དབྱི་ཐཱ་ལེའི་དམངས་དོན་སྲུང་སྐྱོབ་སྡེ་ཁག་གི་འགན་ཁུར་བ། ཏོག་དབྱིབས་ནད་དུག་འཕྲལ་སྒྲུབ་ཨུ་ཡོན་ལྷན་ཁང་གི་ཆེད་དོན་པ་པའོ་ལོས་ལེ་ཡིས་ཚེས་ཉི་ཤུ་ཉིན་བཤད་རྒྱུར། ཉིན་དེའི་ཕྱི་དྲོའི་དུས་ཚོད་དྲུག་བར། དབྱི་ཐཱ་ལེ་རུ་ཏོག་དབྱིབས་ནད་དུག་གསར་བའི་གློ་ཚད་ཀྱི་རིམས་ནད་འགོས་པའི་ནད་པ་ཁྲི་བཞི་དང་སྟོང་བདུན་ཉེར་གཅིག་ཏུ་བསླེབ་ཡོད་ལ། རིམ་རྩིས་ཀྱིས་ནད་པ་སྟོང་བཞི་དང་སོ་གཉིས་རྐྱེན་ལམ་དུ་ཤོར་ཡོད་པ་དང་། གཞན་ཡང་ནད་པ་སྟོང་ལྔ་དང་བརྒྱ་ཉེར་དགུ་བཅུ་དྲག་སྐྱེད་བྱུང་ཡོད་ཟེར། 

སྡེ་ཁག་དེས་བསྡོམས་རྩིས་བྱས་པའི་གཞི་གྲངས་ལྟར་ན། དབྱི་ཐཱ་ལེ་རུ་ཏོག་དབྱིབས་ནད་དུག་གསར་བའི་གློ་ཚད་ཀྱི་རིམས་ནད་འགོས་པའི་ནད་པ་སྔ་ཉིན་ལས་སྟོང་ལྔ་དང་དགུ་བརྒྱ་གྱ་དྲུག་ཇེ་མང་དུ་སོང་བ་དང་། རྐྱེན་ལམ་དུ་ཤོར་བའི་ནད་པ་སྔ་ཉིན་ལས་དྲུག་བརྒྱ་དང་ཉེར་བདུན་ཇེ་མང་དུ་སོང་ཡོད་ལ། རིམ་རྩིས་ཀྱིས་དྲག་སྐྱེད་བྱུང་བའི་ནད་པ་སྔ་ཉིན་ལས་དྲུག་བརྒྱ་དང་གྱ་དགུ་ཇེ་མང་དུ་སོང་ཡོད་ཟེར། 

མཚམས་སྦྱོར་བྱས་པ་ལྟར་ན། ད་ལྟ་ངོས་འཛིན་བྱས་པའི་ནད་པའི་ཁྲོད། ནད་པ་ཁྲི་གཅིག་དང་སྟོང་དྲུག་ཉི་ཤུ་ཡིས་སྨན་ཁང་དུ་གསོ་བཅོས་བྱེད་བཞིན་ཡོད་པ་དང་། མི་སྟོང་གཉིས་དང་དྲུག་བརྒྱ་ང་ལྔ་ཡིས་ནད་ལྗིད་མོའི་ལྟ་སྐྱོང་ཁང་དུ་གསོ་བཅོས་བྱེད་བཞིན་ཡོད། གཞན་ཡང་མི་ཁྲི་གཅིག་དང་སྟོང་དགུ་བརྒྱ་གྱ་ལྔ་རང་ཁྱིམ་དུ་བཀག་ཡོད་པ་རེད།

ལོ་ཙཱ་བ། བསོད་ནམས་ཚེ་རིང་།