ཟླ12པའི་ཚེས19ཉིན། ཀྲུང་དབྱང་སྐྱེ་ཁམས་ཁོར་ཡུག་སྲུང་སྐྱོབ་ལྟ་ཞིབ་ཚན་ཆུང་ལྔ་པས་མཚོ་སྔོན་ཞིང་ཆེན་ལ་སྐོར་ཐེངས་ཉེར་བདུན་པའི་མང་ཚོགས་ཀྱི་འཕྲིན་བཅར་ཞུ་གཏུག་གནད་དོན49སྤྲད་དེ་བསྒྲུབ་ཏུ་བཅུག དེའི་ཁྲོད་ཁ་པར་ཞུ་གཏུག43དང་འཕྲིག་ཡིག་ཞུ་གཏུག6ཡོད། དེའི་ནང་ཆེས་དོ་སྣང་བྱེད་པའི་གནད་དོན3ཡོད། བསྒྲུབ་ཏུ་བཅུག་པའི་འཕྲིན་བཅར་ཞུ་གཏུག་གནད་དོན49དེ་ཞིང་ཆེན་ཡོངས་ཀྱི་གྲོང་ཁྱེར་དང་ཁུལ་བདུན་ལ་འབྲེལ་ཞིང་། དེའི་ནང་ཟི་ལིང་གྲོང་ཁྱེར་དུ་གནད་དོན33དང་། མཚོ་ཤར་གྲོང་ཁྱེར་དུ་གནད་དོན7། མཚོ་ནུབ་སོག་རིགས་བོད་རིགས་རང་སྐྱོང་ཁུལ་དུ་གནད་དོན1། མཚོ་ལྷོ་བོད་རིགས་རང་སྐྱོང་ཁུལ་དུ་གནད་དོན3། མཚོ་བྱང་བོད་རིགས་རང་སྐྱོང་ཁུལ་དུ་གནད་དོན2། ཡུས་ཧྲུའུ་བོད་རིགས་རང་སྐྱོང་ཁུལ་དུ་གནད་དོན1། མགོ་ལོག་བོད་རིགས་རང་སྐྱོང་ཁུལ་དུ་གནད་དོན2བཅས་ཡོད། མང་ཚོགས་ཀྱིས་ཞུ་གཏུག་བྱས་པའི་གནད་དོན་དེ་འཛེར་སྒྲའི་སྦགས་བཙོག་ལ་འབྲེལ་བའི་གནད་དོན11དང་། སྐྱེ་ཁམས་གཏོར་བརླག་ལ་འབྲེལ་བའི་གནད་དོན13། རླུང་ཁམས་ཆེན་མོའི་སྦགས་བཙོག་ལ་འབྲེལ་བའི་གནད་དོན12།  ས་གཤིས་སྦགས་བཙོག་ལ་འབྲེལ་བའི་གནད་དོན7།  གཞན་པའི་སྦགས་བཙོག་དང་འབྲེལ་བའི་གནད་དོན2བཅས་ཡོད།

མིག་སྔར་ཀྲུང་དབྱང་སྐྱེ་ཁམས་ཁོར་ཡུག་སྲུང་སྐྱོབ་ལྟ་ཞིབ་ཚན་ཆུང་ལྔ་པས་རང་ཞིང་ལ་སྤྲད་ནས་བསྒྲུབ་ཏུ་བཅུག་པའི་སྐོར་ཐེངས་ཉེར་བདུན་པའི་མང་ཚོགས་ཀྱི་འཕྲིན་བཅར་ཞུ་གཏུག་གནད་དོན་དག་སོ་སོར་འབྲེལ་ཡོད་ཀྱི་གྲོང་ཁྱེར་དང་ཁུལ། སྡེ་ཁག་བཅས་ལ་སྤྲད་ཡོད་པ་དང་། ས་ཁུལ་སོ་སོ་དང་སྡེ་ཁག་སོ་སོས་གོ་རིམ་ལྟར་དུས་ཚོད་དམ་འཛིན་བྱས་ནས་སྒྲུབ་བཞིན་ཡོད།