ཟླ་ལྔ་པའི་ཚེས་བཅུ་གཉིས་ཉིན་གསར་འགོད་པས་ནུབ་རྒྱུད་གཏེར་ལས་སྡེ་ཚོགས་ཚད་ཡོད་ཀུང་ཟི་ནས་རྒྱུས་ལོན་བྱུང་བ་ལྟར་ན། ནུབ་རྒྱུད་གཏེར་ལས་སྡེ་ཚོགས་ཀུང་ཟིའི་ཏང་ཨུ་ཡིས“དགོངས་པ་སློབ། ཏང་གཤིས་བསྐྱེད། ལག་ལེན་འཛིན། བྱས་རྗེས་འཇོག”ཅེས་པའི་སྤྱིའི་བླང་བྱ་ཁོང་དུ་བརྟན་པོར་ཆུད་པར་བྱས་ནས། བརྗོད་དོན་གཙོ་བོར་དམིགས་པ་དང་གཙོ་རྐང་ལ་དམ་པོར་དམིགས་ཏེ། ཀྲུང་དབྱང་གི་དགོངས་དོན་དང་ཞིང་ཆེན་ཏང་ཨུའི་བླང་བྱར་གོ་བ་ཡང་དག་བླངས་པ་དང་། སློབ་སྦྱོང་གཏིང་ཟབ་དང་དངོས་འཛིན་དངོས་སྒྲུབ། ཞིབ་བཤེར་དག་ཐེར་བཅས་བྱས་ཏེ། “སློབ་དང་ཟབ། རྣལ”བཅས་ཡིག་འབྲུ་གསུམ་པོ་ནུས་ཤུགས་ཡོད་རྒུས་དམ་འཛིན་བྱས་ནས། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་སློབ་སྦྱོང་དང་ལག་བསྟར་བྱེད་པའི་བརྗོད་དོན་སློབ་གསོ་གཏིང་ཟབ་དང་ཏན་ཏིག་ངང་སྤེལ་རྒྱུར་སྐུལ་འདེད་བཏང་།
དྲ་ལམ་དང་དྲ་ཕྱི་ཟུང་འབྲེལ་གྱི་་སློབ་སྦྱོང་རྣམ་པ་གསར་གཏོད་བྱས་ནས། སློབ་སྦྱོང་རྒྱུན་གཏན་གྱི་ཁྱབ་ཁོངས་ཁྲོད་བཅུག་ནས། ཀུང་ཟི་ཡོངས་ཀྱི་ཁྱབ་ཁོངས་ཁྲོད་ནས་སྒྲོག་འགྲེལ་བྱེད་སྒོ་སྤེལ་བ་དང་། རྩ་འཛུགས་བྱས་ནས་གསར་བརྗེ་སློབ་གསོའི་གློག་བརྙན་སྟོན་པ། བརྗོད་དོན་སློབ་གསོའི་ཏང་གི་སློབ་ཁྲིད་བྱེད་སྒོ་སྤེལ་བ། དུས་ཡུན་ཉིན་བདུན་གྱི་རིང་ལ་གཞུང་ལུགས་སློབ་སྦྱོང་གི་ལྟེ་གནས་ཚན་ཆུང་གི་བརྗོད་དོན་སློབ་གསོའི་གཟའ་མཇུག་གི་དཔེ་ཀློག་འཛིན་གྲྭ་གཉེར་བ་བཅས་ལ་བརྟེན་ནས། ཀུང་ཟིའི་ཏང་ཨུ་ཡི་གཞུང་ལུགས་སློབ་སྦྱོང་ལྟེ་གནས་ཚན་ཆུང་གིས་གཞི་རིམ་གྱི་ཏང་རྩ་འཛུགས་སོ་སོར་རང་འགུལ་ངང་སློབ་སྦྱོང་ལ་སྐུལ་སྤེལ་གཏོང་བའི་རྣམ་པ་ལེགས་པོ་ཞིག་ངང་གིས་གྲུབ་པར་བྱས།
གཞི་རིམ་གྱི་འཐབ་ཕྱོགས་དང་པོར་ཟབ་ཞུགས་དང་འཁོར་ཁང་དང་ཚན་ཆུང་དུ་ཟབ་ཞུགས་གང་ལེགས་བྱས་ཏེ། ཐོན་ལས་དང་མ་ལག ཁྱབ་ཁོངས་བཅས་སོ་སོར་དབྱེ་ནས་རྣམ་པ་འདྲ་མིན་སྣ་ཚོགས་ཀྱི་སྒོ་ནས་བརྟག་དཔྱད་ཞིབ་འཇུག་བྱས་ཏེ། འཕེལ་རྒྱས་ཀྱི་དགོས་མཁོ་དང་བཅོས་སྒྱུར་གྱི་དགོས་མཁོ། གཞི་རིམ་གྱི་རེ་འདུན། དམངས་ཀྱི་བློ་ཁ་ཕྱོགས་ས་བཅས་ཀྱི་གནད་དོན་ཁག་ཅིག་ཐག་གཅོད་པར་སྐུལ་འདེད་གང་ལེགས་བཏང་། མིག་སྔའི་བར་དུ། ཀུང་ཟིའི་གཞི་རིམ་ཏང་རྩ་འཛུགས་སོ་སོས་བརྟག་དཔྱད་ཞིབ་འཇུག་བྱ་གཞི་ཉིས་བརྒྱ་ཉེར་གསུམ་དངོས་སུ་བཟོས་ཡོད་པ་དང་།གཞུང་ལུགས་སློབ་སྦྱོང་དང་ཆབ་སྲིད་ཀྱི་བྱང་ཚད། འཇོན་ཐང་། འགན་འཁུར་གྱི་ནུས་པ། ལས་ཀའི་ཀུན་སྤྱོད། སྤྱོད་གཙང་རང་གཅུན་བཅས་ཕྱོགས་དྲུག་གི་གནད་དོན་ལ་ཞིབ་བཤེར་བྱས་པ་དང་། མགོ་ཁྲིད་ཚན་ཁག་གི་གནད་དོན་བཞི་དངོས་སུ་བཏོན་ནས་གསེད་བཀྲོལ་བྱས་ལ། ཞིབ་འཇུག་བྱས་ཏེ་བྱེ་བྲག་གི་བྱེད་ཐབས་བཅུ་བཞི་དངོས་སུ་བཏོན་ཡོད། དེ་མིན་ད་དུང་གཞི་རིམ་ཏང་རྩ་འཛུགས་སོ་སོས་གནད་དོན་ཁག་བརྒྱ་དང་བཅུ་གཉིས་ལ་ཞིབ་བཤེར་བྱས་ཏེ། གསལ་ཁྲ་བཟོས་པ་དང་རྩིས་ཁྲ་བཟོས་ལ། གནས་པའི་གནད་དོན་དང་རྒྱུ་རྐྱེན་ལ་ཞིབ་བཤེར་དང་དེ་གསལ་སྟོན་གཏིང་ཟབ་བཅས་བྱས་ནས། གནད་དོན་ཐག་གཅོད་བྱེད་པའི་ལས་ཀའི་བསམ་ཕྱོགས་དང་གནད་འཁེལ་བྱེད་ཐབས་གང་ལེགས་ཀྱིས་བཏོན་ཡོད།
དམིགས་འབེན་ལས་འགན་གཏན་འཁེལ་བྱ་རྒྱུར་དམ་པོར་དམིགས་པ་དང་། གཙོ་གནད་བྱེད་ཐབས་ཁྱོན་ཡོངས་ནས་དོན་འཁྱོལ་བྱས་ཏེ། ཡུས་ལུང་ཟངས་ཀྱི་ལས་རིགས་ཀུང་ཟིའི་བཟོ་གྲྭ་དང་པོ་དང་གཉིས་པའི་བཟོ་རྩལ་ལག་རྩལ་རིམ་སྤོར་སྒྱུར་བཀོད་སོགས་ལས་གཞི་ཁག་ཅིག་གོ་རིམ་ལྟར་བསྒྲུབས་ནས། དོན་འཁྱོལ་བྱེད་པའི་གོ་རིམ་དངོས་ཀྱི་ཁྲོད་དུ་འགལ་རྐྱེན་རེ་རེ་བཞིན་སེལ་ནས། ལས་གཞི་རེ་རེ་སྔོན་དཔག་གི་དུས་བཅད་ལྟར་ཁྱོན་ཡོངས་ནས་ཡོངས་འགྲུབ་བྱེད་ཐུབ་པར་འགན་ལེན་བྱེད་ཀྱིན་ཡོད།
ངས་ལས་བཟོ་བར་དོན་དངོས་སྒྲུབ་ཅེས་པའི་ལག་ལེན་བྱེད་སྒོ་རྒྱུན་རྣམ་ཅན་དང་ལམ་ལུགས་ཅན་དུ་འགྱུར་བར་སྔར་ལས་སྐུལ་འདེད་བཏང་སྟེ། དུས་རིམ་རང་བཞིན་གྱི་གཙོ་གནད་གནད་དོན་དང་གནད་དོན་མངོན་གསལ་ཅན། ཡོངས་ཕན་རང་བཞིན་གྱི་དམངས་འཚོའི་གནད་དོན་བཅས་ལ་དམ་པོར་དམིགས་ནས། ངས་ལས་བཟོ་བར་དོན་དངོས་སྒྲུབ་ཅེས་པའི་ཞབས་ཞུའི་འབྲེལ་ལམ་ཁ་པར་བཟོས་ཏེ། ལས་བཟོ་བའི་དགོས་མཁོ་སྔར་ལས་སྐོང་བ་དང་ཚད་ལྡན་ཡོང་བར་བྱས་ནས། ལས་བཟོ་བར་ཞབས་འདེགས་གང་ལེགས་ཞུས་ཏེ། དོན་དངོས་སྒྲུབ་པའི་ལས་ཀའི་སྤྲོ་སེམས་དང་ཡར་བརྩོན་གྱི་སྙིང་སྟོབས་དེ་ཀུང་ཟིའི་སྤུས་ཚད་མཐོ་བའི་འཕེལ་རྒྱས་ཀྱི་སྒུལ་ཤུགས་སུ་འགྱུར་བར་བྱེད་བཞིན་ཡོད།
བན་དེ་སྐྱབས་ཀྱིས་བསྒྱུར།
