ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་གཞུང་ལམ་འགྲིམ་འགྲུལ་བདེ་འཇགས་སྐོར་གྱི་བཅའ་ཁྲིམས།

ལེའུ་བཞི་བ། གཞུང་ལམ་ཤར་བགྲོད་ཀྱི་གཏན་འཁེལ།

དོན་ཚན་སོ་བདུན་པ། གཞུང་ལམ་ལ་རླངས་འཁོར་གཏོང་ས་ཆེད་བཀར་ཡོད་ན། རླངས་འཁོར་གྱི་ཆེད་སྤྱོད་གཞུང་ལམ་ནང༌། གཏན་ལ་ཕབ་པའི་རླངས་འཁོར་ཁོ་ན་བསྐྱོད་པ་ལས། རླངས་འཁོར་གཞན་པའི་རིགས་ཆེད་སྤྱོད་གཞུང་ལམ་ནང་གཏོང་མི་ཆོག

དོན་ཚན་སོ་བརྒྱད་པ། རླངས་འཁོར་དང་ལམ་འགྲོ་བས་ངེས་པར་དུ་འགྲིམ་འགྲུལ་བརྡ་རྟགས་ལྟར་བསྐྱོད་དགོས། འགྲིམ་འགྲུལ་ཉེན་རྟོགས་ཡུལ་དངོས་ནས་བཀོད་འདོམས་བྱེད་པ་དང་འཕྲད་སྐབས། ངེས་པར་དུ་འགྲིམ་འགྲུལ་ཉེན་རྟོག་པའི་བཀོད་འདོམས་ལྟར་བསྐྱོད་དགོས། འགྲིམ་འགྲུལ་བརྡ་རྟགས་མེད་པའི་གཞུང་ལམ་སྟེང༌། ངེས་པར་དུ་བདེ་འཇགས་དང་ཤར་གཏོང་གི་རྩ་དོན་ཁག་ཐེག་བྱེད་པའི་འོག་བསྐྱོད་དགོས།

དོན་ཚན་སོ་དགུ་པ། སྤྱི་བདེ་ལས་ཁུངས་ཀྱི་འགྲིམ་འགྲུལ་དོ་དམ་སྡེ་ཁག་གིས་གཞུང་ལམ་དང་འགྲིམ་འགྲུལ་རྒྱུག་ཚད་ཀྱི་བྱེ་བྲག་གི་གནས་ཚུལ་གཞིར་བཟུང་སྟེ། འཕྲུལ་སྒུལ་རླངས་འཁོར་དང་འཕྲུལ་སྒུལ་རླངས་འཁོར་མིན་པའི་རིགས། ལམ་འགྲོ་བ་བཅས་ལ་ཤར་བགྲོད་སྣེ་འཁྲིད་དང་ཚོད་འཛིན། གཏན་འགོག་སོགས་ཀྱི་བྱེད་ཐབས་སྤྱོད་དགོས། མང་ཚོགས་རང་བཞིན་གྱི་བྱ་འགུལ་ཆེ་གྲས་དང་ཁྱབ་ཁོངས་ཆེན་པོའི་ལས་སྐྲུན་སོགས་ཀྱི་གནས་ཚུལ་དང་འཕྲད་ན། འགྲིམ་འགྲུལ་ཚོད་འཛིན་གྱི་བྱེད་ཐབས་སྤྱོད་དགོས་པ་དང༌། ཡང་ན་སྤྱི་བྱིངས་ཀྱི་གཞུང་ལམ་འགྲིམ་འགྲུལ་བྱ་འགུལ་དང་ཐད་ཀར་འབྲེལ་བ་ཡོད་པའི་གཏན་འཁེལ་འདོན་དགོས་ལ། ངེས་པར་དུ་སྔོན་ལ་སྤྱི་ཚོགས་སུ་སྤྱི་སྒྲོག་བྱེད་དགོས།

དོན་ཚན་བཞི་བཅུ་པ། རང་བྱུང་གནོད་འཚེ་དང་ནམ་ཟླ་མི་ལེགས་པའི་ཆ་རྐྱེན་ནམ་ཡང་ན་འགྲིམ་འགྲུལ་དོན་རྐྱེན་ཚབས་ཆེན་སོགས་ཀྱིས་འགྲིམ་འགྲུལ་བདེ་འཇགས་ལ་ཤུགས་རྐྱེན་ཡོད་པའི་གནས་ཚུལ་ལ་འཕྲད་ཅིང༌།  བྱེད་ཐབས་གཞན་པ་སྤྱད་ནས་འགྲིམ་འགྲུལ་བདེ་འཇགས་ཁག་ཐེག་བྱེད་དཀའ་བའི་སྐབས་སུ། སྤྱི་བདེ་ལས་ཁུངས་ཀྱི་འགྲིམ་འགྲུལ་དོ་དམ་སྡེ་ཁག་གིས་འགྲིམ་འགྲུལ་དོ་དམ་ཚོད་འཛིན་ལག་བསྟར་བྱེད་དགོས།

