མཚོ་སྔོན་ཞིང་ཆེན་མི་རིགས་མཐུན་སྒྲིལ་ཡར་ཐོན་སྔོན་ཐོན་ཁུལ་གསར་འཛུགས་བྱ་བའི་མགོ་ཁྲིད་ཚན་ཆུང་གཞུང་སྒྲུབ་ཁང་དང་། མཚོ་སྔོན་ཞིང་ཆེན་རྒྱང་སྒྲོག་བརྙན་འཕྲིན་ཅུའུ། མཚོ་སྔོན་རྒྱང་སྒྲོག་བརྙན་འཕྲིན་ཁང་བཅས་ཀྱིས་མཉམ་འབྲེལ་སྒོས་སྒྲུབ་པའི་མི་རིགས་མཐུན་སྒྲིལ་རྟགས་མའི་སྒྲ་སྙན་རྡུང་ལེན་འགྲན་སྡུར་སྐབས་བདུན་པའི་བྱ་དགའི་རིམ་པ་གཤམ་གསལ་ལྟར།

ཨང་དང་པོ་གཅིག་དང་།  ཨང་གཉིས་པ་གཉིས།  ཨང་གསུམ་པ་གསུམ། དྲ་ཐོག་ནས་འདེམ་ཤོག་ཕངས་ཏེ་བདམས་ཐོན་བྱུང་བའི་ཀུན་གྱི་ཡིད་སྨོན་ཐོབ་པའི་རྡུང་ལེན་མཁན་གཅིག་བཅས་ཡོད་པར་མ་ཟད། ད་དུང་རྟིང་རྩོད་དུ་ཚུད་པའི་འགྲན་ཞུགས་པ་ཚང་མར་གཟི་བརྗིད་དཔང་ཡིག་སྟེར་ངེས་ཡིན།

མིང་ཐོ་འགོད་པར་བརྙན་ཡོལ་གཡོན་ཟུར་གྱི་སྐད་འཕྲིན་བཤེར་རིས་བརྒྱུད་ནས་མིང་ཐོ་འགོད་དགོས་ལ། མིང་ཐོ་འགོད་སྐབས་འགྲན་ཞུགས་པས་རང་ཉིད་ཀྱི་སྡོད་དམངས་ལག་འཁྱེར་གྱི་ཨང་གྲངས་དང་ཁ་པར་ཨང་གྲངས། རང་ཉིད་ཀྱི་འདྲ་པར་བཅས་བསྐུར་ཡོང་དགོས། བློ་འདྲིའི་ཁ་པར་ཨང་གྲངས155-0060-7387ཡིན།

སྒྲ་སྙན་རྡུང་ལེན་འགྲན་སྡུར་སྐབས་བདུན་པའི་གནས་ཚུལ་གསལ་བོར་ཤེས་འདོད་ན་མུ་མཐུད་དུ་མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་གི་གངས་ལྗོངས་མེ་ལོངAPPདང་། ཉིན་རེའི་གངས་ལྗོངས་སྐད་འཕྲིན་སྤྱི་སྟེགས། མཚོ་སྔོན་བོད་སྐད་རླུང་འཕྲིན་གྱི་སྐད་འཕྲིན་སྤྱི་སྟེགས་བཅས་ལ་ཐུགས་སྣང་མཛད་རོགས།