ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་གཞུང་ལམ་འགྲིམ་འགྲུལ་བདེ་འཇགས་སྐོར་གྱི་བཅའ་ཁྲིམས།
ལེའུ་ལྔ་པ། འགྲིམ་འགྲུལ་ཆག་སྒོ་ཐག་གཅོད།
དོན་ཚན་བདུན་ཅུ་པ། བགྲོད་ལམ་སྟེང་དུ་འགྲིམ་འགྲུལ་ཆག་སྒོ་བྱུང་དུས་རླངས་འཁོར་ཁ་ལོ་བས་འཕྲལ་དུ་རླངས་འཁོར་འགྲོ་མཚམས་བཞག་སྟེ་ཆག་སྒོ་བྱུང་སར་སྲུང་སྐྱོང་བྱེད་དགོས། མི་ལུས་ལ་རྨས་སྐྱོན་བཟོས་པར་རླངས་འཁོར་ཁ་ལོ་བས་འཕྲལ་དུ་རྨས་མ་མྱུར་སྐྱོབ་བྱེད་དགོས་པ་མ་ཟད། ད་དུང་མྱུར་དུ་ལས་རེས་འགྲིམ་འགྲུལ་ཉེན་རྟོག་པ་དང་ཡང་ན་སྤྱི་བདེ་ལས་ཁུངས་ཀྱི་འགྲིམ་འགྲུལ་དོ་དམ་སྡེ་ཁག་ལ་ཡར་ཞུ་བྱེད་དགོས། རྨས་མ་མྱུར་སྐྱོབ་བྱས་ནས་ཆག་སྒོ་བྱུང་ས་འགྱུར་ལྡོག་བྱུང་བར་ས་གནས་གསལ་འགོད་བྱེད་དགོས། རླངས་འཁོར་ལ་སྡོད་མཁན་དང་འགྲུལ་བཞུད་ཀྱི་རླངས་འཁོར་ཁ་ལོ་བ། ཕར་འགྲོ་ཚུར་འོང་གི་ལམ་འགྲོ་བ་བཅས་ཀྱིས་རམ་འདེགས་བྱེད་དགོས།
བགྲོད་ལམ་སྟེང་དུ་འགྲིམ་འགྲུལ་ཆག་སྒོ་བྱུང་དུས་མི་ལུས་ལ་རྨས་སྐྱོན་མ་བཟོས་པ་ན། དོ་བདག་པས་དོན་དངོས་དང་ཆག་སྒོ་བྱུང་རྐྱེན་ལ་རྩོད་གླེང་མེད་ན་མྱུར་དུ་ཆག་སྒོ་བྱུང་ས་ནས་ཕྱིར་འཐེན་བྱས་ཏེ་འགྲིམ་འགྲུལ་སླར་གསོ་བྱེད་དགོས། རང་འགུལ་གྱིས་གནོད་སྐྱོན་བྱུང་བའི་སྐྱིན་ཚབ་འཇལ་བའི་དོན་དག་ཐག་གཅོད་པའི་གྲོས་སྡུར་བྱེད་དགོས། འཕྲལ་དུ་ཆག་སྒོ་བྱུང་ས་ནས་ཕྱིར་འཐེན་མི་བྱེད་པར་མྱུར་དུ་ལས་རེས་ འགྲིམ་འགྲུལ་ཉེན་རྟོག་པ་དང་ཡང་ན་སྤྱི་བདེ་ལས་ཁུངས་ཀྱི་འགྲིམ་འགྲུལ་དོ་དམ་སྡེ་ཁག་ལ་ཡར་ཞུ་དགོས།
བགྲོད་ལམ་སྟེང་དུ་འགྲིམ་འགྲུལ་ཆག་སྒོ་བྱུང་ནས་ནོར་སྲིད་ཀྱི་གྱོང་གུན་ཅུང་ཙམ་བཟོས་ཤིང་དོན་དངོས་ཕལ་ཆེར་གསལ་བོ་ཡིན་པར་དོ་བདག་པས་ཆག་སྒོ་བྱུང་ས་ནས་ཕྱིར་འཐེན་བྱས་ཏེ་བསྐྱར་དུ་ཐག་གཅོད་བྱེད་པར་གྲོས་བྱེད་དགོས།
དོན་ཚན་དོན་གཅིག་པ། རླངས་འཁོར་གྱིས་འགྲིམ་འགྲུལ་ཆག་སྒོ་བཟོས་རྗེས་བྲོས་བྱོལ་བྱུང་བར་ཆག་སྒོ་བྱུང་བ་དངོས་སུ་མཐོང་བའི་མི་སྣ་དང་གནས་ཚུལ་ཤེས་མཁན་གཞན་དག་གིས་སྤྱི་བདེ་ལས་ཁུངས་ཀྱི་འགྲིམ་འགྲུལ་དོ་དམ་སྡེ་ཁག་དང་ཡང་ན་འགྲིམ་འགྲུལ་ཉེན་རྟོག་པར་ཐེར་འདོན་གོང་ཞུ་བྱེད་དགོས། ཐེར་འདོན་གོང་ཞུ་བྱས་པ་དོན་དངོས་དང་མཐུན་ན་སྤྱི་བདེ་ལས་ཁུངས་ཀྱི་འགྲིམ་འགྲུལ་དོ་དམ་སྡེ་ཁག་གིས་བྱ་དགའ་སྟེར་དགོས།
