གངས་ལྗོངས་མེ་ལོང་དྲ་བའི་འཕྲིན།  2020ལོའི་ཟླ3པའི་ཚེས4ཉིན་གྱི་ཆུ་ཚོད0ནས24བར། མཚོ་སྔོན་ཞིང་ཆེན་དུ་གསར་དུ་ཏོག་དབྱིབས་ནད་དུག་གསར་བའི་གློ་ཚད་འགོས་པའི་ནད་རྟགས་ཐག་བཅད་པའི་ནད་པ་དང་དོགས་ཡོད་ནད་པ་གཅིག་ཀྱང་མེད།

ཟླ3ཚེས4ཉིན་གྱི་ཆུ་ཚོད24བར་དུ། མཚོ་སྔོན་ཞིང་ཆེན་དུ་བསྡོམས་པས་ཏོག་དབྱིབས་ནད་དུག་གསར་བའི་གློ་ཚད་རིམས་ནད་འགོས་པའི་ནད་རྟགས་ཐག་བཅད་པའི་ནད་པ18ཡོད་ཅིང་།（ཟི་ལིང་གྲོང་ཁྱེར་དུ་ནད་པ15དང་། མཚོ་བྱང་ཁུལ་དུ་ནད་པ3ཡོད།）ནད་པ་ཚང་མ་སངས་དྲག་བྱུང་ནས་སྨན་ཁང་ལས་ཕྱིར་བུད།

མིག་སྔར་ནད་པར་འབྲེལ་འདྲིས་ཡོད་པའི་མི437ལ་རྗེས་འདེད་བརྟག་དཔྱད་བྱས་ཤིང་།  ཚང་མར་ནད་འགོས་མེད་པས་སྨན་བཅོས་ལྟ་ཞིབ་བྱེད་མཚམས་བཞག   ཟླ2པའི་ཚེས6ཉིན་ནས་བཟུང་།  རང་ཞིང་ཆེན་དུ་བསྟུད་མར་ཉིན28རིང་གསར་དུ་ཏོག་དབྱིབས་ནད་དུག་གསར་བའི་གློ་ཚད་འགོས་པའི་ནད་རྟགས་ཐག་བཅད་པའི་ནད་པ་དང་དོགས་ཡོད་ནད་པ་གཅིག་ཀྱང་མ་བྱུང་།