འཛམ་གླིང་འཕྲོད་བསྟེན་རྩ་འཛུགས་ཀྱིས་ཚེས་བཅུ་ཉིན་ཁྱབ་སྒྲོག་བྱས་པའི་གཞི་གྲངས་གསར་བ་ལྟར་ན། འཛམ་གླིང་ཡོངས་སུ་རིམ་བརྩིས་ཀྱིས་པྲོག་གསར་གློ་ཚད་རིམས་ནད་བྱུང་བའི་ནད་པའི་ཁ་གྲངས་དུང་ཕྱུར་གཅིག་དང་ས་ཡ་དྲུག་འབུམ་ལྔ་ཁྲི་ལྔ་སྟོང་ལྔ་ཉིས་བརྒྱ་དང་དྲུག་ལ་བསླེབས་ཡོད།

འཛམ་གླིང་འཕྲོད་བསྟེན་རྩ་འཛུགས་ཀྱིས་བསྒྲགས་པའི་གཞི་གྲངས་གསར་བ་ལྟར་ན། ཡོ་རོབ་གླིང་དབུས་ཕྱོགས་ཀྱི་དུས་ཚོད་ཚེས་བཅུ་ཉིན་གྱི་དུས་ཚོད་བཅུ་བདུན་དང་སྐར་མ་བདུན་བར། འཛམ་གླིང་ཡོངས་སུ་པྲོག་གསར་གློ་ཚད་རིམས་ནད་བྱུང་བའི་ནད་པའི་ཁ་གྲངས་སྔ་ཉིན་ནས་འབུམ་གསུམ་དང་ཁྲི་གསུམ་སྟོང་བཞི་དྲུག་བརྒྱ་དང་ཞེ་བརྒྱད་ཇེ་མང་དུ་སོང་སྟེ། བསྡོམས་པས་ནད་པ་དུང་ཕྱུར་གཅིག་དང་ས་ཡ་དྲུག་འབུམ་ལྔ་ཁྲི་ལྔ་སྟོང་ལྔ་ཉིས་བརྒྱ་དང་དྲུག་ལ་བསླེབས་ཡོད། རྐྱེན་ལམ་དུ་ཤོར་བའི་ནད་པའི་ཁ་གྲངས་སྔ་ཉིན་ལས་ཁྲི་གཅིག་དང་བདུན་བརྒྱ་དང་གཉིས་ཇེ་མང་དུ་སོང་ནས། བསྡོམས་པས་རྐྱེན་ལམ་དུ་ཤོར་བའི་ནད་པ་ས་ཡ་གཉིས་དང་འབུམ་གསུམ་ཁྲི་གསུམ་སྟོང་གསུམ་བཞི་བརྒྱ་དང་ཞེ་དྲུག་ལ་བསླེབས་ཡོད།

                                                                                                                  ལོ་ཙཱ་བ། བཀྲ་ཤིས་འབུམ།