་ཆེན་སྐབས་བཅུ་གསུམ་པའི་དམངས་ཆེན་འཐུས་མིའི་ཚོགས་ཆེན་གྱི་རྒྱུན་ལས་ཀྲུའུ་རིན་གཞོན་པ་ཀྲང་ཀོང་རོང་གིས་ཕུལ་བའི་ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་བྱ་བའི་སྙན་ཞུ་དང་། ཞིང་ཆེན་མཐོ་རིམ་མི་དམངས་ཁྲིམས་ཁང་གི་ཡོན་ཀྲང་ཁྲིན་མེན་གོ་ཡིས་ཕུལ་བའི་ཞིང་ཆེན་མཐོ་རིམ་མི་དམངས་ཁྲིམས་ཁང་གི་བྱ་བའི་སྙན་ཞུ། ཞིང་ཆེན་མི་དམངས་ཞིབ་བཤེར་ཁང་གི་འགོ་བ་མིན་ཡུང་ཧྲན་གྱིས་ཕུལ་བའི་ཞིང་ཆེན་མི་དམངས་ཞིབ་བཤེར་ཁང་གི་བྱ་བའི་སྙན་ཞུ་བཅས་ལ་ཉན།
ཞིང་ཆེན་སྲིད་གྲོས་སྐབས་བཅུ་གཉིས་པའི་གྲོས་ཚོགས་ཐེངས་གསུམ་པའི་ཨུ་ཡོན་རྣམས་གྲོས་ཚོགས་ལ་ཞུགས།
