ཟླ་གསུམ་པའི་ཚེས་དགུ་ཉིན། གསར་འགོད་པས་རྒྱལ་ཡོངས་དམངས་ཆེན་སྐབས་བཅུ་གསུམ་པའི་གྲོས་ཚོགས་ཐེངས་བཞི་པའི་ཚོགས་ཆེན་གྱི་དྲུང་ཡིག་ཁྲུའུ་ནས་རྒྱུས་ལོན་བྱུང་བ་ལྟར་ན། ཚོགས་ཆེན་གྱི་ཀྲུའུ་ཞི་ཚོགས་པས་ཐག་བཅད་པའི་འཐུས་མིས་གྲོས་གཞི་འདོན་པའི་དུས་ཡུན་ནང་དུ་ཚོགས་ཆེན་གྱི་དྲུང་ཡིག་ཁྲུའུ་ལ་བསྡོམས་པས་འཐུས་མིས་བཏོན་པའི་གྲོས་གཞི་བཞི་བརྒྱ་དང་དོན་གསུམ་འབྱོར། དེའི་ནང་དུ་འཐུས་མིས་ཆེད་དོན་རྟོག་ཞིབ་དང་གཅིག་བསྡུས་ལྟ་ཞིབ། ཡང་ན་བཞུགས་མོལ་དང་འཚམས་འདྲི་སོགས་ཀྱི་རྣམ་པར་བརྟེན་ནས་བྱུང་བའི་གྲོས་གཞི་དེ་གྲོས་གཞིའི་སྤྱི་གྲངས་ཀྱི་སུམ་ཆའི་གཉིས་ལས་བརྒལ་ཡོད།
གྲོས་གཞི་མང་ཤོས་ནི་བཅའ་ཁྲིམས་སྐོར་གྱི་གྲོས་གཞི་ཡིན་ལ་བསྡོམས་པས་གྲོས་གཞི་བཞི་བརྒྱ་དང་རེ་ལྔ་ཡོད། དེ་གཙོ་བོ་དམངས་ཚིས་འགན་སྲུང་དང་སྤྱི་ཚོགས་བཅོས་སྐྱོང་། དེང་རབས་ཅན་གྱི་དཔལ་འབྱོར་མ་ལག་འཐུས་ཚང་དུ་གཏོང་བ་སོགས་ཀྱི་ཁྱབ་ཁོངས་སུ་འདུས་ཡོད།
དེ་ལས་གཞན་ཚོགས་ཆེན་གྱི་དྲུང་ཡིག་ཁྲུའུ་ལ་ད་དུང་འཐུས་མིས་བྱ་བ་སོ་སོའི་ཐད་ནས་བཏོན་པའི་གྲོས་གཞི་དང་སྐྱོན་བརྗོད། བསམ་འཆར་སོགས་ཀྱི་གྲོས་གཞི་སྟོང་དགུ་ཙམ་འབྱོར།
བཀྲ་ཤིས་འབུམ་གྱིས་བསྒྱུར།
