ཟླ་གསུམ་པའི་ཚེས་བཞི་ཉིན་གྱི་སྔ་དྲོར། རྒྱལ་ཡོངས་དམངས་ཆེན་སྐབས་བཅུ་གསུམ་པའི་གྲོས་ཚོགས་ཐེངས་ལྔ་པའི་ཀྲུའུ་ཞི་ཚོགས་པས་པེ་ཅིང་མི་དམངས་ཚོགས་ཁང་ཆེན་མོའི་ནང་དུ་གྲོས་ཚོགས་ཐེངས་དང་པོ་བསྡུས་པ་དང་། རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་ལིས་ཀྲན་ཧྲུའུ་ཡིས་ཚོགས་འདུར་འགོ་འཛིན་བྱས།

ཟླ་གསུམ་པའི་ཚེས་བཞི་ཉིན་གྱི་སྔ་དྲོར། རྒྱལ་ཡོངས་དམངས་ཆེན་སྐབས་བཅུ་གསུམ་པའི་གྲོས་ཚོགས་ཐེངས་ལྔ་པའི་ཀྲུའུ་ཞི་ཚོགས་པས་པེ་ཅིང་མི་དམངས་ཚོགས་ཁང་ཆེན་མོའི་ནང་གྲོས་ཚོགས་ཐེངས་དང་པོ་བསྡུས་པ་དང་། རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་ལིས་ཀྲན་ཧྲུའུ་ཡིས་ཚོགས་འདུར་འགོ་འཛིན་བྱས།

ཀྲུའུ་ཞི་ཚོགས་པའི་ཚོགས་འདུར་མི་བརྒྱ་དང་དོན་བཞི་ཐོན་དགོས་པ་དང་མི་བཞི་ཚོགས་འདུར་ཞུགས་མ་ཐུབ་ལ། ཚོགས་འདུར་ཞུགས་པའི་མི་གྲངས་ཁྲིམས་བཀོད་མི་གྲངས་དང་མཐུན།

གྲོས་ཚོགས་ནས་ཐོག་མར་རྒྱལ་ཡོངས་དམངས་ཆེན་སྐབས་བཅུ་གསུམ་པའི་གྲོས་ཚོགས་ཐེངས་ལྔ་པའི་ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞི་འོས་འདེམས་བྱས།  ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞིའི་འགན་དེ་རྒྱལ་ཡོངས་དམངས་ཆེན་སྐབས་བཅུ་གསུམ་པའི་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་དང་། ཨུ་ཡོན་ཀྲང་གཞོན་པ། དྲུང་ཡིག་ཆེན་མོ་བཅས་ཀྱིས་འཁུར་རྒྱུ་བྱས་ལ། ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞིས་ཀྲུའུ་ཞི་ཚོགས་པའི་ཚོགས་འདུ་བསྡུས་ནས་དེར་འགོ་འཛིན་བྱས།

ཚོགས་ཐོག་ནས་བརྡས་ཐག་བཅད་དེ་རྒྱལ་ཡོངས་དམངས་ཆེན་སྐབས་བཅུ་གསུམ་པའི་གྲོས་ཚོགས་ཐེངས་ལྔ་པའི་ཉིན་རེའི་གྲོས་རིམ་ལ་གྲོས་འཆམ་བྱུང་ཞིང་། ཚོགས་འདུའི་ཉིན་རེའི་གྲོས་རིམ་ལྟར་ན། ཐེངས་འདིའི་ཚོགས་ཆེན་ནི་ཟླ་གསུམ་པའི་ཚེས་ལྔ་ཉིན་གྱི་སྔ་དྲོར་ཚོགས་རྒྱུ་དང་ཟླ་གསུམ་པའི་ཚེས་བཅུ་གཅིག་ཉིན་གྱི་སྔ་དྲོར་གྲོལ་རྒྱུ་ཡིན་ལ། ཁྱོན་བསྡོམས་ཚོགས་ཡུན་ཉིན་དྲུག་དང་ཕྱེད་ཀ་རེད།

རྒྱལ་ཡོངས་དམངས་ཆེན་གྱི་ལས་རིམ་གྱི་སྒྲིག་སྲོལ་གཏན་འབེབས་ལྟར་ན། ཀྲུའུ་ཞི་ཚོགས་པའི་ཚོགས་འདུ་ཐེངས་དང་པོའི་སྟེང་ནས་ཀྲུའུ་ཞི་ཚོགས་པའི་ཁོངས་མི་འགའ་བདམས་པ་དང་། བདམས་ཐོན་བྱུང་བའི་ཁོངས་མི་དེ་དག་གིས་སོ་སོར་ཚོགས་ཆེན་གྱི་ཚང་འཛོམས་གྲོས་ཚོགས་རེ་རེའི་ལག་བསྟར་ཀྲུའུ་ཞིའི་འགན་འཁུར་རྒྱུ་རེད། ཚོགས་ཐོག་ནས་བརྡས་ཐག་བཅད་པ་བརྒྱུད་དེ་ཚོགས་ཆེན་གྱི་ཚང་འཛོམས་གྲོས་ཚོགས་ཀྱི་ལག་བསྟར་ཀྲུའུ་ཞི་བདམས།

ཚོགས་ཐོག་ནས་བརྡས་ཐག་བཅད་དེ་དབྱང་ཀྲིན་ཝུའུ་དང་ཞིན་ཁྲུན་དབྱིན། ལིས་ཧྥེ། ཀྲང་ཡེ་སུའེ། ཁུང་ཧྲའོ་ཞུན། ལིས་པའོ་རུང་བཅས་ཚོགས་ཆེན་གྱི་དྲུང་ཡིག་ཆེན་མོ་གཞོན་པ་བྱ་རྒྱུའི་གཏན་འབེབས་བཟོས། ཀྲང་ཡེ་སུའེ་ཡིས་ཚོགས་ཆེན་ཡིས་ཞོར་དུ་ཚོགས་ཆེན་གྱི་མགྲིན་ཚབ་པའི་འགན་འཁུར་རྒྱུ་བྱས།

ཚོགས་ཐོག་ནས་བརྡས་ཐག་བཅད་དེ་ཚོགས་ཆེན་སྐབས་ཀྱི་འཐུས་མིས་གྲོས་གཞི་འདོན་མཚམས་འཇོག་པའི་དུས་ཡུན་ཟླ་གསུམ་པའི་ཚེས་བརྒྱད་ཉིན་གྱི་དུས་ཚོད་བཅུ་གཉིས་བར་ཡིན་པ་ཐག་བཅད། ཚོགས་འདུ་དངོས་ཀྱི་སྐབས་སུ། ཚོགས་ཆེན་གྱི་དྲུང་ཡིག་ཁྲུའུ་ཡིས་འཐུས་ཚབ་ཚོགས་པ་དང་འཐུས་མིས་ཚོགས་ཆེན་དངོས་ཀྱི་སྐབས་བཏོན་པའི་གྲོས་གཞིར་ཞིབ་འཇུག་བྱས་ནས་ཐག་གཅོད་བསམ་འཆར་འདོན་པ་དང་ཀྲུའུ་ཞི་ཚོགས་པར་སྙན་ཞུ་འབུལ་རྒྱུའི་ཐག་གཅོད་བྱས།