དོན་ཚན་དོན་གཉིས་པ། སྤྱི་བདེ་ལས་ཁུངས་ཀྱི་འགྲིམ་འགྲུལ་དོ་དམ་སྡེ་ཁག་གིས་འགྲིམ་འགྲུལ་ཆག་སྒོའི་ཉེན་བརྡ་འབྱོར་རྗེས། འཕྲལ་དུ་འགྲིམ་འགྲུལ་ཉེན་རྟོག་པ་མངག་སྟེ་ཆག་སྒོ་བྱུང་སར་འགྲོ་དགོས། ཐོག་མར་རྨས་ཕོག་མི་སྣ་མྱུར་སྐྱོབ་བྱས་ཏེ་བྱེད་ཐབས་གང་མང་བཀོལ་ནས་གང་མྱུར་གྱིས་འགྲིམ་འགྲུལ་སླར་གསོ་བྱེད་དགོས།
འགྲིམ་འགྲུལ་ཉེན་རྟོག་པས་འགྲིམ་འགྲུལ་ཆག་སྒོ་བྱུང་སར་བསྐོར་ཞིབ་དང་ཞིབ་བཤེར། ཁུངས་ལུང་འཚོལ་སྡུད་བྱེད་ཅིང༌། ཁུངས་ལུང་འཚོལ་སྡུད་ཀྱི་དགོས་མཁོའི་རྐྱེན་གྱིས་ཆག་སྒོ་བྱུང་བའི་རླངས་འཁོར་བཀག་ཉར་བྱེད་ཆོག་རུང་འོས་འཚམ་གྱིས་བདག་གཉེར་བྱེད་པ་དང་ཞིབ་དཔྱད་བྱེད་པར་གྲ་སྒྲིག་བྱེད་དགོས།
དོ་བདག་པའི་ལུས་ཁམས་དང་བློ་སེམས་སོགས་ཆེད་ལས་རང་བཞིན་གྱི་ཅུང་དྲག་པོར་ཞིབ་བཤེར་བྱས་ཏེ། སྤྱི་བདེ་ལས་ཁུངས་ཀྱི་འགྲིམ་འགྲུལ་དོ་དམ་སྡེ་ཁག་གིས་ཆེད་དོན་ལས་ཁུངས་ལ་མངགས་བཅོལ་བྱས་ཏེ་གསལ་འབྱེད་དགོས། གསལ་འབྱེད་བརྡར་ཤ་གཅོད་པ་དེ་གསལ་འབྱེད་པས་མིང་འགོད་དགོས།
དོན་ཚན་དོན་གསུམ་པ། སྤྱི་བདེ་ལས་ཁུངས་ཀྱི་འགྲིམ་འགྲུལ་དོ་དམ་སྡེ་ཁག་གིས་འགྲིམ་འགྲུལ་ཆག་སྒོ་བྱུང་སར་བསྐོར་ཞིབ་དང་ཞིབ་བཤེར། བརྟག་དཔྱད་གནས་ཚུལ། འབྲེལ་ཡོད་བསྐོར་ཞིབ། གསལ་འབྱེད་བརྡར་ཤ་གཅོད་པ་བཅས་གཞིར་བཟུང་སྟེ། འཕྲལ་དུ་འགྲིམ་འགྲུལ་ཆག་སྒོ་གཏན་ཁེལ་ཡི་གེ་བཟོས་ནས་འགྲིམ་འགྲུལ་ཆག་སྒོ་ཐག་གཅོད་པའི་ཁུངས་ལུང་དུ་འཇོག་དགོས། འགྲིམ་འགྲུལ་ཆག་སྒོ་ངེས་གཏན་ཡི་གེ་རུ་འགྲིམ་འགྲུལ་ཆག་སྒོའི་གཞི་རྩའི་དོན་དངོས་དང་བྱུང་རྐྱེན། དོ་བདག་པའི་འགན་འཁྲི་གསལ་པོར་བཀོད་དེ་དོ་བདག་པར་སྐྱེལ་དགོས།
དོན་ཚན་དོན་བཞི་པ། འགྲིམ་འགྲུལ་ཆག་སྒོའི་གནད་སྐྱོན་སྐྱིན་ཚབ་ལ་རྩོད་གླེང་ཡོད་ན། དོ་བདག་པས་སྤྱི་བདེ་ལས་ཁུངས་ཀྱི་འགྲིམ་འགྲུལ་དོ་དམ་ལས་ཁུངས་ལ་བར་འདུམ་བྱེད་པའི་རེ་ཞུ་འདོན་ཆོག་ལ། ཐད་ཀར་དུ་མི་དམངས་ཁྲིམས་ཁང་ལ་དམངས་དོན་གཏུག་བཤེར་ཀྱང་བྱས་ཆོག
སྤྱི་བདེ་ལས་ཁུངས་ཀྱི་འགྲིམ་འགྲུལ་དོ་དམ་སྡེ་ཁག་གིས་བར་འདུམ་བརྒྱུད་རྗེས། དོ་བདག་པས་གྲོས་མཐུན་མ་བྱུང་བ་དང་ཡང་ན་བར་འདུམ་ཡི་གེའི་གོ་ཆོད་རྗེས་ལག་བསྟར་མི་བྱེད་པར། དོ་བདག་པས་མི་དམངས་ཁྲིམས་ཁང་ལ་དམངས་དོན་གཏུག་བཤེར་བྱེད་ཆོག
རྩོམ་སྒྲིག་པ་དང་སྙན་སྒྲོན་པ། སྟོབས་ལྡན་རྒྱལ།
རྩོམ་སྒྲིག་འགན་ཁུར་པ། ལྷ་རྒྱལ་བཀྲ་ཤིས། བཀྲ་ཤིས་དོན་གྲུབ།
ལྟ་སྐུལ་པ། ཕྱུག་ལོ།
སྤྱི་ཁྱབ་ལྟ་སྐུལ་པ། དབང་གྲགས་ཚེ་རིང་།
