ཐེངས་འདིའི་ན་ཆུང་བྱིས་པའི་དགའ་ཚལ་ཐད་གཏོང་ལེ་ཚན་ནང་ཐོས་པ་དགའ་སྐྱེད་དང་རིག་པའི་སྐར་ཁུང་། ཅོ་ཀའི་དྲུག་འགྱུར་བཅས་ཀྱི་ཚན་པ་ཆུང་ངུ་དག་བཀོད་སྒྲིག་བྱས་ཡོད།
༡ ཐོས་པ་དགའ་སྐྱེད་ཀྱི་ནང་དུ་ཐོས་པ་དགའ་སྐྱེད་རྟགས་མའི་གནའ་གཏམ་འགྲན་བསྡུར་སྐབས་གཉིས་པའི་མགོ་ལོག་བོད་རིགས་རང་སྐྱོང་ཁུལ་དགའ་བདེ་རྫོང་གངས་ལུང་ཡུལ་ཚོ་དཀྱིལ་སྙིང་བོད་ཡིག་བཅའ་སྡོད་སློབ་ཆུང་གི་འགྲན་ཁུལ་གྱི་གྲོགས་པོ་ཆུང་ཆུང་ཚོས་བཤད་པའི་གནའ་གཏམ་དང་ལ་ཕུག་གི་ཕུགས་བསམ་ཞེས་པའི་བཞད་གར་ཞིག་བཀོད་སྒྲིག་བྱས་ཡོད།
༢ ཅོ་ཀའི་དྲུག་འགྱུར་གྱི་ནང་ཨ་ཁུ་ཉི་མ་ཞེས་པའི་བྱིས་གླུ་ཞིག་དང་བོད་པའི་བུ་ཆུང་ཞེས་པའི་རྡུང་ལེན་སྙན་མོ་ཞིག་བཀོད་སྒྲིག་བྱས་ཡོད།
༣ རིག་པའི་སྐར་ཁུང་གི་ནང་དུ་རླབས་ཆེ་བའི་ཚན་རིག་པ་ཉིག་ཏུན་ལོ་ཆུང་བྱིས་པའི་སྐབས་ཀྱི་གཏམ་རྒྱུད་འགའ་བཤད་པ་བརྒྱུད་གྲོགས་པོ་ཆུང་ཆུང་ཚོས་ཡང་ལྟ་ཞིབ་བྱེད་པ་དང་བསམ་བློ་གཏོང་བ། ལག་པ་འགུལ་བར་དགའ་བའི་གོམས་གཤིས་བཟང་བོར་གོམས་དགོས་བའི་ཐད་ཀྱི་གནས་ལུགས་ཐུང་ངུ་ཞིག་བཤད་པ།
རྩོམ་སྒྲིག་པ་དང་མདོ་འཛིན་པ། ནོར་བུ་མཚོ།
རྩོམ་སྒྲིག་འགན་ཁུར་བ། ཚེ་མགོན།
ལྟ་སྐུལ་བ། དབང་གྲགས་ཚེ་རིང་།
སྤྱིའི་ལྟ་སྐུལ་བ། ཆོས་ཕྱུག་རྒྱལ།