དོན་ཚན་ཞེ་གཅིག་པ། གཞུང་ལམ་ཤར་གཏོང་གི་འབྲེལ་ཡོད་བྱེ་བྲག་གི་གཏན་འཁེལ་གཞན་པ་ནི་རྒྱལ་སྲིད་སྤྱི་ཁྱབ་ཁང་གིས་གཏན་ལ་འབེབ་དགོས།

ལེ་ཚན་གཉིས་པ། འཕྲུལ་སྒུལ་རླངས་འཁོར་ཤར་བགྲོད་ཀྱི་གཏན་འཁེལ།

དོན་ཚན་ཞེ་གཉིས་པ། འཕྲུལ་སྒུལ་རླངས་འཁོར་གཞུང་ལམ་དུ་བསྐྱོད་སྐབས། མྱུར་ཚད་ཚོད་འཛིན་རྟགས་མཚན་གྱི་ཆེས་མཐོའི་མྱུར་ཚད་ལས་བརྒལ་མི་ཆོག  མྱུར་ཚད་ཚོད་འཛིན་གྱི་རྟགས་མཚན་མེད་པའི་ལམ་རྒྱུད་དུ། ངེས་པར་དུ་བདེ་འཇགས་ཀྱི་མྱུར་ཚད་སྲུང་འཛིན་བྱེད་དགོས།

མཚན་མོར་བསྐྱོད་པམའ་ཡང་ན་ཉེན་ཁ་འབྱུང་སླ་བའི་ལམ་རྒྱུད་དུ་བསྐྱོད་པ། གཞན་ད་དུང་རྡུལ་འཚུབ་དང་སེར་བ། ཆར་པ། ཁ་བ། སྨུག་པ། ཆབ་རོམ་སོགས་ནམ་ཟླའི་ཆ་རྐྱེན་དང་འཕྲད་སྐབས། ངེས་པར་དུ་མྱུར་ཚད་དལ་རུ་གཏོང་དགོས།

དོན་ཚན་ཞེ་གསུམ་པ། གཞུང་ལམ་གཅིག་ཏུ་བསྐྱོད་པའི་འཕྲུལ་སྒུལ་རླངས་འཁོར་ཡིན་ན། རླངས་འཁོར་རྗེས་མས་ངེས་པར་དུ་རླངས་འཁོར་དུ་རླངས་འཁོར་འཁོར་སྔོན་མ་དང་བྲེལ་མྱུར་གྱི་ཚོད་འཛིན་འགུལ་སྐྱོད་བྱེད་ཐབས་སྤྱོད་པར་འདང་ངེས་ཀྱི་བདེ་འཇགས་བར་ཐག་བཞག་དགོས་ལ། གཤམ་གྱི་གནས་ཚུལ་ལས་རིགས་གཅིག་ཡིན་ན། སྔོན་ལ་འགྲོ་མི་རུང༌།

(1) རླངས་འཁོར་སྔོན་མ་གཡོན་མར་སྐྱོགས་པ་དང་ཁ་ལོ་བསྒྱུར་བ། སྔོན་ལ་འགྲོ་བ་བཅས་དང༌།

(2) ཁ་གཏད་དུ་ཡོང་བཞིན་པའི་རླངས་འཁོར་དང་གདོང་ཐུག་རྒྱག་སྲིད་པ།

(3) རླངས་འཁོར་སྔོན་མ་ནི་ཉེན་རྟོག་རླངས་འཁོར་དང་མེ་གསོད་རླངས་འཁོར། མྱུར་སྐྱོབ་རླངས་འཁོར། བཟོ་སྐྲུན་ཉེན་སྐྱོབ་རླངས་འཁོར་སོགས་བྲེལ་མྱུར་ལས་འགན་ལག་བསྟར་བྱེད་མཁན་ཡིན་པ།

(4) ལྕགས་ལམ་མདོ་དང་བསྣོལ་མའི་ལམ་མདོ། ཟམ་པ་དོག་མོ། ལམ་སྐྱོགས། ལ་ཐུར། དོང་ལམ། མི་འགྲོ་སའི་འཕྲེད་ལམ། གྲོང་ཁྱེར་གྱི་འགྲིམ་འགྲུལ་ལམ་ཐིག་གམ་ཡང་ན་འགྲིམ་འགྲུལ་རྒྱུག་ཚད་ཆེ་བའི་ལམ་རྒྱུད་སོགས་སྔོན་ལ་འགྲོ་སའི་ཆ་རྐྱེན་མེད་སར་འགྲོ་སྐབས་བཅས་སོ།

རྩོམ་སྒྲིག་པ་དང་སྙན་སྒྲོན་པ། སྟོབས་ལྡན་རྒྱལ། 

རྩོམ་སྒྲིག་འགན་ཁུར་པ། ལྷ་རྒྱལ་བཀྲ་ཤིས། བཀྲ་ཤིས་དོན་གྲུབ།

ལྟ་སྐུལ་པ། ཕྱུག་ལོ།

སྤྱི་ཁྱབ་ལྟ་སྐུལ་པ། དབང་གྲགས་ཚེ་རིང་།