ཟླ་བརྒྱད་པའི་ཚེས་བཅུ་དགུ་ཉིན། ཁྱད་ལྡན་དངོས་རིགས་དང་སྐྱེ་དངོས་སྣ་མང་རང་བཞིན་གྱི་སྲུང་སྐྱོབ་ཅེས་པའི་བརྗོད་དོན་གླེང་སྟེགས་ཟི་ལིང་དུ་བསྡུས། ཧྲིན་ཀྲང་གཞོན་པ་ལིའུ་ཐའོ་ཡིས་འགོ་འཛིན་བྱས།
རྒྱལ་ཁབ་སྤྱི་གླིང་ཞིབ་འཇུག་ཁང་གི་ཡོན་ཀྲང་ཨོའུ་དབྱང་ཀྲི་ཡུན་དང་པེ་ཅིང་དགེ་འོས་སློབ་ཆེན་གྱི་དགེ་རྒན་ཆེན་མོ་ཀྲང་ཀྲིན་ཝང་། ཝུ་ར་ཀུའེ་ཡི་ཀྲུང་གོར་སྡོད་པའི་གཞུང་ཚབ་ཆེན་མོ་ལུའུ་ཀི་ལིས་སི། པེ་ཅིང་སློབ་ཆེན་གྱི་ཚེ་སྲོག་ཚན་རིག་སློབ་གླིང་གི་དགེ་རྒན་ཆེན་མོ་ལོའུ་ཀྲི། ཀྲུང་གོ་ནགས་ལས་ཚན་རིག་ཞིབ་འཇུག་ཁང་གི་ཞིབ་འཇུག་པ་ལིའུ་ཧྲི་རོང་། ཀྲུང་གོ་ཚན་རིག་གླིང་ཁུན་མེན་རྩི་ཤིང་ཞིབ་འཇུག་ཁང་གི་ཞིབ་འཇུག་པ། ཁུན་མེན་རྩི་ཤིང་གླིང་གི་གླིང་གཙོ་སུན་ཝེ་པང་། པའོ་ཨར་སིན་ཐེབས་རྩ་ཚོགས་པའི་བློ་འདོན་པ། ཞིབ་འཇུག་པ་ཐང་རུའེ། ཀྲུང་གོ་ཚན་རིག་གླིང་གི་སྲོག་ཆགས་ཞིབ་འཇུག་ཁང་གི་ཞིབ་འཇུག་པ། ཀྲུང་གི་ཚན་རིག་གླིང་གི་སློབ་ཆེན་དགེ་རྒན་ཆེན་མོ་ཅང་ཀྲི་ཀང་། མཚོ་སྔོན་སློབ་ཆེན་གྱི་ཞིང་ཆེན་དང་པུའུ་ཡིས་མཉམ་འཛུགས་བྱས་པའི་རྒྱལ་ཁབ་ཚོད་ལྟ་ཁང་གཙོ་བོའི་ཞིབ་འཇུག་པ་ཀྲའོ་ཞིན་ཆོན་སོགས་ཀྱིས་སོ་སོར་རང་རྒྱལ་ཀྱི་སྐྱེ་དངོས་སྣ་མང་རང་བཞིན་གྱི་གནས་སྟངས་དང་རྒྱལ་ཁབ་སྤྱི་གླིང་གི་བཀོད་སྒྲིག་ཐད་ཀྱི་ཞིབ་འཇུག ཝུ་ར་ཀུའེ་ཡིས་སྐྱེ་དངོས་སྣ་མང་རང་བཞིན་དང་སྤྱི་དམངས་ཀྱི་སྲུང་སྐྱོབ་སྲིད་ཇུས། དོམ་དང་གསའ་ཡི་བྱེད་ནུས། ཚ་ཁུལ་གྱི་ཆར་ནགས་སྐྱེ་ཁམས་མ་ལག་གི་སྲུང་སྐྱོབ་དང་སླར་གསོ། སྤྱི་དམངས་སྐྱེ་དངོས་སྣ་མང་རང་བཞིན་གྱི་སྲུང་སྐྱོབ་ཁྲོད་ཞུགས་པའི་དོན་སྙིང་གལ་ཆེན། རྨ་འབྲི་རྫ་གསུམ་འབྱུང་ཡུལ་རྒྱལ་ཁབ་སྤྱི་གླིང་གི་དངོས་རིགས་སྲུང་སྐྱོབ་ཐད་ཀྱི་གསར་གཏོད་དང་ལག་ལེན་ཞེས་པ་སོགས་ལ་དམིགས་ནས་བརྗོད་དོན་གཏམ་བཤད་བྱས།
བརྗོད་དོན་གླེང་སྟེགས་ཀྱིས་ཁྱད་ལྡན་དངོས་རིགས་དང་སྐྱེ་ཁམས་སྣ་མང་རང་བཞིན་གྱི་སྲུང་སྐྱོབ་ཁྱབ་ཁོངས་ཀྱི་ཆེས་གསར་པའི་གཞུང་ལུགས་གྲུབ་འབྲས་དང་ལག་ལེན་ཉམས་མྱོང་སྤྱི་སྡོམ་བྱས་པ་དང་། རྒྱང་ལྟའི་རང་བཞིན་དང་སྣེ་ཁྲིད་རང་བཞིན་ལྡན་པའི་འདུ་ཤེས་གསར་པ་དང་ལྟ་བ་གསར་པ་རབ་དང་རིམ་པར་རྒྱས་བཤད་བྱས་པར་མ་ཟད། འཐབ་ཇུས་རང་བཞིན་དང་སྣེ་ཁྲིད་རང་བཞིན་ལྡན་པའི་འཕེལ་རྒྱས་ཇུས་གཞི་དང་འགུལ་སྐྱོད་འཆར་གཞི་རབ་དང་རིམ་པ་གྲུབ་པར་བྱས་པ་དང་། དེ་དག་སྐྱེ་དངོས་སྣ་མང་རང་བཞིན་གྱི་སྲུང་སྐྱོབ་དང་སྐྱེ་ཁམས་མ་ལག་བཅོས་སྐྱོང་ལ་སྐུལ་འདེད་གཏོང་བར་དོན་སྙིང་གལ་ཆེན་ལྡན།
ལྷ་མོ་ཚེ་རིང་གིས་བསྒྱུར།
